ಸ್ವಾಗತ ಸುಸ್ವಾಗತ
ಏನೇ ಬರಲಿ ಹೃದಯಪೂರ್ವಕ ಸ್ವಾಗತ...
ಸ್ವಾಗತ ಸುಸ್ವಾಗತ
ನೋವೇ ಆಗಲಿ ನಗುನಗುತ ಸ್ವಾಗತ...
ಗೆಳೆಯರೇ ಓ ಗೆಳೆಯರೇ
ಈ ಲೋಕವೇ ನಮ್ಮ ಸ್ನೇಹಿತ...
ದಿನದಿನವೂ ಅನುಕ್ಷಣವು ಮನವಾಗಲಿ ಜಗ ಎನಿಸಲಿ ಹೊಸ ಸಂತೋಷ ಸಂಗೀತ...
ಸೂರ್ಯ ಮುಳುಗುವ ಹಾಗೆ ಚಂದ್ರ ನಗುವ ಹಾಗೆ ಜೀವನ
ನಿನ್ನೆಯ ಯಾತನೆ ನಾಳೆಯ ಯೋಚನೆ ಯಾಕೆ ಸುಮ್ಮನೆ
ಈ ದಿನವೇ ನಗುತಿರಬೇಕು ನೀನು ಕಿಲಕಿಲನೆ...
ಬಾಳಬಂಡಿ ನಡೆಸು ನೀನು ಜೊತೆಯಾಗಿ ಸಾಗುತ
ನಾನು ನನ್ನದು ಎಲ್ಲ ನಾಶವಾಗೋದು ಖಚಿತ
ಪ್ರೀತಿ ಸ್ನೇಹ ಒಂದೇ ಎಂದೆಂದೂ ಶಾಶ್ವತ...
ಮರುಭೂಮಿ ಇರುವ ಹಾಗೆ ನದಿ ಹರಿವ ಹಾಗೆ ಜೀವನ
ದ್ವೇಷರೋಷ ಏಕೆ ನಿನಗೆ ಧನಕನಕ ಬರದು ಕೊನೆಗೆ
ಒಲವಿನ ಕಡಲಿಗೆ ನೀನು ಧುಮುಕು,ಪರರ ಒಳಿತಿಗಾಗಿ ಬದುಕು...
ನಕ್ಕರೆ ನಿನ್ನ ಬಾಳು ಸುಂದರ ನಗಿಸಿದರೆ ನಿನ್ನ ಹೆಸರು ಅಮರ
ಸುಳ್ಳು ಮೋಸ ಎಲ್ಲ ನಾಶವಾಗೋದು ಖಚಿತ
ದಾನ ಧರ್ಮ ಒಂದೇ ಎಂದೆಂದೂ ಶಾಶ್ವತ...
ಅವಳ ನೆನಪಿನ ಗುಂಗಲಿ ಲೋಕವ ಮರೆತೆನು
ಅವಳ ಕೈಹಿಡಿದು ಅದ್ಭುತವ ನಡೆಸಲು
ನಾ ನಿನ್ನಯ ಭಕ್ತನು ನನ್ನಯ ಪಾಡುನೋಡು
ಓ ದೇವರೇ...ಓ ದೇವರೆ ನೀನೊಮ್ಮೆ ಕಣ್ತೆರೆದು ನೋಡು
ಅವಳ ಕೈ ಹಿಡಿದು ನಡೆಯಲು ನಾ ಯಾರೊ
ನನ್ನ ಬಾಳಲ್ಲಿ ಬರಲು ಅವಳ್ಯಾರೊ?
ನಾ ಸಾಧಿಸುವ ಛಲಕೆ ಸಾರ್ಥಕತೆಯು ಅವಳೆ
ನನ್ನ ಕನಸನ್ನು ನನಸಾಗಲು ಅದೃಷ್ಟವು ಅವಳೆ
ನನ್ನ ಪ್ರೀತಿಯ ದಾರಿಯಲ್ಲಿ ಅವಳೊಂದು ಕನಸಂತೆ
ಈ ಕನಸನ್ನು ನನಸಾಗಲು ಅವಳು ಇರಬೇಕಂತೆ
ನನ್ನ ಪ್ರೀತಿಯು ಸಾಗಲಿ ಕಷ್ಟನಷ್ಟದ ದಾರಿಯಲಿ
ನಂಬಿಕೆಯು ಹುಟ್ಟಲಿ ಅವಳ ನೋಡಿದ ಕ್ಷಣದಿಂದ
ನನ್ನೊಲವಿನ ಬದುಕು ಅವಳು, ಆ ಬದುಕೆ ನನದಾಗಲಿ
ಕಣ್ತುಂಬ ನಿನ್ನ ಬಿಂಬ ತುಂಬುತ ಭಾರವಾಗಿದೆ ಮನಸು
ನೋವು ನುಂಗುತ ಸಹಿಸುತಲಿ ಕೊರಗುತಿರುವೆ
ಮೌನಿಯಾಗಿ, ಅಳಿಸಿ ಬಿಡು ದೇವರೆ ನಿನ್ನ ಹಸ್ತದಲಿ
ಅವಳನ್ನು ಕರುಣಿಸು ದೇವರೆ ಈ ಕ್ಷಣದಲಿ
ಅವಳ ಮನಸಲಿ ಏನಿದೆ ನನಗಂತು ತಿಳಿಯದು
ನನ್ನ ಮನಸಿನ ಮಾತನು ಹೇಳಲು ಆಗದು
ಒಂದಾದರೆ ನಾವಿಬ್ಬರು ನೋಡಲು ಕಣ್ ಸಾಲದು
##ಮೌನಿ##
ಪ್ರಜಾತಂತ್ರದ ಯಶಸಸ್ಸಿಗೆ ಸೋಪಾನ
ನೀನು ಮಾಡುವ ಮತದಾನ
ಓ ಮಾನ್ಯ.ಮತದಾರ....
ಗಣತಂತ್ರದ ಗೆಲುವಿಗೆ ಮೆಟ್ಟಿಲು
ನೀನು ಬೆಳಗಿಸುವ ಶಾಹಿ ಗುರುತಿನ ಬೆರಳು
ಓ ಅಭಿವೃದ್ಧಿಯ ಹರಿಕಾರ....
"ತಪ್ಪದೇ ಮಾಡು ಇಂದು ಮತದಾನ
ನಿನ್ನಿಂದಲೇ ಆಗಲಿ ಬಲಿಷ್ಟ ರಾಷ್ಟ್ರದ ನಿರ್ಮಾಣ..
ಚಲಾಯಿಸು ನಿನ್ನ ಹೆಮ್ಮೆಯ ಹಕ್ಕನ್ನ
ನನಸಾಗಿಸು ದೇಶದ ಹಿರಿಮೆಯ ಕನಸನ್ನ"....
ನಿನ್ನ ವೋಟಲಿ ಅಡಗಿದೆ
ರಾಷ್ಟ್ರದ ಉದ್ಧಾರ
ನಿನ್ನಿಂದಲೇ ತೊಲಗಬೇಕಿದೆ
ರಾಷ್ಟ್ರದ ಭ್ರಷ್ಟಚಾರ....
ನಿನ್ನ ಒಪ್ಪಿಗೆ ಬೇಕಿದೆ
ಮಾಡೋ ಸೂಕ್ತ ನಿರ್ಧಾರ
ನಿನ್ನ ತೀರ್ಪಿಗೆ ಬೆಲೆಯಿದೆ
ನೀಡೋ ಉತ್ತಮರಿಗೆ ಅಧಿಕಾರ....
ನೂರೆಂಟು ಸಮಸ್ಯೆಗಳನು ಎದುರಿಸಬೇಕಿದೆ
ಅದಕೆ ಹದಿನೆಂಟು ತುಂಬಿದವರ ಮತವಾಗಲಿ ಉತ್ತರ...
ಮತದಾರರಿಂದಲೇ ಸರ್ಕಾರ
ಮತದಾರರಿಗಾಗಿಯೇ ಸರ್ಕಾರ....
ಇಲ್ಲಿ ನಡೆಯೋದು ಪ್ರಜೆಗಳ ಪ್ರಭುತ್ವ
ನೀಡೋ ಪ್ರಾಮಾಣಿಕರಿಗೆ ನಾಯಕತ್ವ....
ಜಾತಿಧರ್ಮದ ಸರಪಳಿಗೆ ಸೋಲದಿರಲಿ ಮನುಷ್ಯತ್ವ
ದೇಶದ ಒಳಿತಿಗೆ ಜನರ ಹಿತಕ್ಕೆ ನೀಡು ಮಹತ್ವ..
ಓ ಮತದಾರನೇ ನೀನೆ ಈ ದೇಶದ ಸಂಪತ್ತು
ಹಣಕ್ಕೆ ವೋಟು ಮಾರಿಕೊಂಡು ಊರಿಗೆ ತರದಿರು ಆಪತ್ತು..
ಮರೆಯದಿರು ಮತದಾರನೇ ಈ ಪವಿತ್ರ ಕರ್ತವ್ಯ
ತಂದುಕೊಡು ದೇಶಕೆ ಸುಂದರ ಭವಿತವ್ಯ...
ನಿನ್ನ ಒಂದೊಂದು ಮತ
ದೇಶಕೆ ಎಂದೆಂದೂ ಹಿತ....
ಮತದಾನ ಮಾಡೋಕೆ
ಇಂದು ಅಭಿಮಾನದಿಂದ ಬಾರೋ....
ಷಾಹಿ ಗುರುತಿನ ಬೆರಳನ್ನು
ನೀನು ಹೆಮ್ಮೆಯಿಂದ ತೋರೋ....
ನಮ್ಮ ನಾಡಿನ ಏಳಿಗೆ
ನಿನ್ನ ವೋಟಿನಿಂದ ನೋಡೋ....
ಈ ದೇಶ ಈ ಜನಕೆ
ಸುಂದರ ನಾಳೆಯ ನೀಡೋ....
ಜಾತಿಧರ್ಮದ ಸಂಕೋಲೆಗೆ ವೋಟು ಮುಡಿದು
ಹಾಳು ಮಾಡದಿರು ಸಮಾಜದ ನೆಮ್ಮದಿ....
ಹಣದ ಗುಂಡಿಗೆ ಮತವ ಸುರಿದು
ದೇಶದ ಭವಿಷ್ಯವನ್ನು ಮಾಡದಿರು ಸಮಾಧಿ....
ಆಸೆ ಆಮಿಷಗಳ ಕುತಂತ್ರಕೆ ಸೋತು
ಜನತಂತ್ರ ವ್ಯವಸ್ಥೆಗೆ ತರದಿರು ಕುತ್ತು....
ಮತದಾನ ನಿನ್ನ ಪವಿತ್ರ ಅಧಿಕಾರ
ಎಲ್ಲಾ ಆಗುಹೋಗುಗಳಿಗೆ ನೀನೇ ಜವಾಬ್ದಾರ....
ಭ್ರಷ್ಟರಿಗೆ ಮಣೆ ಹಾಕದಿರು
ರಾಷ್ಟ್ರ ಪ್ರಜ್ಞೆ ಮರೆಯದಿರು....
ಅರ್ಹ ಪ್ರತಿನಿಧಿಯನು ಆರಿಸು
ದೇಶದ ಮಂದಿಯನು ಬೆಳಗಿಸು....
ನೀನಾಗು ನಾಡಿನ ಜೀವನಾಡಿ
ನಿನ್ನ ವೋಟು ಬರೆಯಲಿ
ನಾಡಿನ ಪ್ರಗತಿಗೆ ಮುನ್ನುಡಿ....
ನೀನಾಗು ದೇಶದ ಭದ್ರ ಬುನಾದಿ
ನಿನ್ನ ವೋಟು ಹಾಡಲಿ
ದೇಶದ ಅಭಿವೃದ್ಧಿಗೆ ನಾಂದಿ....
ಅತ್ತಿತ್ತ ಹೋಗಲೆಂದು
ಹೊರಡುವಾಗ ನೆನಪಾಗುವೆಯಲ್ಲೆ..
ಮನೆ ಹೊರಗೆ ಕಾಲಿಡಲು
ನಿನ್ನ ಮರೆವಿನ ನೆನಪು..
ಹೇಳು, ತೆಗೆದುಕೊಂಡ
ನನ್ನ ಹೊಸ ಚಪ್ಪಲಿಗಳನು
ಎಂದು ಹಿಂದಿರುಗಿಸಬಲ್ಲೆ?
@ಪ್ರೇಮ್@