ಬಾಳ ನೌಕೆಯಲ್ಲಿ ನೀನು
ಜೀವ ವೀಣೆ ನುಡಿದಿದೆ ಗೆಳತಿ
ನಿನ್ನ ಸನಿಹ ಸುಳಿದಾಗ,
ಕೊರಡು ಕೊನರಿ ಚಿಗುರೊಡೆಯಿತು
ನಿನ್ನ ಗೆಳೆತನ ದೊರೆತಾಗ.
ಬಾಳ ನೌಕೆ ಹೇಗೋ ಸಾಗಿ,
ಏರು ಗಾಳಿಗೆ ಬಾಗಿ ತೂಗಿ
ದಿಕ್ಕು ದೆಸೆಯು ಇಲ್ಲದಂತೆ
ದೇಶ ಕಾಲ ಮೀರಿ ಹೋಗಿ
ದಡವ ಕಾಣದೆ ನಿಂತಾಗ..
ನೀನು ಬಂದೆ ಅಂಬಿಗನಾಗಿ
ನಾನು ನಿಂದೆ ನಿನಗೆ ಶರಣಾಗಿ
ಪ್ರೀತಿಯೊಂದೇ ನಮ್ಮ ನೀತಿ
ಈಗ ಇಲ್ಲ ಯಾವುದೇ ಭೀತಿ.
ತೋರು ಗೆಳತಿ ಎಂದೂ ಹೀಗೆ
ಮರೆಯದಂತೆ ಸ್ನೇಹ ಸಲುಗೆ
ಬಿರಿಯದಿರಲಿ ನಮ್ಮ ಬೆಸುಗೆ
ಮುರಿಯದಿರಲಿ ಪ್ರೀತಿ ಶಿಲುಬೆ.
- ಶ್ರೀಗೋ.
14 Nov 2017, 02:39 am
Download App from Playstore: