ಸಿಹಿ ನೆನಪುಗಳು....
ಬಾಲ್ಯದ ನೆನಪುಗಳು ಇಂದಿಗೂ
ಹಚ್ಚಹಸಿರಾಗಿವೆ ಮನಸಿನ ಪುಟದಲಿ.
ಲಗೋರಿ,ಚಿನ್ನಿದಾಂಡು,
ಮರಕೋತಿಯಾಟಗಳು
ಮರೆಯಾಗಿವೆ ಇಂದು
ಮರೆತೋದ ಆಟಗಳೀಗ,
ನೆನಪಿನಂಗಳದಿ ಬಂದು ಕುಳಿತಿದೆ.
ನಾವಂದು ಮಾಡಿದ ತುಂಟಾಟಗಳು
ಸಹಪಾಠಿಯೊಂದಿಗೆ ಜಗಳವಾಡಿ
ಮೊದಲಸಲ ಮೇಷ್ಟ್ರರ ಕೈಯಿಂದ
ಏಟು ತಿಂದು ಅತ್ತಾಗ
ಗುಂಪು ಕಟ್ಟಿ ಮುಗ್ದ ಮಾತುಗಳಿಂದ
ಸಮಾಧಾನಪಡಿಸಿದ ಗೆಳತಿಯರು.
ತಪ್ಪಾಗಿ ಮಗ್ಗಿ ಹೇಳಿದ ತಪ್ಪಿಗೆ
ಬೆಂಚಿನ ಮೇಲೆ ನಿಲ್ಲಿಸಿದಾಗ
ನಿಂತುಕೊಂಡೆ ನಿದ್ದೆಮಾಡಿ
ಎಲ್ಲರ ನಗುವಿಗೆ ನಾ ಕಾರಣಳಾಗಿ
ಬೆಪ್ಪನಂತೆ ನಾನು ನಕ್ಕಿದ
ಆ ಕ್ಷಣವ ನೆನೆದು
ತುಟಿಯಂಚಿನಲಿ ಮಂದಹಾಸವೊಂದು ತೇಲಿಹೋಗಿದೆ.
ಎಷ್ಟೊಂದು ಸುಂದರವಾಗಿದೆ
ಬಾಲ್ಯದ ನೆನಪುಗಳು
ಒಮ್ಮೊಮ್ಮೆ ನೋವನ್ನು ಮರೆಸುವ ಒೌಷಧವೇ
ಬಾಲ್ಯದ ಆದಿನಗಳ ನೆನಪುಗಳು!
ಪ್ರಿಯಾಂಕ✍
- ಪ್ರಿಯಾಂಕ
29 Aug 2017, 12:57 pm
Download App from Playstore: