ಇಬ್ಬನಿ
ಕವಿದ ಕತ್ತಲು ಸರಿಯುತಿರಲು
ಮುತ್ತಂತೆ ಇಬ್ಬನಿ ಧರೆಗೆ ಸುರಿಯಲು
ಭೂ ತಾಯ ಮೈಯು ಹೊಳೆಯತಿರಲು
ಸ್ವರ್ಗವೆ ಇಳಿದಂತಿದೆ ಇಳೆಯ ನೋಡಲು
ಮಾಡಿ ಬೆಟ್ಟಗುಡ್ಡಗಳ ನಡುವೆ ಚಾರಣ
ರವಿ ಉಡುಗೊರೆಯಂತೆ ತಂದ ಹೊನ್ನ ಕಿರಣ
ಸವಿಯಲು ಭೂರಮೆಯ ಸೊಬಗಿನ ಹೂರಣ
ಕಳುಹಿಸಿದ ಚಂದ್ರನ ಕೊಟ್ಟು ನಿತ್ಯ ಕೆಲಸದ ಕಾರಣ
ರವಿಯಾಗಮನವ ಹೇಳಿದೆ ಹಕ್ಕಿ ಹಾಡಿ
ಹೂಗಳರಳಿ ನಕ್ಕಿವೆ ಅವನ ಪ್ರೇಮವ ನೋಡಿ
ತೂಗಿ, ಬಾಗಿ, ಗಿಡ, ಮರ ಚಾಮರವ ಬೀಸಿವೆ
ಉದಯ ರವಿಗೆ ಸಂತಸದಿ ಸ್ವಾಗತವ ಕೋರಿವೆ
ಕಂಡು ಹಸಿರೆಲೆಗಳ ತುದಿಯಲಿ ಇಬ್ಬನಿಯ ಮಾಲೆ
ರವಿಗೆ ನೋಡಬೇಕು ಅನಿಸಿತೇನೊ ಪ್ರೀತಿಯ ಲೀಲೆ
ನೇಸರ ಪ್ರೀತಿಯಲಿ ಮುತ್ತಿಕ್ಕುವನು ಭೂರಮೆಯ
ಹೊತ್ತು ಹೋಗುವ ಅವಳ ನೆನಪಿಗೆ ಮುತ್ತಿನ ಮಂಜಿನ ಹನಿಯ
- ಶ್ರೀಕಾವ್ಯ
06 Nov 2017, 06:14 am
Download App from Playstore: