ನಿನ್ನ ನೆನಪು....
ನಿನ್ನ ನೆನಪು
ಹಳೆಯ ಪುಸ್ತಕದಲಿ
ಅಡಗಿಸಿಟ್ಟ ಗುಲಾಬಿಯ ಹಾಗೆ
ವರುಷ ನೂರು ಕಳೆದರೂ
ರಂಗು , ಘಮ, ಸ್ಪರ್ಶ
ನವನವೀನ !!!!!!
ನಿನ್ನ ನೆನಪು
ನಿನ್ನ ನೆನಪು
ಏಕಾಂತದ ತನ್ಮಯತೆಯ ಹಾಗೆ
ಆತ್ಮಕೆ ಅಭ್ಯಂಜನ
ಮನಸಿಗೆ ಮಹಾಭಿಷೇಕ!!!!
ನಿನ್ನ ನೆನಪು
ನಿನ್ನ ನೆನಪು
ಮಡಿದಷ್ಟು ದ್ವಿಗುಣಗೊಂಡು
ಜನ್ಮ ತಳೆವ
ರಕ್ತಬೀಜಾಸುರನ ಹಾಗೆ
ಅಜರಾಮರ !!!!
ನಿನ್ನ ನೆನಪು
ನಿನ್ನ ನೆನಪು
ತಿಳಿ ಸೋನೆಗೆ ಸಾಕ್ಷಿಯಾಗುವ
ಇಳಿ ಸಂಜೆಗೆ ದನಿಯಾಗುವ
ಇಂಪು ಗಝಲಿನ ಹಾಗೆ
ದಣಿದ ಮನಕೆ
ಇನಿದಾದ ಜೋಗುಳ!!!!
ನಿನ್ನ ನೆನಪು
- Shilpa
12 Nov 2017, 08:08 pm
Download App from Playstore: