ಕಾದಿರುವಳು
ಕಾದಿರುವಳು ಮದನಾರಿ
ಹಸಿರು ಸೀರೆಯನು ಉಟ್ಟು
ಅದೇನಿಹುದೋ ಸಿಂಗಾರಿ
ನಿನ್ನ ಮನದೊಳಗಣ ಗುಟ್ಟು ?
ತೆರೆದ ಬಾಗಿಲ ಕಡೆಯೇ
ಕ್ಷಣಕೊಮ್ಮೆ ನೋಡುವಳು,
ಮುಖದಿ ಹೂ ನಗುವನ್ನು
ಬಹುವಾಗಿ ಅರಳಿಸಿಹಳು.
ಮುಡಿದ ಮಲ್ಲಿಗೆ ಹೆರಳು
ತುಡಿದ ನರುಗೆಂಪು ಬೆರಳು
ಕಳೆದ ಏಕಾಂತದಿರುಳು
ಕಾಂತನ್ನೆಲ್ಲೋ ದೂರದಲಿರಲು!
ಯಾರ ಬರುವಿಕೆಗಾಗಿ
ಹೆಣ್ಣೇ ಈ ಅಲಂಕಾರ ?
ಬಂದರೆನಗೆ ದೊರೆತೀತೇ
ನಿನ್ನೊಲುಮೆಯ ಸತ್ಕಾರ ?
- ಶ್ರೀಗೋ.
23 Nov 2017, 07:08 am
Download App from Playstore: