ಕಳಕೊಂಡು ದು:ಖಿಸಬಾರದು
ಕಳೆದದ್ದು ದುಃಖ ತರಿಸದೆ ಹೋಗದು
ಸಿಕ್ಕಿದ್ದು ಸಂತೋಷ ತರಿಸದೆ ಇರದು
ಸಿಕ್ಕಿದ್ದು ಕಳೆದಿದ್ದು ಯಾವಾಗಲೂ ನೆನಪಾಗಿರುವವು
ಒಮ್ಮಿಲ್ಲ ಒಮ್ಮೆ ಅವಲೋಕನಕ್ಕೆಹಚ್ಚದೆ ಇರಲಾರವು!
ಕಳೆದು ಕೊಂಡಿರುವ ಮೌಲ್ಯ ಕಣ್ಣೀರಾಗುವದು
ಸಿಕ್ಕಿದ್ದು ಪಾಲಿಗೆ ಬಂದ ಪಂಚಾಮೃತವಾಗುವದು
ಕಳೆದದ್ದು ಪಡೆಯಲು ಕಾಲಮೀರಿರುವದು
ಸಿಕ್ಕಿದ್ದು ಉಳಿಸಿಕೊಳ್ಳಲು ಮಾರ್ಗ ಕಂಡುಕೊಳ್ಳುವುದು
ಕಳೆದದ್ದು ಪಡೆಯಲು ಪ್ರಯತ್ನಿಸಿದರೆ ಜೀವನ ನರಕವಾಗುವದು
ಸಿಕ್ಕಿದ್ದು ಉಳಿಸಿಕೊಳ್ಳದೆ ಹೋದರೆ ಬದುಕ್ಕಿದ್ದು ವ್ಯರ್ಥವಾಗುವುದು
ಕಳೆದದ್ದು ಪರರಿಗೆ ಒಳ್ಳೆಯದನ್ನು ಮಾಡಿದರೆ ಅದಕ್ಕಿಂತ ಉತ್ತಮ ಯಾವುದು?
ಸಿಕ್ಕಿದ್ದು ಪರರಿಗೆ ಕೆಟ್ಟದ್ದುಮಾಡಿದರೆ ಅದಕ್ಕಿಂತ ಕೀಳಾದದ್ದು ಯಾವುದು?
ಕಳೆದದ್ದು ಮರೆಯಲು ದೂರ ಇರಬೇಕಾಗುವುದು
ಸಿಕ್ಕಿದ್ದು ಶಾಶ್ವತವಾಗಿರಿಸಲು ಪ್ರೀತಿಸಬೇಕಾಗುವುದು
ಕಳೆದದ್ದು ಸಿಕ್ಕಿದ್ದು ಒಂದೇ ಎಂಬಂತೆ ಇದ್ದರೆ ಅದ್ಯಾವ ಕೊಂಕು ಕಾಣದು ಹಿರೇಉಳ್ಳಿಗೇರಿ ಕರೆಮ್ಮದೇವಿ
- MB
15 Sep 2017, 08:35 pm
Download App from Playstore: