ಎತ್ತ ಸಾಗಿತು ನಿನ್ನ ಪಯಣವು
ನನ್ನ ಬದುಕನು ಒಂಟಿಯಾಗಿ ಬಿಟ್ಟು
ಎತ್ತ ಜಾರಿತು ನಿನ್ನ ಮನವು
ನನ್ನ ಮನದೊಳಗೆ ನೆನಪುಗಳನ್ನಿಟ್ಟು
ಹೆಜ್ಜೆಗೆ-ಹೆಜ್ಜೆ ಹಾಕಿ ಬಲು ದೂರ ಸಾಗಿ
ಎತ್ತ ಹೋದೆ ಕವಲು ದಾರಿಯಲಿ ನನ್ನ ಹೀಗೆ ಬಿಟ್ಟು
ಜೊತೆಗೂಡಿ ನಕ್ಕು ನಲಿದು
ಎತ್ತ ಹೋದೆ ಕಂಬನಿಗಳನು ಕಣ್ಣಲ್ಲಿ ಬಿಟ್ಟು
ಕಣ್ಣಂಚಿನಲಿ ತುಂಬಿ ಹರಿಯುತ್ತಿದೆ
ನೀನು ಬಿಟ್ಟು ಹೋದ ನೆನಪುಗಳು
ಆ ನೆನಪಿನ ದೋಣಿಯಲಿ ಆರಂಭವಾಗಿದೆ
ನನ್ನೀ ಜೀವನದ ಪಯಣವು
ನೆನಪುಗಳು ಮರುಕಳಿಸುವಾಗ
ಮನಸ್ಸು ಮೂಕವಾಗಿದೆ
ನಿನ್ನ ಸೇರಬೇಕೆಂದು ಹೊರಟಿದ್ದ
ಹೃದಯ ಈಗ ಭಾರವಾಗಿದೆ
ನೆರಳಂತೆ ಜೊತೆನಿಂತೆ
ನೆನಪಂತೆ ಮನಃಕುಂತೆ
ಕನಸಲ್ಲಿ ಜೊತೆ ಸೇರುವ ಮುನ್ನ
ಜಗ ಕಣ್ಣ ತೆರೆಸಿತು
ಮನಃವು ಮರೆಯಾಗಿ ಪ್ರೀತಿ ದೂರಾಯಿತು
ನೆಲೆಯಿಲ್ಲದ ನೆನಪೊಂದು
ಅಲೆಯಂತೆ ಮನಕೆ ನುಗ್ಗಿ ಕನಸುಗಳ ಕೊಲೆಗೈದಿದೆ
ಸೋತ ಮನಸ್ಸೀಗ ಮೈ ಕೊಡವಿ ಮೇಲೆಳುವ ಮುನ್ನ
ನಿನ್ನ ಮೊಗನೋಡಿ ಮತ್ತೆ ಮೌನತಾಳಿದೆ
ಚೆಲುವ ಚಂದ್ರಿಕೆ
ಕನಸಿಗೆಲ್ಲ ನೀನೆ ಮಾಲಿಕೆ
ನಗುವ ನಿನ್ನ ನವಿರು ಅಧರಕೆ
ದೃಷ್ಟಿಬೊಟ್ಟು ಬೇಕಿದೆ ಅದರ ಚೆಂದಕೆ
ಮರೆತೆನು ನಾನು ನನ್ನನೆ ಆ ಅಂದಕೆ
ಮಿನುಗುವ ನಿನ್ನ ಕಣ್ಗಳ ಕಡಲಲಿ
ಬಂಧಿಯಾಗಿರುವೆನು ಪ್ರೀತಿಯ ಅಲೆಯಲಿ
ಪ್ರೀತಿ ತುಂಬಿದ ಈ ಕಡಲ ಒಡಲಲಿ
ಸೇರಿ ಹೋಗಿರುವೆ ನಾನಾದ ನಿನ್ನ ಭಾವದಲಿ
ಕಳೆದೋಗಲೆ ನಾನು ನಿನ್ನದೆ ಕನಸಲಿ
ಕಂಡಾಗ ಹಾರುವ ನಿನ್ನ ಮುಂಗುರುಳ
ತಿಳಿಯದೆ ಸೆಳೆದಿದೆ ಅತ್ತ ನನ್ನ ಬೆರಳ
ನೀ ನೋಡತಿರಲು ನನ್ನ ಕಣ್ಣುಗಳ
ಆ ಕ್ಷಣವಲ್ಲ ಅಷ್ಟೊಂದು ಸರಳ
ಅರಿವಿರದೆ ಆಗಿ ಹೋಗುವೆನು ನಾ ಮರುಳ
ತುಸು ನುಡಿವಾಗ ನೀನು
ಕೊಂಚ ಮೌನಿಯಾಗಿ ಬಿಡಲೇನು
ನಿನ್ನ ಕಾಡಿಸಿ ಕೆಣಕಿ ನೋಡಲೇನು
ಮುದ್ದಿಸಿ ಕೋಪವ ಮುರಿಯಲೇನು
ಆ ಮುದ್ದು ನಗುವಿಗೆ ಕಾಯುವ ಪ್ರೇಮಿ ನಾನು
ಇಬ್ಬರ ಕಿರುಬೆರಳ ಜೋಡಿಸಿ
ನಡೆಯುವಾಸೆ ಹೆಜ್ಜೆಗಳ ಕೂಡಿಸಿ
ಕಾಯುವೆನು ನಿನ್ನ ಎಂದಿಗೂ ನನ್ನೆದೆಗೊರಗಿಸಿ
ಬಾಳ ತುಂಬಾ ಸವಿಜೇನ ಸೇರಿಸಿ
ಎಂದಿಗೂ ಜೊತೆಯಾಗಿರುವೆನೆ ನನ್ನ ಪ್ರೇಯಸಿ
ಮಾಡುವಾಸೆ ನೀ ಮೆಚ್ಚುವಂತ ಪ್ರೇಮ ನಿವೇದನೆ
ನಿನಗಾಗಿ ನನ್ನ ಈ ಹೊಸ ಶೋಧನೆ
ನೀ ಮೆಚ್ಚಿದರೆ ಪ್ರೀತಿಯಲಿ ನನ್ನದೊಂದು ಸಾಧನೆ
ಮೆಚ್ಚದಿದ್ದರೆ ಪಡಬೇಕೆ ವೇದನೆ?
ನನ್ನೆದೆಗೆಂದಿಗೂ ನೀನೆ ಅಲ್ಲವೆ ಮನದನ್ನೆ.