ಒಲವರಳಿದ ಸಮಯ
ಕರಗದ ಮೇಣ, ನಿನ್ನೊಲವಿನ ಧ್ಯಾನ
ಅನುರಾಗದ ಮಿಲನ, ಮುಗಿಯದ ಕವನ
ಪ್ರಾಣವಲ್ಲಭೆ ನನ್ನಾ ಪ್ರತಿಭೆ
ಕನಸಿನ ನೀರೆ, ಜೀವದ ಉಸಿರೆ;
ಮನಸಿನ ಭಾವನೆಯ ಸಂತಸವೇ
ಪ್ರೇಮದ ಝರಿಯ ತಿಳಿನೀರೇ
ಸ್ವಪ್ನದ ಸಾವಿರ ಬಯಕೆಗಳೇ
ಬರೆಯುವ ಪದಗಳ ಸಾಲುಗಳೇ;
ನುಡಿಯುವ ಮಾತಿನ ದಾಟಿಗಳೇ
ಹಾಡುವ ಕವಿತೆಯ ರಾಗಗಳೇ
ಹರೆಯ ಪ್ರೇಮದ ಆಗರವೇ
ಜ್ಞಾನದ ಬೆಳಕಿನ ಸಾಗರವೇ;
ವಿಶ್ರಾಂತ ಬದುಕಿನ ಕುಸುಮಾಕರವೇ
ಹೃದಯದ ಸದ್ದಿನ ಸಂಭ್ರಮವೇ
ಕಣ್ಣೋಟದಿ ನುಸುಳೋ ಸಂತಸವೇ
ಹೆಸರನು ಕರೆವ ಉಸಿರ ಸುಮಬಾಣವೇ;
ಪ್ರಾಣವಲ್ಲಭೆ ನನ್ನಾ ಪ್ರತಿಭೆ
ಕನಸಿನ ನೀರೆ ಜೀವದ ಉಸಿರೆ.
ಏಕಾಂತಪ್ರಿಯ ಎಂ. ಬಿ
- ಏಕಾಂತಪ್ರಿಯ.
11 Nov 2017, 02:50 pm
Download App from Playstore: