ಕನಸುಗಾರ
ಎಲ್ಲರಿಗೂ ಇರದು ಈ ತರದ ಮನಸು
ಕನಸು ಕಾಣುವುದೆಂದರೆ ಕೆಲವರಿಗೆ ಸೊಗಸು
ಸೋತೋನು ಗೆಲ್ಲೋದು
ಗೆದ್ದೋನು ಸೋಲೋದು
ಇಲ್ಲಿಯ ನಿಯಮ
ಇದುವೇ ಈ ಜಗದ ನಿಯಮ
ಕವಿದ ಕತ್ತಲೆಯೊಳು
ಜಗವೆಲ್ಲ ಮಲಗಿರಲು ಇವನೊಬ್ಬನೆದ್ದ
ಕಾಣದೆ ಕರಗಿದ
ಬಿಡದೆ ಬರಸೆಳೆದ
ಹೊತ್ತೊಯ್ದ ನನ್ನ ಸಿರಿಸೊಕ್ಕಿನರಮನೆಗೆ
ಕುಬೇರನು ನಾನಿಲ್ಲಿ
ನಾನೇ ಸರ್ವಾಧಿಕಾರಿ
ತುಸು ಹೊತ್ತು ರಾಜ ಮತ್ತೆ ಮಂತ್ರಿ, ಸೈನಿಕನೂ
ನನ್ನಾಕೆ ಜಗಕಾಣ ಮನದರಸಿ
ಸ್ವರ್ಗಲೋಕದ ಸುಂದರಿ
ಅಪರಿಮಿತ ದಾಸಿಯರು ನಮ್ಮ ಸೇವೆಗೆ
ವಿರೋಧಿಯೂ ವಿರೋಧ ಪಕ್ಷವೂ ಇರದ, ಸದಾ ಸಂತಸದಿ ತೇಲಾಡುವ ಲೋಕ ನನ್ನದು
ಅದೇ ಕನಸಿನ ಲೋಕ
ನಾನೇ ಅದರ ಒಡೆಯ
ಕನಸುಗಾರನೆಂದು ನನ್ನ ಹೆಸರು.
ಭೀಮೇಶ್. ಎಫ್. ಡಿ.
- ಪ್ರೇಮಪುತ್ರ...ಭೀಮೇಶ್
17 Sep 2017, 11:00 pm
Download App from Playstore: