ನಿನ್ನ ಕಾಲು ನೋವಿಗೆ..
ಗೆಳತಿ,
ನಡೆಯದಿರು ಅಷ್ಟೊಂದು,
ನೋಯಲಾರವೇ ಕಾಲುಗಳು
ಅವು ಕಬ್ಬಿಣದ ಸಲಾಖೆಗಳಲ್ಲ
ಗಟ್ಟಿ ಮರದ ತುಂಡುಗಳಲ್ಲ,
ಬಾಳೆ ದಿಂಡಿನಂತಹ ಕೋಮಲ
ಬೆಣ್ಣೆ ಮುದ್ದೆಯಂತಹ ನಿರ್ಮಲ.
ತಾಳಲಾರವು ಹುಡುಗಿ,
ನಿನ್ನ ಬದುಕ ಬವಣೆಗಳ
ನಿನ್ನ ಮನದ ನೋವಿನ ಮೂಟೆಗಳ
ಮತ್ತೆ ಮತ್ತೆ ತಲೆ ಮೇಲೆ
ಬಂದು ಕೂರುವ ಬೇಡದ
ಗೊಂದಲದ ಗೊಡವೆಗಳ.
ಆದರೂ ಸೋಲದಿರು ಹುಡುಗಿ
ಗಟ್ಟಿಗೊಳಿಸುವೆ ನಿನ್ನ ಕಾಲ್ಗಳ
ತಿಕ್ಕಿ ತೀಡಿ, ಎಣ್ಣೆ ಮಜ್ಜನವ ಮಾಡಿ.
ಬೆರಳ ಹಿಡಿದೆಳೆದು,
ಕೊಂಚ ನೋವಾದರೂ
ನಟಿಕೆ ಚಟ್ ಎಂದು ಮುರಿದು,
ಆಹ್ಲಾದಗೊಳಿಸುವೆ ನಿನ್ನ
ನೋವಲ್ಲಿ ನೀನು
ಸೋತು ಹೋಗುವ ಮುನ್ನ !!
- ಶ್ರೀಗೋ.
09 Oct 2017, 10:21 pm
Download App from Playstore: