ಜೊತೆಯಾಗಿ......
ಸಾಗುತ್ತಿರುವ ನನ್ನೀ ಪಯಣದಲಿ
ಜೊತೆಯಾದವಳು ನನ್ನೀ ಮಡದಿ.
ಬಿಸಿಲು-ಮಳೆ, ಚಳಿ-ಗಾಳಿಯನ್ನದೇ
ಬಹುದೂರ ನಡೆದೆವು ಸಂತಸದಿ!
ಬಟ್ಟೆ ಮಾಸಿದರೂ, ಚಪ್ಪಲಿ ಸವೆದರೂ
ನಮ್ಮ ಪ್ರೀತಿಗಿಲ್ಲ ಯಾವುದೇ ಕೊರತೆ.
ಹಸಿವು ಬಾಯಾರಿಕೆಯಿಂದ ಕಂಗೆಟ್ಟರೂ
ಯಾರೂ ಕೇಳೊರಿಲ್ಲ ನಮ್ಮ ಕತೆ!
ಊರೂರು ಸುತ್ತಿ ಬಿಕ್ಷೆಯ ಬೇಡಿ
ದಣಿವಾರಿಸಲು ನಮಗಿಲ್ಲ ಸ್ವಂತಮನೆ.
ದೇವಸ್ಥಾನದ ಜಗುಲಿ, ಪಾಳು ಕಟ್ಟಡಗಳು
ಅದೇ ನಮ್ಮ ಪ್ರೀತಿಯ ಅರಮನೆ.
ಸಾವಿನಲ್ಲೂ ಒಂದಾಗಿಸು ಓ ದೇವರೇ,
ನನ್ನ ಬಿಟ್ಟು ಅವಳಿಗಿಲ್ಲ ಬೇರೆ ಆಸರೆ!
ನಿನ್ನ ನಂಬಿದ ಭಕ್ತ ನಾನು
ನಮಗಿಲ್ಲ ಬೇರೆ ತೊಂದರೆ!
ಪ್ರಿಯಾಂಕ✍
- ಪ್ರಿಯಾಂಕ
27 Aug 2017, 11:23 am
Download App from Playstore: