ಪ್ರೇಮಿ ನಾನು..ಮಾತಾಡು ನೀನು
ಕಾದಿರುವೆ ನಾನು
ನಿನ್ನ ನೆನಪಲ್ಲಿ ಬೆಂದು,
ಒಂದು ಸಲ ನೀನು
ನನ್ನ ಕಣ್ಣೆದುರು ಬಂದು!
ಕಾಣದಿಹ ಹಾದಿಯಲಿ
ಬೆಳಕನ್ನು ಚೆಲ್ಲಿ
ನೊಂದಿಹ ಮನಸಿಗೆ
ಸಾಂತ್ವನದ ನುಡಿಯನ್ನಾಡಿ
ಬಂಜರು ಹೃದಯದಲ್ಲಿ
ಪ್ರೀತಿಯ ಮಳೆಯನ್ನು ಸುರಿಸಿ
ಬಹುದೂರ ಸಾಗಿರುವೆಯಲ್ಲ!
ನಿನ್ನ ನೆರಳನು ನಂಬಿ ಬಂದಿಹ
ಬಡಪಾಯಿ
ಹೃದಯದ ಗರ್ಭಗುಡಿಯಲ್ಲಿ
ನಿನ್ನ ಪ್ರೀತಿಯನ್ನಿರಿಸಿ
ಹುಚ್ಚಿಯಂತೆ
ಆರಾಧಿಸಿತ್ತಿರುವ ಪ್ರೇಮಿ ನಾನು!
ಕಾಣದಿಹ ಕತ್ತಲಲ್ಲಿ
ಕಣ್ಣೀರಿನ ಜೊತೆಯಲ್ಲಿ
ಭರವಸೆಯ ಬೆಳಕಿನೊಂದಿಗೆ
ಕಾದು ಕುಳಿತಿರುವೆನು!
ಪ್ರಿಯಾಂಕ✍
- ಪ್ರಿಯಾಂಕ
04 Sep 2017, 08:23 pm
Download App from Playstore: