ನೆನಪು
ವಿಹಾರಕೆ ದಡದಿ ಕುಳಿತು
ತಿಳಿನೀರ ಕೆರೆಗೆ ಸುಮ್ಮನೆ ಕಲ್ಲೆಸೆಯದಿರು ಗೆಳೆಯ!
ಅಲ್ಲ ಮೋಜಿಗಾಗಿ ನಿನ್ನ ಖುಷಿಗಾಗಿ! ಜಲಚರಕೆ ಹಾನಿಯಾಗದಿರಲೆಂದಲ್ಲ!
ಮೇಲಣ ಮೂಡಿದರೂ ಉಂಗುರ, ಕದಡುವುದು ತಳದ ಕಡು ಪಾಚಿ ಬಗ್ಗಡ!
ತಿಳಿಯಾಗೆ ಸಿಹಿನೀರು ಬೇಕು ಬಹು ಹೊತ್ತು!ಇಲ್ಲ
ಸಾಕಷ್ಟು ಪುರುಸೊತ್ತು!
ತಿಳಿನೀರ ಸಿಹಿ ಕೆರೆಯಂತೇ
ಹೂತ ಹಳೇ ನೆನಪುಗಳ
ಮತ್ತೆ ಮೇಲೆತ್ತದಿರೆ ಲೇಸು!
ಸವಿ ನೆನಪಿಗಿಂತ ದಪ್ಪ ನೋವಿನ ಲೆಪ್ಪ ಎಂದೂ
ಕರಗದು ಅಳಿಸಲಾಗದು!
- ನಾಗರಾಜ್
15 Nov 2017, 07:35 am
Download App from Playstore: