ಜಾತಿಯುದ್ಧ
ಮಾಡೊಣ ಬನ್ನಿ ಎಲ್ಲರು ಸೇರಿ ಯುದ್ಧ,
ಜಾತಿ ಎಂಬ ಎರಡಕ್ಷರದ ವಿರುದ್ಧ.
ಪುಟ್ಟದಾದ ಹ್ರುದಯ ನೊಡಲು ಸುಂದರ,
ಜಾತಿಎಂಬ ಪದದಿಂದ ಇದಾಗಿದೆ ವಿಕಾರ.
ಎಲ್ಲರಲಿ ಹರಿಯುವುದು ಒಂದೆ ರಕ್ತ,
ಆಗೋಣ ಬನ್ನಿ ಜಾತಿಮತದಿಂದ ಮುಕ್ತ.
ಯಾಕಾಗಿ ನಮ್ಮಲ್ಲಿ ಆ ಜಾತಿ, ಈ ಜಾತಿ,
ಹರಡೋಣ ಎಲ್ಲ ಸೇರಿ ಮನುಜ ಪ್ರೀತಿ.
ಬೀಸುವ ತಂಗಾಳಿಗಿಲ್ಲ,
ಹರಿಯುವ ತಿಳಿನಿರೀನೊಳಿಲ್ಲ,
ತಿನ್ನುವ ಅನ್ನದೊಳಗಿಲ್ಲ,
ಇದ ಅರಿತವ ಎಲ್ಲೆಲ್ಲೂ ಪ್ರೀತಿಗಳಿಸಬಲ್ಲ.
ಮನೆಯೊಳಗೆ ಕಾಲನಿಕ್ಕಲು ಬಿಡದ!
ಕುಡಿವ ನೀರ ಮುಟ್ಟಲೂ ಬಿಡದ!!
ಪಕ್ಕದಲಿ ಕುಳಿತು ಮಾತನಾಡಲು ಬಿಡದ!
ಯಾವುದೀ ಜಾತಿ ಸಮಾನತೆಯೇ ಇಲ್ಲದ?
ಎಲ್ಲರು ಹುಟ್ಟುವುದು ತಾಯಹೊಟ್ಟೆಯಲಿ,
ಮಕ್ಕಳೆಲ್ಲ ಬೆಳೆಯುವುದು ಒಟ್ಟಾಗಿ ಆಡುತಲಿ,
ಎಲ್ಲ ಜನರು ಇರುವುದು ಒಂದೆ ಸಮಾಜದಲ್ಲಿ,
ಆದರು ಜಗಳ ಈ ಜಾತಿಎಂಬ ಪದದಲ್ಲಿ!?.
- ಚಿರು
31 Oct 2017, 09:32 am
Download App from Playstore: