*೧.ಕಾದಿರುವೆನು ನಿನಗಾಗಿ*
ನಿನ್ನೊಲವಿನ ತುಂಬು ಪ್ರೀತಿಗಾಗಿ ಕಾದಿರುವೆ
ಮತ್ತೊಮ್ಮೆ ಪ್ರೀತಿಸಿಬಿಡು ಇನಿಯ
ಹೃದಯದ ತುಂಬೆಲ್ಲ ನೀನೇ ತುಂಬಿರುವೆ
ಪ್ರೀತಿಯ ಮಳೆಯನು ಸುರಿಸಿಬಿಡು ಇನಿಯ!
ನನ್ನುಸಿರು ತಂಗಾಳಿಯಲಿ ಬೆರೆತು
ನಿನ್ನುಸಿರನು ಹುಡುಕುತಲಿದೆ ಮೌನದಿ
ನನ್ನುಸಿರು ನಿಲ್ಲುವ ಮೊದಲೇ
ಒಂದುಕ್ಷಣ ನನ್ನೆದುರು ಬಂದುಬಿಡು ಇನಿಯ!
ನೀ ತಂದ ಕಾಣಿಕೆಯ ನಾ ಒಡೆದಿರಲು
ಮುನಿಸಿಕೊಂಡು ಜಗಳವಾಡಿ ದೂರಾಗಿರಲು
ಅತ್ತು ಮನಸಲ್ಲುಳಿದ ಆ ಕಹಿನೆನಪುಗಳ
ಆ ಕ್ಷಣಗಳನು ಮರೆತುಬಿಡು ಇನಿಯ!
ಮುಂಜಾನೆ ತಂಪಿನಲಿ,ಹಕ್ಕಿಗಳ ನಾದದಲಿ
ಬೆಳಗುವ ರವಿಯನ್ನೇ ನೋಡುತ್ತ
ನಿನ್ನೆಸರನೆ ಜಪಿಸುವ ಪ್ರಿಯಳ ನೆನೆಯುತ್ತ
ಒಂದೊಳ್ಳೆ ಕವನವ ಗೀಚಿಬಿಡು ಇನಿಯ!
ಪ್ರಿಯಾಂಕ✍
- ಪ್ರಿಯಾಂಕ
29 Nov 2017, 02:57 pm
Download App from Playstore: