ಚಿಗುರೆಲೆ
*ಚಿಗುರೆಲೆ*
ಪ್ರಥಮ ನೋಟದಿ ಒಲವು ಮೂಡಿದೆ
ನಿನ್ನ ಕಣ್ಣದು ಮನವ ಸೆಳೆದಿದೆ
ಮನಸು ಮನಸಿಗೆ ಕಟ್ಟಿ ಸೇತುವೆ
ಹೂವ ಹಾಸಿದೆ ಕೇಳೆನ್ನ ಚೆಲುವೆ
ಮನದ ಹಕ್ಕಿ ಹಾಡಿದೆ ಮೌನರಾಗ
ಮಾತು ಮರೆತು ಮೈಮರೆತಾಗ
ನಿನ್ನ ಕಂಡ ಖುಷಿಯಲೀಗ
ಏರಿದ ಹೃದಯ ಬಡಿತದ ವೇಗ
ರಚ್ಚೆ ಹಿಡಿದಿದೆ ಮಗುವಂತೆ ಮನವು
ರಮಿಸಲು ನೀ ಬೇಕೆಂದು ದಿನವು
ಕಾದಿದೆ ಒಂದಾಗುವ ಶುಭಘಳಿಗೆಗೆ
ಬಂಧನದ ಕಿರುಬೆರಳ ಬೆಸುಗೆಗೆ
ನೀ ಬರುವ ದಾರಿಯ ಕಾದು ಕುಳಿತು
ಹೂವಂತ ಮನ ಒಲಿಸುವ ವೇಳೆ
ಚಿಗುರು ಎಲೆಯ ತಾಂಬೂಲ ಸವಿದು
ಒಂದಾಗುವ ಶುಭ ಮಿಲನವದು
*ರತ್ನಾ ಬಡವನಹಳ್ಳಿ*
- ರತ್ನಾಬಡವನಹಳ್ಳಿ
07 Nov 2017, 09:23 am
Download App from Playstore: