ಕಂದನಿಗಾಗಿ ತಾಯ ಹಂಬಲ
ಮೊಟ್ಟೆಯಿಂದ ಹೊರ ಬಂದ ಪುಟ್ಟ ಹಕ್ಕಿಗೆ
ಗುಟುಕು ನೀಡೋ ತಾಯಿ ಆಗೋ ಆಸೆ ಮನಸಿಗೆ!!
ರೆಕ್ಕೆ ಬರದೇ ಮುದುರಿ ಕುಳಿತ ಪುಟ್ಟ ಹಕ್ಕಿಗೆ
ರೆಕ್ಕೆ ಬಡಿದು ಹಾರ ಕಲಿಸೋ ಆಸೆ ಮನಸಿಗೆ!!
ಮಕ್ಕಳಿಲ್ಲ ಎಂದು ಕೊರಗೋ ತಾಯ ಮನಸಲಿ
ಮಮತೆ ತುಂಬಿ ಹರಿದಿದೆ ಕೂಸು ಕಾಣದೇ!!
ಮಡಿಲು ಬರಿದಾದರೂ ಮಮತೆ ಬರಿದಾಗದು
ಕಂದ ನೀ ಬಾ ಇಲ್ಲಿ ತಾಯಿ ಮಡಿಲು ಕಾದಿದೆ!!
ಬರಡು ಮರಕೆ ಚಿಗುರುವಂತಹ ಆಸೆ ಮನದಲಿ
ಎಲೆಗಳೇ ಇರದೇ ಆ ವಸಂತ ಹೇಗೆ ಕಾಣಲಿ!!
ಬರಡು ಮಡಿಲು ನಗುವ ಮಗುವ ಬೇಡಿ ಕಾದಿದೆ
ಬಾರದಿರುವ ಮಗುವ ನಾ ಹೇಗೆ ಕಾಣಲಿ!!
- ಪಿ.ಜಿ.ಜ್ಯೋತಿ
01 Nov 2017, 08:17 pm
Download App from Playstore: