ಓ ಮುದ್ದು ಗೆಳತಿ..
ಓ ಮುದ್ದು ಪುಟ್ಟ ಗೆಳತಿ
ನಿನ್ನ ಬದುಕಿಗೆ ನೀನೇ ದಿಟ್ಟ ಒಡತಿ
ಒಮ್ಮೆ ಅಳುತಿ, ಒಮ್ಮೆ ನಗುತಿ,
ಕಷ್ಟ ಸುಖದ ಸಾಲು ಸರತಿ!
ಪಟ್ಟೆ ನೀನು ನೂರು ಗೋಳು
ಕಷ್ಟದಲ್ಲೇ ನಿನ್ನ ಬಾಳು!
ಯಾರಿಗಿಲ್ಲ ಕಷ್ಟ ಕೇಳು
ಎಲ್ಲರ ಬದುಕೂ ಏಳು ಬೀಳು!
ಬದುಕ ಪಯಣದಿ ಸಿಗುವರು ನೂರು ಮಂದಿ
ಯಾರು ಯಾರಿಗೂ ಆಗಬಾರದು ವ್ಯರ್ಥ ಬಂಧಿ.
ನಿನ್ನ ದಾರಿಗಿಲ್ಲಿ ನೀನೇ ದೀಪ
ಕತ್ತಲಲ್ಲೂ ಬೆಳಗಲಿ ನಿನ್ನ ದಿವ್ಯ ರೂಪ.
ನಂಬಿಕೆಗಳ ಅಡವಿಟ್ಟ ಸಮಾಜದಲ್ಲಿ
ಆತ್ಮ ಗೌರವಗಳು ಚೆಲ್ಲಾಪಿಲ್ಲಿ!
ನಿಲ್ಲದಿರು ಹುಡುಗಿ ಎಂದಿಗೂ ಕೈ ಚೆಲ್ಲಿ
ನಡೆಯುತಿರು ಎಂದೆಂದೂ ನಗುವೆಂಬ ಹೂ ಚೆಲ್ಲಿ.
- ಶ್ರೀಗೋ.
29 Sep 2017, 07:34 pm
Download App from Playstore: