ಮುಲಾಮು
ಮುಲಾಮು
-------------
ನನ್ನೆದೆಯೊಳಗೆ ಅವಿತ ನಿನ್ನ ಮುಖ ಕಾಣಲು
ನನ್ನೆದೆಯೊಳಗೊಂದು ದೀಪ ಹಚ್ಚುತ್ತಲಿದ್ದೇನೆ.
ಕಾಯ್ದು ಆರಿದ ನಿನ್ನ ಮನ ತಿಳಿಯಾದ ಮೇಲೆ
ಬೆಳಕಿನೊಳಗೆ ಕಾಣುವ ನನ್ನೆದೆಯೊಳಗಿನ
ನಿನ್ನ ಮುಖ ಒಮ್ಮೆಯಾದರೂ ನೋಡು
ನೋಡುವಾಗ ನೆನಪಿರಲಿ ನಿನಗೆ
ಕಾಯ್ದು ಆರಿಹೋದ ಅದೆಷ್ಟೋ ಮನಸುಗಳ
ತಿಳಿಗೊಳ.
ಮಿಂದಂತೆ ಪಕ್ಷಿ ,ಸದಾ ನಿನ್ನ ಕಾಯುವ ಜಟಾಯು.
ನನ್ನ ಎದೆಯೊಳಗೆ ಯಾವುದೋ ಹೇಳತೀರದ
ಅಮಲು.
ಅದು ಕಾಮವೋ,ಪ್ರೇಮವೋ ನಾ ಕಾಣೆ
ಹಾದರವೆಂದು ಮಾತ್ರ ಜರಿಯದಿರು.
ಪ್ರೇಮ ಹರಿಯದಿರಲೆಂದು ಒಂದೊಂದು ಹೂವುಗಳನ್ನು
ಜೋಪಾಣವಾಗಿ ಪೋಣಿಸಿರುವೆನು.
ನಿನಗೆ ತಿಳಿದಿರಲಿ ನನ್ನ ಎದೆಯ ದಾರದ ಗಟ್ಟಿತನ.
ಕೊಳ್ಳುಬಾಕ ನಾನಲ್ಲ,
ಸವಿದು ಸವಿದು ನಿನ್ನ ಆತ್ಮ ತನಿಸಲು ಜೋಪಾನವಾಗಿ ಆಯ್ದ ಮುತ್ತುಗಳ ನಿನಗಾಗಿ
ಎತ್ತಿ ಇಟ್ಟಿರುವೆ ನನ್ನ ಎದೆಯ ಬಟ್ಟಲೊಳಗೆ.
ಒಂದು ಬಾರಿಯಾದರೂ ಹೃದಯ ಹಣತೆಯ
ಬೆಳಕಿನಲ್ಲಿ ನನ್ನ ಮುಖದ ಛಾಯೆಯನ್ನಾದರೂ ನೋಡು.
ಅಲ್ಲಿ ಕಂಡರೂ ಕಾಣಿಸಬಹುದು ನಿನಗೆ
ನನ್ನ ಆತ್ಮ ಸಂಗಾತಿಯ ರೂಪ.
--- ಸುರೇಶ ಜಕಾತಿ. ಜಮಖಂಡಿ
8746086672
- ಸುರೇಶ ಜಕಾತಿ.ಜಮಖಂಡಿ
21 Oct 2017, 09:02 pm
Download App from Playstore: