ಮಧುಪಾನ
ಮಧುರ ಮಧುರವೀ ಮಧುವಿನ ಪಾನ
ಮನವನು ತಣಿಸುವ ಮಧುಪಾನ !!
ಬಣ್ಣ-ಬುದ್ದಿಯ ವೃದ್ದಿ, ಸ್ವರ- ಆರೋಗ್ಯದ ಸಿದ್ದಿ
ಸ್ರೋತೋಮಾರ್ಗಗಳ ಶುದ್ದಿ, ಸಮಾಜದಲಿ ಗೌರವವೂ ವೃದ್ದಿ,
ಕೃಶ - ಸ್ಥೂಲರಿಗೂ ಹಿತ, ಬಡವ-ಬಲ್ಲಿದರಿಗೂ ಹಿತ, ಕನಿಷ್ಟ ಕಾಸಿನಲಿ ಸುಖ ಅಪರಿಮಿತ
ಬಡವನ ಕೈಗೂ ಎಟಕುವ
ಅಮೃತ ಈ ಮಧುಪಾನ!!1!!
ಅತಿ ನಿದ್ರೆಯವನಿಗೂ ಇದು ಮದ್ದು
ನಿದ್ರಾಹೀನನಿಗೂ ಇದೆ ಇದರಲ್ಲೇ ಮದ್ದು
ಚಿಂತಾಕ್ರಾಂತನಿಗೆ ಸಾಂತ್ವನದ ಮದ್ದು
ಚಿಂತೆ ಇಲ್ಲದವನಿಗೋ ಇದು
ಸಮಯ ಕಳೆವ ಮದ್ದು
ಧಾತುಗಳವೃದ್ದಿ,
ಸರ್ವರೋಗಹರ
ಭೂಲೋಕದ ಸಂಜೀವಿನಿ ಈ ಮಧುಪಾನ!!2!!
ವಾತ ಶ್ಲೇಷ್ಮಹರ,
ರೂಕ್ಷ-ಸೂಕ್ಶ್ಮ-ಸರ
ಒಗರು ಮಿಶ್ರಿತರಸ ಮಧುರ-ಕಹಿ-ಖಾರ
ವಿಪಾಕ ಹುಳಿಯಾದರೂ,
ಇದು ಚಿತ್ರ-ವಿಚಿತ್ರ ರುಚಿಯ ಉಷ್ಣವೀರ್ಯ
ಮನಸಿಗೆ ತುಷ್ಠಿಯು, ದೇಹಕೆ ಪುಷ್ಟಿಯು
ಇಳೆಯಲೆ ಸ್ವರ್ಗವ ಸೃಷ್ಠಿಸಬಲ್ಲ
ರುಚಿಕರ ಪೇಯ ಈ ಮಧುಪಾನ!!3!!
ಸುರಲೋಕದ ಅಪ್ಸರೆಯರನು
ಇಳೆಯಲೆ ದಕ್ಕಿಸಬಲ್ಲುದೀ ಮಧುಪಾನ
ಸುರ-ಅಸುರರನು ಧರೆಯಲೇ
ಸೃಷ್ಥಿಸಬಲ್ಲುದೀ ಸುರಪಾನ
ಹಿತವೆಂದು ಮಿತಿ ಮೀರಿದೊಡೆ
ಅದೋಗತಿಗೆ ಇದುವೇ ಸೋಪಾನ
ಇತಿ ಮಿತಿಯನರಿತವನಿಗೆ ಇದುವೇ
ವಸುದೆಯೊಳಗಿನ ಸುಧಾಪಾನ!!4!!
ಡಾ!ಸಿ.ಮುರಳೀಧರ. ಮಾರ್ಚ್ 2016
- ಡಾ!ಸಿ.ಮುರಳೀಧರ
27 Sep 2017, 10:37 pm
Download App from Playstore: