ಅವಳ ಚಲುವ
ನಾ ಹೇಗೆ ಬಣ್ಣಿಸಲಿ ?
ಕಣ್ಣು ಮುಚ್ಚಿದರೂ
ಅವಳ ರೂಪ ಕಣ್ಣೆದುರಲ್ಲಿ.
ಅವಳ ನಗುವ
ನಾ ಹೇಗೆ ಚಿತ್ರಿಸಲಿ ?
ಏಕಾಂತದಲ್ಲಿ ಕುಳಿತರೂ
ನಗಿಸುವುದು ಅವಳ ನಗುವಿಲ್ಲಿ.
ಅವಳ ಶೃಂಗಾರವ
ನಾ ಹೇಗೆ ಸಿಂಗರಿಸಲಿ?
ಸಂತೆಯಲ್ಲಿ ನಿಂತರೂ
ಸಂಭ್ರಮಿಸುವುದು ಮನವಿಲ್ಲಿ.
ಅವಳ ನಾಚಿಕೆಯ
ನಾ ಹೇಗೆ ಸೆರೆ ಹಿಡಿಯಲಿ?
ಅವಳೊಮ್ಮೆ ನೋಡಿ ನಾಚಿದರೆ
ನಿಂತು ನೀರಾಗುವೆ ನಾನಿಲ್ಲಿ.
ಅವಳ ಹೃದಯವ
ನಾ ಹೇಗೆ ಅಳೆಯಲಿ?
ಹೃದಯ ಕಲಕುವ ಹಾಗೆ
ನೋಡಿ ಕೊಲ್ಲುತ್ತಿಹಳು ಅವಳಿಲ್ಲಿ.
ಸಂಜೆಯ ವೇಳೆ, ಜೋರು ಮಳೆ
ಪಂಕ್ಚರ್ ಆದ ಬಸ್ಸು, ಕಿಟಕಿ ಹೊರಗೆ ನನ್ನ ಮನಸು
ನಾ ನಿನ್ನ ನೋಡಿದೆ....
ಆ ಮುಗ್ಧ ನಗು, ನಾನಾದೆ ಮಗು
ಸುಂದರ ನಯನ, ಮಾತಾಯ್ತು ಮೌನ
ನಾ ನಿನ್ನ ನೋಡಿದೆ....
ನಾನಾದೆ ಕವಿ, ಮನಸ್ಸಲ್ಲೇ ಮನವಿ
ನನ್ನ ಒಮ್ಮೆ ನೋಡು, ಎದೆಯಲೊಂದು ಹಾಡು
ನಾ ನಿನ್ನ ನೋಡಿದೆ...
ಸಿದ್ಧವಾಯ್ತು ಬಸ್ಸು, ಒಳಗೇನೋ ಮುನಿಸು
ಕೊನೆಗೂ ನೀ ನೋಡಲೇ ಇಲ್ಲ
ನಾ ನಿನ್ನ ನೋಡಿದೆ...
ಕಣ್ಣೀಗೆ ಕಾಣದ, ಕಣ್ ಮುಚ್ಚಿದರೆ ಕಾಡುವ
ನಿನ್ನ ಹುಡುಕುತಿರುವೆ, ಎಲ್ಲಿರುವೆ
ನಾ ನಿನ್ನ ನೋಡಿದೆ...
ಈಗಲೂ ನೋಡುತಿರುವೆ, ನಿನ್ನ ನೆನಪಲ್ಲೇ...
ಮನೆಯಿಂದ ನಾ ಹೊರಟೆ ಸೈಕಲನ್ನೇರಿ
ಹುಡುಕುತಾ ಅವಳ ಮನೆಯ ದಾರಿ
ನನ್ನ ಹೃದಯದ ಸೈಕಲ್ಲಿಗೆ ಬ್ರೇಕು ಬಿತ್ತು
ಅವಳ ನಗುಮೊಗವ ಕಂಡು.
ಬಂದಳು ನನ್ನ ಮನದಂಗಳದ ಕಸವ ಗುಡಿಸಿ
ಹಳೆಯ ನೆನಪು ಮರೆಸಿ ಪ್ರೀತಿಯ ನೀರನ್ನು ಸಿಡಿಸಿ.
ಕಣ್ಣು ಹೊಡೆದ ಸೂರ್ಯ ಕುಳಿತು ಅವಳ ಕಣ್ಣ ಹೊಳಪಲಿ
ತಡವಾದರೂ ಮನೆಗೆ ಹೋಗದ ಚಂದ್ರ
ನಗುತಿರುವನು ಅವಳ ದಂತಪಂಕ್ತಿಯಲಿ.
ಸುಳಿದಾಡಿದೆ ಅವಳ ಮನೆಯ ಸುತ್ತ ಬೆಲ್ಲನ್ನು ರಿಂಗಣಿಸಿ
ಹೊರಗೆ ಬರುವಳೇನೋ ಎಂಬ ನಿರೀಕ್ಷೆಯಲಿ.
ಅವಳ ಗೆಜ್ಜೆಯ ಸದ್ದು ನನ್ನ ಹೃದಯದ ಬೆಲ್ ರಿಂಗಣಿಸಿ
ಬಂದಳು ಚುಕ್ಕಿಯ ರಂಗೋಲಿ ಇಡಲು
ಒಂದೊಂದು ಹೆಜ್ಜೆಯನಿಕ್ಕುತಾ ನನ್ನ ಮನದಲಿ.
ಬಳಿ ಹೋಗಿ ನಿಂತೆ ಅವಳ ಮಾತನಾಡಿಸಲು
ಕಳೆದುಹೋಗಿದ್ದೆ ಅವಳ ಕಲ್ಪನೆಯ ಗುಂಗಿನಲಿ.
ರಪ್ಪನೇ ನೀರು ಹೊಡೆದಳು ಮುಖದ ಮೇಲೆ
ನಶೆಯೆಲ್ಲಾ ಇಳಿದು ಹೋಯಿತು ಕಣ್ಣಿಗೆ ಕಂಡದ್ದು ಕಂಡು
ಅರಿವಾಯಿತು ಅದು ಅವಳಲ್ಲ ಅವಳ ಅಜ್ಜಿ ಎಂದು.
- ಉಮೇಶ್ (ಮಣಿ).
ಕಡಲಾಳದಲ್ಲಿ ಹುಡುಕಿದರು
ಸಿಗದ ಸ್ವಾತಿಮುತ್ತು ನೀ ಗೆಳತಿ
ನೀ ಸಿಕ್ಕಿದೆ ಪಕ್ಕದ ಊರ ಬೀದಿಯಲಿ
ನಾ ಅಲೆಯುತ ಬಂದಾಗ
ನನ್ನ ಕಂಡು ನೀ ಮರೆಯಲಿ
ನಿಂತು ಇಣುಕಿ ನೋಡುವ ಪರಿ
ನನ್ನ ಹೃದಯಕ್ಕೆ ಬೀರಿತು ಬಾಣದ
ಗುರಿ ನಾ ತಪ್ಪಿಸಿಕೋಳ್ಳಲು ಪರದಾಡಿದೆ
ನೀನ್ನ ನಗುವಿನ ಬಾಣವ ಕಂಡು
ಆದರೆ ಆ ಬಾಣವೆ ಹೃದಯವ ಹೊಕ್ಕು
ಇಂದು ನನ್ನ ನೆಮ್ಮದಿಯಗೆಡಿಸಿತು ಹಾಳಾದ್ದು..