Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ದೇವರು

ದೇವನವನು ಕಾಣಲೆಂದು ಯಾಕೆ ಅಳುವಿರಿ‌,,
ಆತ್ಮದಲ್ಲಿ ಇರುವ ಅವನ ದಿನವು ಜಪಿಸಿರಿ....

ಸತ್ಯ ಹಾದಿಯಲ್ಲಿ ಎಂದು ದೇವನಿರುವನು,,,,
ತಪ್ಪಿ ನಡೆವ ಅವನು ನಮ್ಮ ಕಯ್ಯ ಹಿಡಿವನು,.....

- ಶಾಫಿ

02 Aug 2017, 07:54 pm

ಮೋಡದ‌ ಚಿಲುಮೆಯಡಿ

ಮೋಡದ ಚಿಲುಮೆಯಡಿ
ಮೂಡಿಹುದು ಬೆಳಕೊಂದು
ಚಲ್ಲುತಿರುವನೇ ಬೆಳಕ
ಚಂದಿರನು ಅಲ್ಲಿ ನಿಂದು!!

ಸಂಜೆಯಲಿ ಸುಂದರನು
ನಗು ನಗುತ ನಿಂದಿಹನು
ಯಾರನೋ ಕಾಣಲು ಬಂದು
ಮರೆಯಲಿ ಅವಿತಿಹನು!!

ಸುಳ್ಳು ಹೇಳಿ ಸರಸ ಆಡುವ
ಚತುರ ಚಂದಿರನು ಅವನು
ಬಾನಿನಿಂದ ಬಾಣ ಹೂಡಿ
ಯಾರ‌ ಹೃದಯ ಗೆಲ್ಲುವನು!!

- ಪಿ.ಜಿ.ಜ್ಯೋತಿ

02 Aug 2017, 04:37 pm

ಸಂಪಿಗೆ

ಜಡೆ ಎಂಬ ಉಯ್ಯಾಲೆಯಲ್ಲಿ
ತೂಗಾಡುತ್ತಿರುವ ಸಂಪಿಗೆ!!
ನಿನ್ನ ಪರಿಮಳದ ಕಂಪಿಗೆ
ಮನಸೋತಳೇ ಅವಳು ಸಂಪಿಗೆ!!

ಸೊಂಪಾದ ಕೂದಲಲ್ಲಿ
ಜೊಂಪಾಗಿ ಕುಳಿತ ಕೆಂಡ ಸಂಪಿಗೆ!!
ನಿನ್ನ ನುಣುಪಾದ ದಳಗಳು
ಅವಳ ಕೆಂಪಾದ ಕೆನ್ನೆಯ ಹಾಗಿದೆ!!

ಶಿರವೇರುವ ವರ ಪಡೆದಿಹ
ಸಿಂಗಾರದ ಪುಷ್ಪ ನೀ ಸಂಪಿಗೆ!!
ಪರಿಮಳಿಸುವ ಪರಿ ಹರಡುವ
ಸುಂದರ ಪುಷ್ಪ ನೀ ಸಂಪಿಗೆ!!

- ಪಿ.ಜಿ.ಜ್ಯೋತಿ

02 Aug 2017, 04:23 pm

ಒಂಟಿ ಕಾಲಿನ ಗೆಜ್ಜೆಯ ದನಿ

ಒಂಟಿ ಕಾಲಿನ ಗೆಜ್ಜೆಯ ದನಿಯ
ಸದ್ದದು ಹೃದಯದ ಕೋಣೆಯಲಿ!!
ಮೆಲ್ಲಗೆ ಮೆಲ್ಲಗೆ ಹೆಜ್ಜೆಯನ್ನಿಟ್ಟರೂ
ಮೊಳಗುವುದೋಂದೇ ನಾದದಲಿ!!

ಅವಳದೇ ಕಂಗಳ ಹುಣ್ಣಿಮೆ ಬೆಳಕಲಿ
ಕಳೆಯಲು ಕಾದೆನು ನಾ ಇರುಳ!!
ಬಣ್ಣದ ಬಣ್ಣದ ಕನಸನು ಹೆಣೆಯುತ
ಕಾದಿತು ಮನವು ಅನುರಾಗದಲಿ!!

ಅವಳನೇ ನೋಡಲು ಕಾದಿದೆ ಕಂಗಳು
ರೆಪ್ಪೆಯ ಮುಚ್ಚದೇ ಹಗಲಿರುಳು!!
ಸಕ್ಕರೆ ಗೊಂಬೆಯು ನಕ್ಕರೆ ಸ್ವರ್ಗವು
ಹೇಳದೇ ಬಳಲಿದೆ ನನ್ನ ಒಲವ!!

ಎದುರಿಗೆ ಬಂದರೆ ಹೆದರುವ ಅದರವು
ತೊದಲದೇ ನಿಂತಿತೇ ಅವಳೆದುರು!!
ಅವಳದೇ ದನಿಯನು ಕೇಳಿದ ಮೇಲೆ
ನಿಂತಿತೆ ಹೃದಯದಿ‌ ಗೆಜ್ಜೆಯ ದನಿಯು!!

ಅವಳದೇ ನಲ್ಲನ ಪರಿಚಯ ಮಾಡಿಸ
ಬಂದಳೇ ಅವಳು ನನ್ನೆದುರು!!
ಅವರನು ಕಂಡು ಆಘಾತಗೊಂಡು
ಹರಿಯಿತು ಗೆಜ್ಜೆಯು ತಾ ನೊಂದು!!

- ಪಿ.ಜಿ.ಜ್ಯೋತಿ

02 Aug 2017, 03:09 pm

ಮಡದಿ

ಪೆಟ್ಟಿ ಅಂಗಡಿ ಗೋಬಿಯವ ಮಾಡಿದ
ಮಸಾಲೆ ಆರೋಗ್ಯಕ್ಕೆ ಹಾನಿಕರ,
ಮಡದಿ ಮಾಡಿದ ಮಸಾಲೆ ಮೈಂಡಿಗೆ ಹಾನಿಕರ,
ಮನೆಯಲ್ಲಿರುವ ಸೌಟುಗಳ ಸಾಕ್ಷಿಗಾಗಿ
ಗಂಡನ ಬೋಳು ತಲೆಯಲ್ಲಿ ಅಚ್ಚೆ ಮೂಡಿಸಿದವಳು,
ಯಾವ ಎಕ್ಸ್‌ಪ್ರೆಸ್ ರೈಲು ಕೂಡ
ಸೋಲಿಸಲಾಗದ ಮಾತಿನವಳು,
ಮಂಡವೆ ಆಗದ ಮೊಂಡು ಧೈರ್ಯದವಳು,
ಜೀವನದುದ್ದಕ್ಕು ಗಂಡನಾದವನೊಂದಿಗೆ ಏಗುವಳು,
ಅವನು ಸತ್ತ ಮೇಲೆ ಸತ್ತರೆ ಮುಂಡೆ ಎನಿಸಿಕೊಳ್ಳುವಳು,
ಅವನು ಬದುಕಿರುವಾಗಲೆ ಅವಳು ಸತ್ತರೆ ಮುತ್ತೈದೆ ಎನಿಸಿಕೊಳ್ಳುವಳು,
ಮನಬಂದಂತೆ ಆಡಿಕೊಳ್ಳುವರ ಬಾಯಿಗೆ ಹಸುವಿನ ಗಂಜಳ ಹೊಯ್ದು ಶುದ್ದಿಸಲಿ,
ಏನೆ ಆದರೂ ಅವಳು ತಾಯಿ ಹೃದಯದವಳು,
ಗಂಡಿನ ಬೆನ್ನೆಲುಬವಳು, ಮಡದಿಯವಳು...!

(ಮನೋಜ್)

- manoj kumar

02 Aug 2017, 01:52 pm

ನೆತ್ತರ ಗಡಿಗೆ

ಈ ನನ್ನ ಹೃದಯ ಎಂಬ
ಬಿಸಿ ನೆತ್ತರ ಗಡಿಗೆಯಲ್ಲಿ
ಮುಗ್ಧವಾಗಿ ಈಜುತ್ತಿರುವ
ಪುಟ್ಟ ಮೀನು ನೀನು!!

ಆಲಿಸಿ ಕೇಳಿಸಿಕೊ ನೀನು
ಪ್ರತಿ ಮಿಡಿತದ ಸಂದೇಶವ
ಅದು ಬಯಸುವುದು
ಎಂದೂ ನಿನ್ನ ಹಿತವ!!

ಈ ಹೃದಯದ ಗಡಿಗೆಯಲ್ಲಿ
ನಿನ್ನ ಜೋಪಾನವಾಗಿ ನಾನು
ಕಾದಿರುವೆನು ನೀ ಮಿಡುಕಾಡಿ
ನನ್ನ ನೋಯಿಸಬೇಡ!!

ಈ ಹೃದಯದ ಗಡಿಗೆಯಿಂದ
ದೂರಾಗುವ ಪ್ರಯತ್ನ ನೀ
ಮಾಡಿದರೆ ನಾ ಅಸುನೀಗಿ
ಮಣ್ಣು ಸೇರುವೆ ಒಲವೇ!!

- ಪಿ.ಜಿ.ಜ್ಯೋತಿ

02 Aug 2017, 11:05 am

ಹೇಳು ಗೆಳತಿ

ಹೇಳು ಗೆಳತಿ ನೀ ಹೇಳು
ಯಾಕಾಗಿ ನೀ ಬಂದೆ
ಈ ನನ್ನ ಹೃದಯದೊಳಗೆ..

ಅರೆಗಳಿಗೆ ಬಿಟ್ಟಿರಲಾರದಷ್ಟು
ಪ್ರೀತಿ ತುಂಬಿರುವೆ ನೀ
ನನ್ನ ಮನಸೊಳಗೆ...

ನನ್ನುಸಿರಿನ‌ ಅಲೆಗಳಲಿ
ನಿನ್ನುಸಿರ ಬೆರೆಸುವಾಸೆ...

ನಿನ್ನ ಪ್ರೇಮದ ಮಡಿಲೊಳಗೆ
ನಾ ಮಲಗಿ ಕನಸ ಕಾಣುವಾಸೆ...

ನೀ ಒಲಿದ ಮೇಲೂ
ನನ್ನಲ್ಲಿ ಅದೆಂಥ ಕಲ್ಪನೆಗಳು

ಕಾರಣ ನೀ ಕೊಡುವ
ಆ ಹುಚ್ಚುಚ್ಚು ಕಿರುನಗೆಗಳು...

- ಧರ್ಮರಾಜ್

02 Aug 2017, 10:44 am

ಹೆಗಲ ನೀಡು

ಹೆಗಲ ನೀಡು ಒಮ್ಮೆ ನೀ
ಒರಗಿಕೊಳ್ಳುವ ಮನಸಿದೆ!!
ಭಯವಾಗಿದೆ ನನಗೆ
ನೀನು ಸನಿಹ ಇರದೇ!!

ಮೃದು ಮನಸಿನ ಮೇಲೆ
ಬರೆ ಎಳೆದರು ಯಾರು!!
ಮರುಗುತಿಹುದು ಮನವು
ನಿನ್ನನು ನೆನೆದು!!

ಸಾಕಾಗಿದೆ ಈ ವಿರಹ
ನಾನು ಇರೆನು ನಿನ್ನ ವಿನಹ!!
ನನಗೆ ಯಾಕೆ ಇಂತಹ ಶಿಕ್ಷೆ
ನೀಡು ನೀನು ಪ್ರೇಮ ಭಿಕ್ಷೆ!!

ನಿನ್ನ ಪ್ರೇಮಕೆ ಕಾದು ಹಸಿದು
ಕುಳಿತಿಹುದು ನನ್ನ ಹೃದಯ!!
ಈ ದೂರವು ಸಾಕಾಗಿದೆ
ನಿನ್ನ ಸೇರಲು ನಾ ಕಾದಿಹೆ!!

ಒಂಟಿ ತನದ ನೋವ
ಹೊರ ನೂಕಿದೆ ಕಣ್ಣು!!
ಕಂಬನಿಯು ತಾ ಆರದೇ
ಕಾದು ಬೇಡಿದೆ ನಿನ್ನ ಹೆಗಲ!!

- ಪಿ.ಜಿ.ಜ್ಯೋತಿ

02 Aug 2017, 10:32 am

ಇನಿದನಿ

ಸಾಕಾಗಿ ಹೋಗಿದೆ ಒಬ್ಬಂಟಿಯ ಸ್ವಪ್ನ ಸಂಚಾರ ,
ಜೊತೆಯಾಗಿ ಸಾಗಿ ನೆಡೆವ ತುಸು ದೂರ
ನಿನ ದನಿಯೇ ಸಪ್ತಸ್ವರ

ಕನ್ನಡಿಯ ಬಿಂಬದಲಿ ನೀನೆ ಕಾಣುತಿಹೆ
ಬೆಂಬಿಡದೆ ಬಡಪಾಯಿ ಹೃದಯವ ಕಾಡುತಿಹೆ

ಮುಂಜಾನೆ ಮಂಜಿನ ಸುಳಿಗಾಳಿ ನಿನ ಕಂಪು
ಇಳಿಸಂಜೆಯಲಿ ನಿನ್ನ ಮಧುರ ದನಿ ಕಿವಿಗಿಂಪು
ಕಾಡದಿರು ನೀ ತುಂಬ
ಮಾಡು ಕಣ್ಣತಂಪು

- pavan

02 Aug 2017, 08:42 am

ನನ್ನವಳ ನೆನಪು

( ನನ್ನವಳು ನೆನಪು )

ಕಡಲಿನೊಳಗೆ ಅಡಗಿ ಕುಳಿತಿರುವ
ಚಿಪ್ಪಿನೊಳಗಿನ ಮುತ್ತು ನನ್ನವಳು.
ಹೊಳೆಯುವಂತಃ ಹೆಣ್ಣಿವಳು.
ಬೆಳ್ಳಿ ಚುಕ್ಕಿಯಂತಃ ಕಣ್ಣಿನವಳು.
ಹಕ್ಕಿಯಂತೆ ಹಾರುವಳು // ನನ್ನವಳು //

ಕಿವಿಯಲ್ಲಿ ಓಲೆ ಕೊರಳಲ್ಲಿ ಮಾಲೆ
ಕಾಲಲ್ಲಿ ಕಾಲ್ಗೆಜ್ಜೆ ತೊಟ್ಟು . ಪುಟ್ಟ ಹೆಜ್ಜೆ ಇಟ್ಟು
ನಲಿದವಳು.
ನವಿಲಿನಂತೆ ಗರಿಬಿಚ್ಚಿ ಕುಣಿದವಳು.

ಮಿಂಚಿನಂತೆ ಮರೆಯಾಗುವಳು.
ಗುಡುಗಿನಂತೆ ಬಾನಲ್ಲಿ ಗುಡುಗಿ ಮಳೆಹನಿಯಂತೆ ಧರೆಯಲ್ಲಿ ಧುಮುಕಿ ನನ್ನ ಮನಸ್ಸಲ್ಲಿ ತಣ್ಣೀರನ್ನು ಪನ್ನೀರಾಗಿಸಿದವಳು.

ನನ್ನ ಹ್ರುದಯಾನ ಕದ್ದು. ಮನಸ್ಸನ್ನು ಗೆದ್ದು.
ಪ್ರೀತೀನ ಚೆಲ್ಲಿದವಳು ಜೀವನವನ್ನು
ನನ್ನೊಂದಿಗೆ ಹಂಚಿಕೊಂಡವಳು.//ನನ್ನವಳು

ಚಂದಿರನ ಮಗಳಿವಳು.ಈ ಸುಂದರನ ಕೈ ಇಡಿಯಲು ಧರೆಯಲ್ಲಿ ಜನಿಸಿದವಳು.
ನನ್ನ ಉಸಿರಲ್ಲಿ ಬೆರೆತವಳು.
ನನ್ನ ಮನದಲ್ಲಿ ಅರಳಿದ ಕಮಲದಂತೆ‌ ಹೊಳೆಯುವಂತ ಹೆಣ್ಣಿವಳು..//ನನ್ನವಳು//

( ಸಂತೋಷ್ // ಜೀತು )

- ಸಂತೋಷ್//ಜೀತು

02 Aug 2017, 08:32 am