ಮುಗುಳು ನಗೆಯೇ
ಮುಗುಳು ನಗೆಯೇ
ನೀನಿರುವುದು ಹೀಗೆಯೇ?
ನೀನೊಂದು ಮಾಯೆಯೆ
ಮೊಗದ ಮೇಲೆ ನೀನಿದ್ದರೆ ಬಲು ಸವಿಯೇ
ನೋವಿಗೂ ಸುಳಿವುದು ಆ ಕ್ಷಣ ಸಾವಿನ ಛಾಯೆಯೆ
ಏನು ನಿನ್ನ ರೀತಿ ನೀತಿ
ಮನಸೊಳಗಿದ್ದರು ಸಾವಿರ ಭೀತಿ
ನೀ ಕಂಡರೇನೆ ಮೊಗದ ಮೇಲೆ ಎಲ್ಲರಿಗೂ ಪ್ರೀತಿ
ನಗುವಾಗ ಮನದೊಳಗಿರದಿರುವುದೆ ಪಜೀತಿ
ನಿನ್ನ ವ್ಯಾಪ್ತಿಗೆ ಇಲ್ಲದಾಗಿದೆ ಪರಿಮಿತಿ
ನಿನ್ನಗನಿಸದೆ ನಿನ್ನಾದಾಯಿತು ಕೊಂಚ ಅತಿ
ಹುಡುಕಿ ಬರುವರು ಎಲ್ಲರೂ ನಿನ್ನ
ನೀ ಬಂದು ಮನಸಿಗಳಿಗಾಕುವೆ ಕನ್ನ
ನೀನಿದ್ದರಂತೂ ಎಲ್ಲರಿಗೂ ನೋಡಲು ಚೆನ್ನ
ಏನೇ ನೋವಿದ್ದರು ನೀ ಬರುವ ಮುನ್ನ
ಬಂದಮೇಲೆ ಬೇಸರಕೂ ಹೇಳಬೇಕು ಹೊರಡು ನೀನಿನ್ನ
ಬೇಕೊ ಬೇಡವೊ ತಿಳಿಯೆ ಆದರೂ ನಾನಗುವೆ ಮತ್ತೆ ನೀ ಬರುವ ಮುನ್ನ
ಎದೆಯೊಳಗಿನ ಪ್ರೀತಿ ಪೈರು
ಚಿಗುರೊಡೆದು ಬೆಳೆಯುವ ಸಂಭ್ರಮ
ಮನಸ್ಸಿಂದ ಸವರಿ ಹಾರೈಸಿದೆ ನೀನು
ಸಂತಷದಲ್ಲಿ ಬೆಳೆದಾಯಿತು
ಚುಮು ಚುಮು ಚಳಿಯಲಿ
ತಂಗಾಳಿಗೆ ಮೈ ಅರಳಿಸಿ ನಿಂತಿದ್ದೆ
ಅಲ್ಲೇಲ್ಲೊ ನೀ ಹೋಗುವುದ ನೋಡಿ
ನಾ ನಿನ್ನನ್ನೆ ಕಾದೂ ನಿಂತುಬಿಟ್ಟೆ ದಿನವೂ
ರಾತ್ರಿ ಕಳೆದು ಸೂರ್ಯ ಬಂದರು
ನೀ ಬಾರಲಿಲ್ಲ ಮತ್ತೊಮ್ಮೆ ನಿನ್ನತ್ತ
ತಿರುಗಿ ನೋಡಿದರೆ ನೀ ಬೇರೆ ಬೇರೆಯ
ಭಾವನೆಗಳ ಅಂಟಿಸಿಕೊಂಡು ಜೊತೆಗೆ
ಬೇರೆಯವರ ಸಂಗಾತಿಯಾಗಿ ಕಾಣಲು
ಸಿದ್ದಳಾಗಿರುವೇಯಾ?
ಇನ್ನೆಂದು ಇತ್ತ ಬಾರದಿರು
ಬಂದರು ನಾ ಮಲಗುತ್ತಿರುವ
ಸಮಾಧಿಯ ಮೇಲೆ ಎಂದಿಗೂ
ಕೂರಬೇಡ ಇದು ನನ್ನ ಕಡೆ ಆಸೆ..
ನನ್ನವರು ಅನ್ನುತ್ತಿದ್ದರು ಪದೇ ಪದೇ
ನೀ ಪೆದ್ದಿ ಪೆದ್ದಿ ಅಂತ
ಯಾಕಂತ ಅರ್ಥವಾಗಲಿಲ್ಲ ಅಂದು!....
ಆದರೆ
ಅರ್ಥವಾಗುತ್ತಿದೆ ನನಗಿಂದು
ನನಗಂದು ಕೊಡಿಸಿದ ಉಂಗುರ
ಬಣ್ಣ ಮಾಸಿದ ಮೇಲೆ ತಿಳಿಯಿತು ನಕಲಿಯೆಂದು
ಅದಕ್ಕಾಗಿ ನಾ ಹೇಳುತ್ತಿರುವೆ
ನಾ ದಡ್ಡಿ ದಡ್ಡಿ ಅಂತ!......