ಬದುಕು
ಯಾರಿಗೂ ದೋಚದಿರುವ ಕಟು ಸತ್ಯದ ಜೂಜಾಟ!
ಅಗೆದಷ್ಟು-ಬಗೆದಷ್ಟು ಮುಗಿಯದ ನಿತ್ಯದ ಜಂಜಾತ!!
ಪರ-ವಿರೋದಗಳ ಮೂದಲಿಕೆಯ ಮಿತ್ಯದ ಜಗ್ಗಾಟ!!!
ನಿಂದೆ-ಅಪವಾದಗಳ ಚಡಪಡಿಕೆಯ ಹತ್ಯದ ಬಯಲಾಟ!!!
ವೈಭವೀಕರಿಸಿ-ಸಿದ್ಧಿಸುವ 'ಮಂದ'ದ ಕಣ್ಣೋಟ!
ಅನುಕರಿಸಿ-ಅವಲಂಬಿಸಿ 'ಕಂದ'ದ ಮುನ್ನೋಟ!!
ಘನೀಕರಿಸಿ-ಶುದ್ಧಿಕರಿಸುವ 'ಅಂದ'ದ ಹಿನ್ನೋಟ!!!
ಅನುಭವಿಸಿ-ಆನಂದಿಸುವ 'ಚೆಂದ'ದ ಹೂದೋಟ!!!!
ಹೊಗಳಿ-ತೆಗಳಿ ನುಡಿಸುವ ಮೃದಂಗ!
ಬಳಲಿ-ಬಾಳಲು ಆಟವಾಡುವ ಚದುರಂಗ!!
ನುಸಿ-ಮುಸಿಯಾಗಿ ಹೋರಾಡುವ ರಣರಂಗ!!!
ಕಸಿ-ಬಿಸಿಮಾಡಿ ಬೆಳಕ ಸೂಸುವ ತರಂಗ!!!!
ಲೋಕ-ಇಹಲೋಕವೆಂಬ ಬಿಡಿಸಲಾಗದ ತಳಕು!
ಭೂಲೋಕ-ಸ್ವರ್ಗಲೋಕದ ಕಲ್ಪನೆಯ ಬಳಕು!!
ಸ್ಥಾನ-ಮಾನ ಪಡೆಯಲು, ಹೊಡೆದಾಡುವ ಕಲಕು!!
ಕಾಲ-ಮಿತಿಯಲಿ ಬಾಳಿ,ಬೆಳಗದಿರಬಹುದೇ?ಬದುಕು?????
- ಆರ್ ಎಸ್ ಸುಗ್ಗಿ.
13 Nov 2017, 07:47 pm
Download App from Playstore: