ಪ್ರೀತಿಯಲಿ
ಸೂರ್ಯನ ಎಳೆಬಿಸಿಲ ತಂಪು
ಚಂದ್ರನ ಬೆಳಕಿನ ಇಂಪು
ಕೋಪದಲಿ
ಮಧ್ಯಾನ್ಹದ ಬಿಸಿಲ ಧಗೆ
ಒಲವಿನಲಿ
ಹಣೆಗೆ ಹೂಮುತ್ತಿನಲಿ ಶೃಂಗರಿಸಿ
ಜಗವ ಮರೆಸುವ
ಶೃಂಗಾರದಲಿ
ತೋಳಿನಲಿ ಬಳಸಿ
ತುಟಿಗೆ ತುಟಿ ಬೆಸೆದು
ಮನ ಮೂಕವಾಗಿಸುವ
ಅವನೆಂದರೆ ನನ್ನವನು
ನನ್ನಲ್ಲೇ ಅವನು ..!
ಅಂದು,
ಬಾಗಿಲ ಬಳಿ ನಿಂತು
ಅದೆಷ್ಟೋ ಹೊತ್ತಿನಿಂದ
ಕಾಯುತ್ತಿದ್ದೆವು ಅಮ್ಮ ತರುವ
ಮುದ್ದಾದ ಗೊಂಬೆಗಳಿಗೆ
ಅಲಂಕಾರ ಮಾಡಿ ಆಟ ಆಡಲು!
ಇಂದು,
ಮುಚ್ಚಿಕೊಂಡಿರುವ ಬಾಗಿಲು
ಸ್ವಾಗತವನ್ನು ಕೋರುತ್ತಿವೆ
ತಂದ ಬೊಂಬೆಗಳು
ಮನೆಯ ಅಂದವನ್ನು ಹೆಚ್ಚಿಸಲು
ಉಪಯೋಗವಾಗುತ್ತಿವೆ!
ಕಾಲ ಬದಲಾಗಿದೆ...ಆದರೆ
ತಾಯಿ ಪ್ರೀತಿ ಮಾತ್ರ
ಬದಲಾಗದೆಂದು!
ಅವಳಿಂದ ನಾನು
ಅವಳಿಗಾಗಿ ನಾ ಏನ ನೀಡಬಲ್ಲೆನು..
ಅವಳಿತ್ತಲು ನನಗೆ ಜನ್ಮವನ್ನ
ಯಮ ಯಾತನೆಯ ನೊವನುಂಡು..
ಅವಳಿತ್ತಲು ಅವಳ.ರಕ್ತದಿಂದ
ಬಸಿದ ಎದೆ ಹಾಲನ್ನ
ಅವಳು ಕಲಿಸಿದಳು ಮೊದಲಿಗೆ
ಅಂಬೆಗಾಲು ಇಟ್ಟು ನಡೆವುದನ್ನ
ಅವಳು ಕಲಿಸಿದಳು ಮೊದಲ
ತೊದಲು ನುಡಿಗಳನ್ನ
ಅವಳರಿತಳು ನನ್ನ ಮೊದಲ
ಅನ್ನದ ಹಸಿವನ್ನ......
ಅವಳಿಟ್ಟು ಬೆಳೆಸಿದಲು
ಕೈ ತುತ್ತನ್ನ
ಅವಳು ನಮಗಾಗಿ ಸವೆಸಿದಳು
ತನ್ನ ಜೀವನವನ್ನ
ಅವಳು ಸಾವಿರ ಜನ್ಮವೆತ್ತರು ಅವಳ
ಪ್ರೀತಿ ಕಡಿಮೆಯಾಗುವುದಿಲ್ಲ
ಏಕೆಂದರೆ ಅವಳು ಕಣ್ಣಿಗೆ
ಕಾಣುವ ...... ದೇವರಲ್ಲವೆ!