ಪಾತಾಳಕೆ ತಳ್ಳಿದೆ
ಕಡಲಿನ ತೀರವು ಇಂದು
ಮೌನ ರಾಗ ಹಾಡಿದೆ!!
ಪಾತಾಳಕೆ ಕರೆದೊಯ್ಯಲು
ಅಲೆಯು ಬಲೆಯ ಬೀಸಿದೆ!!
ಸುಮ್ಮನಿರದೇ ತಂಪು ಗಾಳಿ
ನನ್ನ ಎಳೆದು ತಂದಿದೆ!!
ಅಲೆಗಳೊಡನೆ ತೇಲುವ ಆಟ
ಆಡಿ ಗೆಲ್ಲು ಎಂದಿದೆ!!
ಮುಗ್ಧವಾದ ಮನಸಿನಲ್ಲಿ
ಬಿರುಗಾಳಿಯು ಎದ್ದಿದೆ!!
ಅಬ್ಬರದ ಏರಿಳಿತಕ್ಕೆ
ನನ್ನ ನೂಕಿ ನಗುತಲಿದೆ!!
ಅಲೆಗಳೊಡನೆ ಯುದ್ಧ ಸಾರಿ
ಮನವು ತೇಲಿ ಬಂದಿದೆ!!
ಮಳೆಯ ರೂಪದಿ ಬಂದು ನೀ
ನನ್ನ ಪಾತಾಳಕೆ ತಳ್ಳಿದೆ!!
- ಪಿ.ಜಿ.ಜ್ಯೋತಿ
01 Nov 2017, 08:41 pm
Download App from Playstore: