ದಾರಿ ತೋರು ಗೆಳೆಯ
ನಿನ್ನ ನೆನಪು ಎಂಬ ಸಣ್ಣ ಸಂತೆಯಲ್ಲಿ
ಕಾಣೆಯಾದ ಪುಟ್ಟ ಮಗುವಿನಂತೆ ನಾನು!!
ನನ್ನನ್ನೇ ನಾ ಮರೆತು ನಿಂತಿದ್ದರೂ ಅಲ್ಲಿ
ನಾ ಹುಡುಕುತ್ತಲಿ ಇರುವುದು ನಿನ್ನನ್ನೇ!!
ಕಾಣದ ನಿನ್ನನ್ನು ಹಂಬಲಿಸಿ ಹಂಬಲಿಸಿ
ಅಳುತ್ತಲಿ ಇರುವ ಪುಟ್ಟ ಮನಸ್ಸು ನನ್ನದು!!
ಈ ನನ್ನ ಮನದ ಅಳುವಿನ ದನಿ ಕೇಳಿ
ನೀ ಒಮ್ಮೆ ನನ್ನ ಎದುರು ಬಂದು ನಿಲ್ಲು ಸಾಕು!!
ಅದು ಯಾವ ತಪ್ಪಿಗೆ ನನಗೆ ಈ ಶಿಕ್ಷೆ
ಯಾವ ತಪ್ಪಿಗೆ ನನ್ನನ್ನು ದಿಕ್ಕರಿಸಿ ಹೋದೆ ನೀ!!
ನಿನ್ನ ನೆನಪುಗಳ ಸುಳಿಯಲ್ಲಿ ಸಿಲುಕಿ
ಒದ್ದಾಡುತ್ತಲಿ ಇರುವ ಒಂಟಿ ಬದುಕು ನನ್ನದು!!
ನೀ ಬಿಟ್ಟು ಹೂದ ನಿನ್ನ ನೆನಪಿನ ಸಂತೆಯಲ್ಲಿ
ದಿಕ್ಕು ಅರಿಯದೇ ನಿಂತಿರುವೆನು ನಾನು!!
ನೀ ಒಮ್ಮೆ ಮರಳಿ ಇಲ್ಲಿಗೆ ಬಂದು
ನನ್ನ ಕೈ ಹಿಡಿದು ದಾರಿ ತೋರು ಗೆಳೆಯ!!
- ಪಿ.ಜಿ.ಜ್ಯೋತಿ
07 Sep 2017, 10:06 pm
Download App from Playstore: