ಓ ನನ್ನ ಮನಸೇ
ಓ ನನ್ನ ಮನಸೇ
ನೀನಾಗು ಬಾ
ನನ್ನ ಕನಸ ನನಸುಗಾರ
ಒಮ್ಮೆ ಮಡಿದುಹುಟ್ಟಿ ಬಾ
ಹಳೆಯ ಕೊಳೆಯ ಬಿಟ್ಟು ಬಾ
ಹೊಸ ಛಲವ ತೊಟ್ಟು ಬಾ
ಅವತಾರ ಪುರುಷನ ಕುಡಿಯಾಗಿ ಬಾ
ಭೂತ ಭವಿಷ್ಯಗಳ ಕಟ್ಟಿ ಹಾಕಿ
ಋಣ ಶೇಷಗಳ ಸುಟ್ಟು ಹಾಕಿ
ಪಂಚ ಭೂತಗಳ ಬಲವಾಗಿ
ದೇವನ ಚರಣ ಕಮಲಗಳ ಧೂಳಿಂದ ಎದ್ದು ಬಾ
ಭವದ ಬೆನ್ನ ಹರಿದು
ಇಹದ ಮೋಹವ ತೊರೆದು
ತಾಳ್ಮೆಯ ಶಿಖರವಾಗಿ
ನಿನ್ನಾತ್ಮನ, ಪರಮಾತ್ಮನ ಶಿರದಿಂದ ಇಳಿದು ಬಾ
ಚೇತನಗಳ ಪರಮಚೇತನವಾಗಿ
ಸಂಕೋಲೆಗಳ ಕೀಲಿಯಾಗಿ
ಬುದ್ಧಿಯ, ಪ್ರಬುದ್ಧ ಸರಧಿಯಾಗಿ
ಮಳೆಯಾಗಿ ಇಳೆಗೆ ಕಳೆಯಾಗಿ ಬಾ
- ನಟರಾಜ ಕೆ
25 Nov 2017, 07:23 pm
Download App from Playstore: