ಬರಿದಾಯಿತು ಬದುಕು
ಅಂದು ಬಂದುಗಳೆಲ್ಲ
ಬಂದು ಹೋಗುವ ಮನೆಯು
ಬರಿದಾಯಿತೇ ಇಂದು
ನೀನು ಇಲ್ಲದೇ!!
ನೊಂದು ನುಡಿದರು ಎಲ್ಲ
ವಿಧವೆಯು ನಾನೆಂದು
ಗಂಡನಿಲ್ಲದ ನನಗೆ
ಯಾರು ಗತಿಯೆಂದು!!
ಬಂದು ಬಳಗದವರೆಲ್ಲ
ಮರಳಿ ಹೋದರು ಮನೆಗೆ
ಮರುಗಿದರೂ ಯಾರೂ ಇಲ್ಲ
ನನ್ನಯ ಜೊತೆಗೆ!!
ಇದ್ದೊಂದು ಕರುಳ ಬಳ್ಳಿಯೂ
ಉದರದ ಒಳಗೆ ಕರಗಿತು
ನಿನ್ನ ಸಾವಿನ ಆಗಾತ
ನನ್ನನು ಆವರಿಸಿದಾಗ!!
ತವರಿಂದ ನಾ ದೂರ
ಗಂಡನ ಮನೆಗೂ ಭಾರ
ಯಾರಿಗೂ ಬೇಡವಾಯಿತೇ
ಈ ನನ್ನ ಬದುಕು!!
- ಪಿ.ಜಿ.ಜ್ಯೋತಿ
27 Aug 2017, 10:58 am
Download App from Playstore: