ಮಾತಾಡು ಗಿಳಿಯೇ
ಪಂಜರದ ಗಿಳಿ ಯಾಕೆ ಮೌನವಾಯಿತೋ
ಪಂಜರದೊಳಗೇ ಮಾತು ಹುದುಗಿ ಹೋಯಿತೋ.
ಅರೆಕ್ಷಣವೂ ಬಿಟ್ಟಿರದೆ, ಅಲಾಪಿಸುತ್ತಿದ್ದ ಗಿಳಿ
ಅರಮನೆಯ ಕಂಬಿಯೊಳಗೆ ಬಂದಿಯಾಯಿತೋ.
ಅಂತಿಂತ ಗಿಳಿಯಲ್ಲ, ನನ್ನ ಮುದ್ದಿನ ಗಿಳಿ
ಅನುಬಾವ ಬಂಧುರವ ಬೆಳೆಸಿಕೊಂಡಂತ ಗಿಳಿ
ಇಂದೇಕೋ ಮೌನವಾಗಿ ಹಾರಿ ಹೋಯಿತೋ,
ಬಂಧನದ ಈ ಪ್ರೀತಿ ಬೇಡವಾಯಿತೋ..
ಇಷ್ಟು ಕಾಡಿಸ ಬೇಡ, ಪಂಚ ವರ್ಣದ ಗಿಳಿಯೇ
ಬಿಟ್ಟು ಹೋಗಲು ಬೇಡ ಅಂತರಂಗದ ಸಕಿಯೇ
ನೀನಿಲ್ಲದಾ ಮನಸು ಭಾರವಾಯಿತೋ,
ನಿನ್ನ ದನಿ ಕೇಳದಾ ಹೃದಯ ಸೋತು ಹೋಯಿತೋ..
- ಶ್ರೀಗೋ.
18 Oct 2017, 11:16 pm
Download App from Playstore: