ಭಿಕ್ಷೆ
ಭಿಕ್ಷೆಯೆಂದರೆ ಇಲ್ಲದವರು
ಮಾತ್ರ ಬೇಡುವುದಲ್ಲ.
ಇದ್ದವರೂ ಬೇಡಬೇಕು
ಬೇಡುತ್ತಾರೆ ಕೂಡ;
ಈ ಸಭಾಂಗಣದಲ್ಲಿ ಎಲ್ಲರೂ
ನಮ್ಮವರೇ..! ನಿಂದಿಸುವವರಲ್ಲ,
ಬರಿದಾಗಿ ನಿಂದನೆಗೆ ಒಳಗಾದವರು;
ಸಾಧನೆಗೆ ಚಡಪಡಿಸಿದವರು
ಕಾಂಚಾಣಕ್ಕೆ ಹೊಸ್ತಿಲ ದಾಟಿದವರು
ಸುಖಕ್ಕಾಗಿ ಇರುಳು ಕಾದವರು
ವರುಣನಿಗಾಗಿ ಹಂಬಲಿಸಿದವರು;
ದಾರಿದ್ರ್ಯಕ್ಕೆ ಬೇಸತ್ತು ಮಣಿದವರು
ಮಂಡಿಯೂರಿ ಬೇಡಿಕೊಂಡವರು
ಬೆಳಕಿಗಾಗಿ ಹಾತೊರೆದವರು
ಪೃಥ್ವಿಗಾಗಿ ಶಕ್ತಿ - ಯುಕ್ತಿಯಿಂದ ಮಡಿದವರು;
ದೇವ - ದೇವಸ್ಥಾನಗಳನ್ನ ಸೃಷ್ಟಿಸಿದವರು
ಜಾತಿ ಮಾಡಿಕೊಂಡು ನೀತಿ ಹೇಳುವವರು
ನಮ್ಮವರೇ... ಈ ಸಭಾಂಗಣದಲ್ಲಿ
ಜೀವ ತಳಿದು ನಿಂದವರು.
ಏಕಾಂತಪ್ರಿಯ. ಎಂ.ಬಿ
- ಏಕಾಂತಪ್ರಿಯ.
06 Nov 2017, 12:15 pm
Download App from Playstore: