ಬೆಳಕರಿದು ಇಬ್ಬನಿಯ ಚಳಿಯಲ್ಲಿ
ನೀ ನಡುಗುತ್ತಿದ್ದರೆ ಆ ಚಳಿಯ ತಂಗಾಳಿಗೆ
ಚಾವಡಿಯಲ್ಲಿ ಚಹವಿಡಿದು ಕುಂತಾಗ ನಿನ್ನ
ಜೊತೆಗೆ ಕಂಬಲಿಯೋದ್ದು ಚಹಾವನ್ನು ಕುಡಿಯುವಾಸೆ ನನಗೆ................
ಬೆಚ್ಚಗೆ ನಿನ್ನ ಮಡಿಲಲ್ಲಿ ತಲೆಯಿಟ್ಟು ಮಲಾಗುವಾಸೆ ನಿನ್ನ ಉಸಿರ ಬಿಸಿಯಲ್ಲಿ ತುಂತುರು ಮಳೆಯ ಗಮ್ಮತ್ತಿಗೆ
ಸೋತ ನನ್ನ ಮನಕೆ.................
ಅರೇಬಿಚ್ಚಿದ ಕಣ್ಣಿಂದ ನಿನ್ನ ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತಾ ಚಳಿಯ ತಂಪಿಗೆ ಅದುರುತಿರುವ
ತುಟಿಗಳಿಗೆ ಚಹಾದ ರುಚಿಯ ಸವಿಸುತ್ತಾ ಮಲೆನಾಡ ಚೆಲುವನ್ನು ಆನಂದಿಸುವ ಆಸೆ ನನಗೆ..
ಎತ್ತ ನೋಡಿದರೂ ಉದ್ದನೆಯ ಮರಗಳು ಆಕಾಶದ ತುದಿ ಮುಟ್ಟಿ ನೆಲಕ್ಕೆ ಮುತ್ತಿಡುವಂತೆ
ಎದ್ದು ನಿಂತಿವೆ ಹಸಿರು ತುಂಬಿ ವಾರಂಗಣದ ತುಂಬೆಲ್ಲ...............
ಮಂಜು ಮುಸುಕಿದೇ ಸುತ್ತಲಿನ ಪರಿಸರವೆಲ್ಲಾ ನಾವು ನೋಡಬಾರದೆಂದು ತಾನು ಮೆಚ್ಚಿದ ಪ್ರಕೃತಿಯ ಮನೋಹರ ಸೊಗಸನ್ನು
ನಿನ್ನ ಪ್ರೀತಿಯ ವಿಸ್ತಾರದಷ್ಟು..............
ಕೈಯಲ್ಲಿನ ಹಬೆಯಾಡುವ ಚಹಾ ಮುಗಿಯುವಷ್ಟರಲ್ಲಿ ನಿನ್ನ ಸೇರಲೆಂದು ಹೊರಟಿರುವೆ ಗಾಳಿಯಿಂದ ಬೇರಾಗದ
ನೀರಿನಅಂಶ ನಾನಾಗುವಂತೆ..................
ಕೊಳ್ತೋಗಿರೋ ಟೊಮ್ಯಾಟೋ, ಹುಳ್ತೋಗಿರೋ ಬದನೆಕಾಯಿ,ಎತ್ತಿಡೊ ಇರೋ ಚಾಪೆ ದಿಂಬು,ಅಲ್ಲೊಂದು ಇಲ್ಲೊಂದು ಬಿದ್ದಿರೋ ಶೂ, ತಾಳ ಇಲ್ದಿರೋ ಟಾಯ್ಲಟ ಡೋರು, ಗೋಡೆ ತುಂಬ ಹೀರೋಯಿನ್ಸ ಫೋಟೋ, ಹ್ಯಾಂಗರಲ್ಲಿ ರಾಶಿ ಬಟ್ಟೆಗಳು, ಸಜ್ಜದ ಮೇಲೆಲ್ಲಾ ತುಂಬಿದ ಬಾಟ್ಲಗಳು, ಇವಗ್ಲ ಜೊತೆಗೆ ಅಂಟಕೊಂಡಿರೊ ನಮ್ಮ ಮೋಬೈಲ ಗಳು, ಕಿತ್ತೊಗಿರೊ ಇಯರ್ ಫೋನ್ ಗಳು, ಇಸ್ಟೆಲ್ಲಾ ಇರೊ ಬ್ಯಾಚುಲರ್ ಲೈಪಲಿ ಒಂದೆರಡು ಬ್ರೇಕಪ್ಸು , ನೆನಪಾದ್ರು ಅಳಕ್ಕಾಗ್ದಿರೊ ಅಮ್ಮ ನ ಸೆಂಟಿ ಮೆಂಟು, ಆದ್ರು ಬೇಜಾರು ಆಗ್ದೆ ಇರೊ ಹಂಗೆ ಡೈಲಿ ಕ್ರಿಕೆಟ್, ವಾರಕೊಂದು ಫಿಲ್ಮು, ತಿಂಗಳಿಗೊಮ್ಮೆ ಟ್ರಿಪ್ಪು, ಯಾವಾಗಲ್ಲು ರಿಜರ್ವ್ ಲಿ ಇರೊ ಬೈಕು, ಬೇಕ್ರಿ ಮುಂದೆ ಟಿ, ಹುಡುಗಿಯರ ಮೇಲೊಂದು ಕಣ್ಣು,
ಇದೆಲ್ಲಾ ಆದ ಮೇಲೆ ಅಪ್ಪ ಅಮ್ಮ ನಮ್ಗೆ ಅಂತ ಒಂದ ಹುಡುಗಿನ ಗಂಟಾಕಿದ್ಮೆಲೆ ಸ್ಟಾರ್ಟ , ಆಯ್ತ ಹೊಸ ಜೀವನ ಅಂಥ ಉಸಿರು ಬೀಡೊ ನಮ್ಗೆ, ಬೆಳಿಗ್ಗೆ ಅದೆ ಚಿತ್ರಾನ್ನ, ಮಧ್ಯಾಹ್ನ ಅದೆ ಮೊಸರನ್ನ, ರಾತ್ರಿ ಅದೆ ತಂಗ್ಳನ್ನ ,
ಬ್ಯಾಚುಲರ್ ಗಂಡ್ಮಕ್ಲೆ ನೇನ್ಪಿಟ್ಟಕೊಳ್ಲಿ ಬ್ಯಾಚುಲರ್ ಬಾಳ್ನ ಬರೆದ ಇಟ್ಕೊಳ್ಳಿ, ಯಾಕಂದರೆ ನಿಮ್ಮ ಹೆಂಡತಿ ಜೊತೆ ಜಗ್ಳ ಆಡ್ಕೊಂಡು, ಬಾರಲ್ಲಿ ಹಳೆ ಫ್ರೆಂಡ್ಸ್ ಜೊತೆ ಕುಡ್ಕೊಂಡಾಂಗ ಅದೆ ಅವ್ನಿಗೆ ಹೇಳಳ್ಕಾದ್ರು ಬೇಕಲ್ವಾ ನಮಗೆ ಅಂಥ ಒಂದು ಬ್ಯಾಚುಲರ್ ಲೈಪ್
ಮೌನವಾಗಿ ಬಲೆ ಬೀಸದೆ
ನುಡಿಸು ನಿನ್ನ ಮನದ ಪ್ರೀತಿಯ ರಾಗ...
ನವಿರಾಗಿ ಕಣ್ಣು ತೆರೆದೆ
ಮೌನ ಮುರಿಯದ ಮರದ ಹಾಗೆ...
ಒಳಗಿನ ಮಾತು ನಿಲ್ಲಿಸಿ
ಹೃದಯ ಕಾತರಿಸಿದೆ ನಿನ್ನ ಬರುವಿಕೆಗಾಗಿ...
ಬೀಸುವ ತಂಗಾಳಿಯಲ್ಲೂ ನಿನ್ನದೇ ಹೆಜ್ಜೆ ಸದ್ದು
ತಿರುಗಿ ನೋಡಿದಾಗ ಬರಿ ಗಾಳಿಯದೇ ಸಪ್ಪಳ
ಆಲಿಸುವ ದನಿಯಲ್ಲೂ ಕೇಳಿದೆ ನಿನ್ನದೇ ಕೂಗು
ಆದರೆ ಗೊತ್ತಾಗಲೇ ಇಲ್ಲ ಕೂಗಳತೆಯ ದೂರ
ಮೌನ ಮುರಿದು ಮಾತಾಡ ಹೊರಟೆ...
ನನ್ನ ಮಾತು ನನ್ನದಾಗಿರಲಿಲ್ಲ
ಮಾತು ಮಾತಾಗಿರಲಿಲ್ಲ
ಮೌನ ಮುರಿವ ಆಸೆ ನನಗಾಯಿತು
ಹಾಡುತ್ತಾ ಹಾಡುತ್ತಾ...
ಒಳದನಿಯ ಪಿಸುಮಾತಿಗೆ ಕಿವಿಗೊಟ್ಟು ಬಾ ನನ್ನಿನಿಯ
ಪ್ರೀತಿಯ ತೊದಲು ನುಡಿಗೆ ಸ್ಪಂದಿಸು ಓ
ಗೆಳೆಯ
ಚಿತೆಗೇರಿದಾಗಲೇ ಮರುಹುಟ್ಟಿ ಬಂದರೆ
ಮತ್ತೆ ನಿನ್ನವಳಾಗಿ ಉಳಿಯುವ ತೀರದ ಬಯಕೆ
ಕಾದಿರುವೆ ಕೊನೆಯಿಲ್ಲದ ತಾಳ್ಮೆಯಿಂದ...
ಬಂದ ಹೆಜ್ಜೆ ನಿನ್ನದಾಗಿರಲಿಲ್ಲ
ನಾನು ನಾನಾಗಿರಲಿಲ್ಲ
ನಗುತ್ತ ಮನಸ್ಸ ಮತ್ತೆ ತೆರೆದಿಟ್ಟಿದ್ದೇನೆ
ಕಾಯುತ್ತಾ ಕಾಯುತ್ತಾ...