ಅಮ್ಮ
ಒಂಬತ್ತು ತಿಂಗಳು ಹೊಟ್ಟೆಯಲಿ ಹೊತ್ತೆ,
ನನ್ನಲಿ ಬೆಳಗಿಸಿದೆ ಪ್ರೀತಿಯ ಹಣತೆ,
ನನ್ನ ತಿದ್ದಿ ಸಲಹಿದಾತೆ,
ನೀನೆ ನನ್ನಯ ಪ್ರೀತಿಯ ದೇವತೆ.
ನಿನ್ನೀಂದ ನಾ ಕಂಡೆ ಈ ಜಗವ,
ನಿನ್ನೀಂದ ನಾ ಕಲಿತೆ ಆ ನಗುವ,
ನೀನೊಂದು ರೀತಿಯ ಕನ್ನಡಿ,
ನಿನ್ನ ಕುರಿತು ಬರೆಯಲು ಕಷ್ಟ ಮುನ್ನುಡಿ.
ನಾ ಜಾರಿದರೆ ನಿನ್ನ ಕಣ್ಣಲ್ಲಿ ನೀರಹನಿ,
ನಕ್ಕರೆ ನಾ ನಿನ್ನ ಬಾಯಲ್ಲಿ ಜೇನಹನಿ.
ನನ್ನ ನೋವಿನಲಿ ನಿನ್ನ ನೋವು ಅಡಗಿದೆ,
ನೀಡಿದೆ ಕಷ್ಟ ಅದ ನಾ ಅರಿಯದೆ.
ಅಂದು ನೀ ನೀಡದಿದ್ದರೆ ಜನನ,
ನಾ ಬರೆಯುತ್ತಿರಲಿಲ್ಲ,ಈ ಪುಟ್ಟ ಕವನ.
ನನ್ನ ಪ್ರತಿ ಹೆಜ್ಜೆಗು ನೀನೆ ದಾರಿ.
ನೀನಿದ್ದರೆ ಜೀವನ ಬಲು ದುಬಾರಿ.
- ಚಿರು
31 Oct 2017, 09:34 am
Download App from Playstore: