ನನ್ನ ಪಯಣ
ಎತ್ತ ಸಾಗಿತು ನಿನ್ನ ಪಯಣವು
ನನ್ನ ಬದುಕನು ಒಂಟಿಯಾಗಿ ಬಿಟ್ಟು
ಎತ್ತ ಜಾರಿತು ನಿನ್ನ ಮನವು
ನನ್ನ ಮನದೊಳಗೆ ನೆನಪುಗಳನ್ನಿಟ್ಟು
ಹೆಜ್ಜೆಗೆ-ಹೆಜ್ಜೆ ಹಾಕಿ ಬಲು ದೂರ ಸಾಗಿ
ಎತ್ತ ಹೋದೆ ಕವಲು ದಾರಿಯಲಿ ನನ್ನ ಹೀಗೆ ಬಿಟ್ಟು
ಜೊತೆಗೂಡಿ ನಕ್ಕು ನಲಿದು
ಎತ್ತ ಹೋದೆ ಕಂಬನಿಗಳನು ಕಣ್ಣಲ್ಲಿ ಬಿಟ್ಟು
ಕಣ್ಣಂಚಿನಲಿ ತುಂಬಿ ಹರಿಯುತ್ತಿದೆ
ನೀನು ಬಿಟ್ಟು ಹೋದ ನೆನಪುಗಳು
ಆ ನೆನಪಿನ ದೋಣಿಯಲಿ ಆರಂಭವಾಗಿದೆ
ನನ್ನೀ ಜೀವನದ ಪಯಣವು
- ವಿನೋಬ ಕೋಟೆ
21 Sep 2017, 06:50 pm
Download App from Playstore: