ನಂಜಾದಿತೆಂದು
ಚಡಪಡಿಸದಿರು ಹೃದಯವೇ ನಿನಗೆಂದು
ಒಂದು ಛಾಯೆಯೂ ಜೊತೆಗಿಲ್ಲವೆಂದು ಮರೆತು
ಮಂಕಾಗಿ .
ಕಾಡ್ಗಿಚ್ಚು ನಿನ್ನ ಬಡಿತಕೆ ಬೆರೆತಿದೆಯೆಂದು
ಕಿರುಚಿ ಹೇಳದಿರು ನನ್ನಲ್ಲಿ ನಾ ಸುಟ್ಟು ಬೂದಿಯಾಗುತ್ತಿರುವೆನೆಂದು.
ಕಣ್ಣ ಹನಿಗಳು ಉದುರಿ ನಿನ್ನ ಕೋಮಲ ರೂಪಕೆ ನಂಜಾದಿತೆಂದು ದೂರದಿರು ನನ್ನ ಇಂದು ನಿನಗಿಲ್ಲದ ಮಾತು ನನ್ನಲ್ಲೆಕೆಂದು ಮೌನಕ್ಕೆ ನನ್ನಲ್ಲಿ ಬರವಿಲ್ಲ ತುಂಬಿಕೊ ಎಂದು.
ಅಶರೀರ ಮನಕೆ ಕಲ್ಪಿತ ಸ್ವರೂಪ ನೀನೆಂದು ಮೆರೆಯದಿರು ನಿನ್ನಲ್ಲಿನ ಸೊಕ್ಕು ಚೊಕ್ಕಾಗಿ ಮುಗಿಲೇರಿಸದೆ ನನ್ನಲ್ಲೇ ಕೂಡಿಟ್ಟಿದೆಯೆಂದು ತಿಳಿದು ನನ್ನ ನಿರ್ಲಕ್ಷಿಸದಿರು.
- ಚುಕ್ಕಿ
21 Nov 2017, 11:58 pm
Download App from Playstore: