ಹಿಂತಿರುಗಿ ಬರಲಾರೆಯ
ನೆನಪಲ್ಲಿ ನೋಯುತಿದೆ ಈ ಹೃದಯ
ನೋವಲ್ಲಿಯೇ ಅಳಿಯುತಿದೆ ಹರೆಯ
ನೀನು ಕಾಣದಾದೆಯ ಇನಿಯ
ಒಮ್ಮೆ ಹಿಂತಿರುಗಿ ಬರಲಾರೆಯ
ನಿನ್ನಲಿನ್ನೂ ಮನ್ನಿಸಲಾಗದ ಮುನಿಸಿದೆ
ನನ್ನೊಳಗೆ ಇನ್ನೂ ಪ್ರೀತಿಯು ಉಳಿದಿದೆ
ಕಣ್ಣ ನೀರು ಕೆನ್ನೆ ಸೋಕಿ ಮುತ್ತಿಕ್ಕಿದೆ
ಈ ಹೃದಯ ನಿನಗಾಗೆ ಕಾಯುತಿದೆ
ಸುತ್ತಲೂ ಇದ್ದರು ನನಗಾಗಿ ಜೊತೆಗೆ ಎಲ್ಲರೂ
ಬೇಕೆನಿಸುತ್ತಿಲ್ಲ ನಿನ್ನ ಹೊರತು ಇನ್ಯಾರು
ನಿನ್ನ ನೆನಪುಗಳಿಗೆ ಮನಸಾಗಿದೆ ತವರೂರು
ಕೊನೆಯಿಲ್ಲದಾಗಿದೆ ಮರುಗುತಿದೆ ಹೃದಯದೂರು
ಕಳೆದೋಗಲಿ ಇನ್ನೂ ಹತ್ತಾರು ವರುಷ
ಇಲ್ಲದಾಗಲಿ ನನಗೆ ಅಳಿದುಳಿದ ಹರುಷ
ಕಾಯುವೆನು ನಾ ನಿನಗಾಗಿಯೇ ಪ್ರತಿ ನಿಮಿಷ
ಬರುವೆಯಾ ನೀನು ನನ್ನ ಪ್ರೀತಿಯರಿತು ಎನ್ನರಸ
ಕನಸುಗಳು ದಾರಿ ಕಾಣದೆ ಕಳೆದೋಗುವ ಮುನ್ನ
ಕಣ್ಣ ಒಡಲಲಿ ಕಡಲೇ ಹರಿದು ನೀರು ಬತ್ತುವ ಮುನ್ನ
ನಿನಗಾಗಿಯೇ ಕಾದು ನನ್ನುಸಿರು ಹಾರಿ ಹೋಗುವ ಮುನ್ನ
ನೀ ಒಮ್ಮೆ ಹಿಂತಿರುಗಿ ಬಂದು ಸೇರಿಬಿಡು ನನ್ನ
- ಶ್ರೀಕಾವ್ಯ
30 Oct 2017, 09:07 pm
Download App from Playstore: