ಹಿತ
*ಚುಟುಕು ೧*
ಮನಸೊಳಗಿರಲು ಅಗಾಧ ಪ್ರೀತಿಯ ಸೆಳೆತ
ಪ್ರೇಮಿಗಳೆಂದರಂತೆ ಆಹಾ ಎಂಥ ಹಿತ
ಅವರಾದಗ ಮದುವೆಯ ಹೆಸರಲಿ ಮಿಳಿತ
ಗೊಣಗಿದರಂತೆ ಇದು ನಮಗೆ ಬೇಕಿತ್ತ...
*ಚುಟುಕು ೨*
ಆಹಾ ಏನು ಚೆಂದ ಅಂತೀರಿ ಎದುರು ಮನೆ ಹಿತ
ನಿಂತು ಬಿಡುವೆ ಕಂಡಾಗವಳ ಹೆಚ್ಚಾಗಿ ಎದೆ ಬಡಿತ
ನನ್ನವಳೇನದರು ಕಂಡು ಕಣ್ಣಲ್ಲೆ ಕೊಟ್ಟಾಗಲೆ ಹೊಡೆತ
ನೆನಪಾಗುವುದು ನನಗೆ ನಾನೊಬ್ಬ ವಿವಾಹಿತ
*ಚುಟುಕು ೩*
ಎಂಥ ಶಕ್ತಿ ಇರಬೇಕು ಹೆತ್ತವಳ ಪ್ರೀತಿಗೆ
ಒಮ್ಮೆ ತಲೆ ಇಟ್ಟು ಮಲಗಿದರೆ ಅವಳ ಮಡಿಲಿಗೆ
ಸಿಕ್ಕಾರೆ ಅವಳ ಹಿತವಾದ ಪ್ರೀತಿಯ ಅಪ್ಪುಗೆ
ಸಾಕೆನಗೆ ಅದೇ ಸಾಂತ್ವನ ಹೇಳಲು ನೋವು ಕಣ್ಣೀರಿಗೆ
- ಶ್ರೀಕಾವ್ಯ
01 Nov 2017, 07:31 am
Download App from Playstore: