ಕಣ್ಣೀರು
ಕಣ್ಣೀರೆ,
ನಿನಗೇಕೆ ನನ್ನ ಕೆನ್ನೆಯ ಮೇಲೆ
ಅಷ್ಟೊಂದು ಪ್ರೀತಿ ?
ಒಂದು ದಿನವಾದರೂ ಬಿಟ್ಟಿರಲಾರದೆ
ಮತ್ತೆ ಮತ್ತೆ ಇಣುಕಿ ನೋಡುತಿ.
ನಿನಗೆಷ್ಟು ಗೆಳೆಯರು,
ಬಂದು ಬಾಂಧವರು,
ಎಲ್ಲರೂ ನನಗೆ ನಿನ್ನ
ಉಡುಗೊರೆಯಾಗಿ ಕೊಡುವರು !
ಅಪ್ಪನಿಂದ ಅಷ್ಟು,
ಅಮ್ಮನಿಂದ ಇಷ್ಟು,
ಮನಸಿಗೆ ಬಂದ ಹುಡುಗನಿಂದ ಇನ್ನಷ್ಟು.
ನಂಬಿಕೊಂಡ ಗೆಳೆಯರಿಂದ
ಮೊಗೆದಷ್ಟು, ಸುರಿದಷ್ಟು...
ಕಣ್ಣೀರೆ ನಿನಗೆ ಊರೆಲ್ಲ ನೆಂಟರು,
ನನಗೆ ನಿನ್ನನೇ ದಿನವೂ ಧಾರೆಯೆರೆವರು.
ಸಾಕು ನಿನ್ನ ಸಹವಾಸ,
ಬೇಡ ಈ ವನವಾಸ.
ಬಿಟ್ಟು ಹೋಗು ಕಣ್ಣೀರೆ
ಬಿಡಿಸು ನನ್ನ ದುಃಖದ ಸೆರೆ !
- ಶ್ರೀಗೋ.
12 Oct 2017, 07:23 am
Download App from Playstore: