ಆಕೆ ನನ್ನಾಕೆ

ನಾನು ಅವಳನ್ನು ಅದೊಮ್ಮೆ
ದೂರದಲ್ಲಿ ನಿಂತು ದೃಷ್ಟಿಸಿದ್ದು ನಿಜ.
ಅವಳ ಬಗ್ಗೆ ಹೃದಯ ಹಣ್ಣಾಗುವಷ್ಟು ಪದಗಳಲ್ಲಿ ಹಿಡಿದಿಟ್ಟು ಆನಂದಿಸಿದ್ದೇನೆ;

ಅವಳು ಅಂತ ಅದೇಷ್ಟೋ ಬಾರಿ
ಕವಿತೆಗಳಲ್ಲಿ ಬರೆದು ಸಂಭ್ರಮಿಸಿದ್ದು
ಅಷ್ಟಿಷ್ಟಲ್ಲ. ಅವಳು ಅಂತ ಸುಂದರಿಯೇನಲ್ಲ. ಆದರೂ...!
ಏನಿಲ್ಲ ಬಿಡಿ, ನನಗದು ಮಾತ್ರ ಸ್ವಂತದ್ದು;

ನಗೆಯಾಗಲಿ, ನಡಿಗೆಯಾಗಲಿ
ಮೃದು ಮಧುರ ಮಂದಾರದವಳು.
ಅವಳನ್ನು ಮದುವೆಯ ದಿನದ
ರಾತ್ರಿಯಿಂದ ಕೊಂದಿದ್ದೇನೆ. ಆದರೆ,
ಅವಳನ್ನೆ ಹೋಲುವ ಇನ್ನೊಬ್ಬಳನ್ನು
ಬದುಕಿಸಿ ಪ್ರೀತಿಸಿದ್ದೇನೆ;

ಕೊಂದವಳು ಮಾತ್ರ ನೆನಪು ಅಷ್ಟೆ.
ಕೊಲ್ಲುವಾಗ ಬರುವ ಅಂತರಾಳದ
ಖುಷಿಗೆ ಅಸಾಧ್ಯವಾದುದೆಲ್ಲ
ಸಾಧ್ಯವೆನಿಸಿದ್ದು ಅವಳ ಸಂಗದಿಂದ;

ಅದು ನಿಗೂಢತೆಯ ಪ್ರೇಮದಿಂದ...

ಏಕಾಂತಪ್ರಿಯ ಎಂ‌. ಬಿ

- ಏಕಾಂತಪ್ರಿಯ.

11 Nov 2017, 10:08 am

---

Download App from Playstore: