ನನ್ನಜ್ಜಿ.......
ತಾಯಿಗಿಂತ ಅಜ್ಜಿಯ ಮಮತೆ
ಹೆಚ್ಚೆನಿಸುತ್ತದೆ ........ನಂಗೆ
ಏಕೆಂದರೆ ಅವಳು ಮೊದಲು
ತಾಯಿಯಲ್ಲವೇ......
ಅವಳ ನೆರಳಲ್ಲಿ ಬೆಳೆದೆ ನಾನು
ಅವಳು ಕಟ್ಟಿದ ಕತೆಗಳು.ಪದಗಳು
ಇನ್ನು ನನ್ನೆದೆಯಲ್ಲಿ ಜೀವಂತವಾಗಿವೆ..
ಅವಳು ಮಾಡಿಸಿದ ಎಣ್ಣೆಸ್ನಾನ
ನನಗಾಗಿ ಅವಳಿಟ್ಟದ್ದ ಕಾಳಜಿ
ಅವಳ ಮುಪ್ಪಲ್ಲು ನನಗಾಗಿ
ಅಡುಗೆ ತಯಾರಿಸಲು.....
ಅವಳೊತ್ತ ...ಕಟ್ಟಿಗೆ ಹೊರೆ
ಯಾರಾದರೂ ತಿನಿಸು ಕೊಟ್ಟರೆ
ಸೆರಗಲ್ಲಿ .... ಬಚ್ಚಿಟ್ಟು ತರುತ್ತಿದ್ದಳು
....... ನನಗಾಗಿ
ಯಾರೇ ಬಡಿದರು ಅವಳೆಂದು
ಬಡಿಯಲಿಲ್ಲ..... ನನಗೆ
ಅವಳು ಎಲೆಅಡಿಕೆ ಜಜ್ಜುವ ಶಬ್ದ
ಇನ್ನು ನನ್ನ ಕಿವಿಯಲ್ಲಿ ಬಂದು ಕೂಗುತ್ತದೆ
ಅವಳ ಕೊನೆಗಾಲದಲ್ಲಿ ಬೆನ್ನೆಲುಬಾಗಲಿಲ್ಲ
ನಾನು..................
ಕ್ಷಮಿಸಿ ಬಿಡು ಜುಂಜಜ್ಜಿ..... ನನ್ನನ್ನ
ಇನೊಂದು ಜನ್ಮವಿದ್ದರೆ ನಾ ಹುಟ್ಟುವೆ
ನಿನ್ನ ....... ಸೇವಕನಾಗಿ
---ಮಂಜು
- ಮಂಜು
06 Sep 2017, 02:37 pm
Download App from Playstore: