ನೆನಪಿನ ಶಿಕ್ಷೆ !
ಎಂದು ನೋಡುವೆನು ಮರಳಿ ನಿನ್ನ
ನೊಂದು ಹೋಗಿಹುದು ಮನವು ಚಿನ್ನ
ದೂರದೂರಿನಲಿ ಇದ್ದರೂ ನಾನು
ಮುತ್ತುವುದು ನಿನ ನೆನಪು ಸಿಡಿದಂತೆ ಜೇನು.
ಚುಚ್ಚಿದರೂ, ಕಚ್ಚಿದರೂ ಹಿತವುಂಟು ನೋವಲ್ಲಿ
ಜೇನ ಹುಟ್ಟಿನ ಸಿಹಿಯ ಸವಿದಂತೆ ಬಾಯಲ್ಲಿ
ಒಂದು ಕ್ಷಣ ಬಿಡುವಿಲ್ಲ,
ನನ್ನೆದೆಯು ದಣಿದಿಲ್ಲ
ನಿನ್ನ ಸವಿ ನೆನಪುಗಳ ಬಾರವನು ಹೊತ್ತು,
ನಡೆಯುವೆನು ಎಲೆ ಹುಡುಗಿ ಆದಷ್ಟು ಹೊತ್ತು
ನಾನೇನೋ ತಾಳುವೆನು ಒತ್ತರಿಸಿ ಬರುವ
ನಿನ್ನೊಲವ ನೆನಪುಗಳ ಪ್ರೀತಿ ಒದೆತ,
ತಾಳುತ್ತಿಲ್ಲ ಹುಡುಗಿ ಕಣ್ಣೀರ ಹನಿಗಳು
ಒತ್ತರಿಸಿ ಜಿನುಗುತ್ತಿಹವು ಸತತ ಒರೆತ.
ಮರೆಯಲಾರೆನು ಚೆಲುವಿ
ನಾನೆಲ್ಲಿದ್ದರೂ ಕೂಡ ನಿನ್ನ ಪ್ರೀತಿಯ,
ನನ್ನ ಹೊಸ ಲೋಕಕೆ ದೂಡಿದ
ನಿನ್ನೊಲವ ಪ್ರೀತಿಯ ಮೋಡಿಯ.
- ಶ್ರೀಗೋ.
21 Oct 2017, 09:57 am
Download App from Playstore: