ಬಾಲ ಕಾರ್ಮಿಕರು ಇವರು
ಹೊಟ್ಟೇ ಪಾಡಿಗಾಗಿ ಶಾಲೆಯನ್ನು ತೊರೆದವರು
ಕೂಲಿ ಕೆಲಸಕ್ಕೆ ಅಣಿಯಾಗಿ ನಿಂತರು!!
ವಿದ್ಯೆ ಎಂಬ ಮಂತ್ರ ಪಠಿಸುತ್ತಿದ್ದವರು
ದುಡಿಮೆ ಎಂಬ ತಂತ್ರಕ್ಕೆ ಸಿಲುಕಿದರು!!
ಪುಸ್ತಕದ ಮೇಲಿರುವ ಮೋಹವನ್ನು ತ್ಯಜಿಸಿ
ಕ್ಷಣ ಮಾತ್ರದ ಹಸಿವನ್ನು ನೀಗಿಸಲು ಬಂದವರು!!
ದುಡಿಮೆಯ ಸವಾಲನ್ನು ಎದುರಿಸುತ್ತ
ಅನಿವಾರ್ಯ ಬಾಲ ಕಾರ್ಮಿಕರಾದವರು ಅವರು!!
ಬಳಪವನ್ನು ಹಿಡಿಯುತ್ತಿದ್ದ ಆ ಮುದ್ದು ಕೈಯಲ್ಲಿ
ಬದುಕಿನ ಭಾರವ ಹೊರಲಾರದೇ ಹೊತ್ತವರು!!
ಹೆತ್ತವರ ಪಾಲಿನ ಆಸರೆಯ ಕನಸು ಇವರು
ಶಾಲೆಯಿಂದ ದೂರಾಗಿ ಅನುಭವದಿ ಕಲಿತವರು!!
ದಿನ ಕೂಲಿಯಲ್ಲಿ ಬಾಲ್ಯವನ್ನು ಕಳೆದವರು
ಚಿಣ್ಣರ ಲೋಕದಿ ದೂರಾದ ಕಣ್ಣಿನವರು!!
ಕನಸಿನ ಲೋಕಕ್ಕೆ ತಾವೇ ಗೋಡೆ ಕಟ್ಟಿ
ಕಷ್ಟದಲ್ಲಿ ಇಷ್ಟ ಇಲ್ಲದೇ ಬಾಲಕಾರ್ಮಿಕರಾದರು!!
- ಪಿ.ಜಿ.ಜ್ಯೋತಿ
07 Sep 2017, 10:08 pm
Download App from Playstore: