ಒಡಹುಟ್ಟಿದವಳು ನೀನು
ನೀನಿರದೆ ನಾನಿರಲಾಗವುದೇನು
ನನ ಪ್ರತಿ ಬಾಳಿನ ಹೆಜ್ಜೆಯ ಗುರುತು ನೀನು
ನೀನಿರದೆ ಅವುಗಳಿಗೆ ಅರ್ಥಬರಹುದೇನು
ಉಣಿಸಿರುವೆ ನಿನ್ನ ಪ್ರೀತಿಯ ಸವಿ ಜೇನು
ಆ ಪ್ರೀತಿಯ ಸಿಹಿಗೆ ಕೊನೆಯಿರಲು ಸಾಧ್ಯವೇನು
ನನ್ನೊಲುಮೆಯಲಿ ನಿನ್ನದೆ ಮೊದಲ ಹೆಸರು
ನೀನೆಂದು ನನ್ನಯ ನಗುವಿನ ಉಸಿರು
ಬಾಡದಿರಲಿ ಎಂದೆಂದೂ ನಿನ್ನಯ ನಗುವಿನ ಹಸಿರು
ನಗಿಸಿ ನಗುತ ಕಟ್ಟಿರುವೆ ಎಲ್ಲರ ಮನಸಲಿ ಸಂತೋಷದ ತಳಿರು
ನೀನೆನೆ ನನ್ನ ಮುದ್ದು ಪೆದ್ದ ತಂಗಿ
ಆಗಾಗ ಖುಷಿಯ ತರಲು ಆಗುವೆ ಕೋಡಂಗಿ
ಹರಿಸುವೆ ಮನೆಯಲಿ ಹರುಷವ ನಗುವಲಿ ಬೆಳಗಿ
ನೀ ನಗಿಸಲು ನಗುವೆವು ನೋವೆಲ್ಲ ಕರಗಿ
ಆ ದೇವರಲಿ ನನ್ನದೊಂದು ಹರಕೆ
ಈಡೆರಲಿ ನಿನ್ನದೆಲ್ಲ ಬಯಕೆ
ಎಂದೂ ನಗುತ ಸಾಗಲಿ ನಿನ್ನ ಬಾಳ ನೌಕೆ
ನೀನೆಂದು ಎದಿರಾಗದಿರಲಿ ನೋವಿನ ಕ್ಷಣಕೆ
ನೀನಾಗಿರು ನಗುವ ಹರಡುವ ಹೂವು ಈ ಜಗಕೆ
ಮೇಘಗಳ ತಿಳಿ ಸೆರಗಲ್ಲಿ
ನಕ್ಷತ್ರ ಕುಚ್ಚುಗಳ ಮೆರಗು
ತಂದಿದೆ ಸಂಭ್ರಮ...
ತಂಗಾಳಿಗು ತುಡಿತ
ಮೇಘಗಳ ಆಲಂಗಿಸಲು...
ತುಂತುರು ಹನಿಗಳ ಸಿಂಚನ
ಹಾಡಿದೆ ಸರಿಗಮ...
ಹಾಕಿದೆ ಹೆಜ್ಜೆ ಪುಳಕಿತ ಪ್ರಕೃತಿ
ಮೌನ ಮುರಿದು ಈ ದಿನ...
ಅಮ್ಮನ ಕೈ ತುತ್ತಿನ ಪ್ರೀತಿ ಗೊತ್ತಿಲ್ಲ
ಆ ಚೆಂದಮಾಮನ ತೋರಿ ತಿನ್ನಿಸುವವರಿಲ್ಲ
ಕಥೆ ಹೇಳುವ ಅಜ್ಜಿ ಅಮ್ಮಂದಿರನ್ನಂತು ನೋಡಿಯೆ ಇಲ್ಲ
ಬಾಲ್ಯದ ತುಂಟಾಟ ಖುಷಿಯ ಅನುಭವಿಸಿಲ್ಲ
ಚಿನ್ನಿದಾಂಡು ಲಗೋರಿಯನ್ನಂತು ಕಂಡವರೆ ಅಲ್ಲ
ಅಳಿಗುಳಿಮನೆ ಚೌಕಬಾರಗಳಂತು ಹೇಗಿರಬಹುದೆಂದು ತಿಳಿದಿರಲಿಕ್ಕಿಲ್ಲ
ಕುಂಟೆ ಬಿಲ್ಲೆ ಅಣ್ಣೆಕಲ್ಲಿನಂತ ಆಟಗಳನು ಮತೊಮ್ಮೆ ನೋಡಲಾಗುವುದಿಲ್ಲ
ಸ್ನೇಹಿತರ ಜೊತೆ ಊರ ಸುತ್ತಿ ಆಡಲಂತು ಇವರ ಬಿಡುವುದೇ ಇಲ್ಲ
ಮಣ್ಣಿನ ಪ್ರೀತಿಯ ಸಖ್ಯವ ಬಲ್ಲವರಲ್ಲ
ಮರಕೋತಿ ಆಟವನ್ನಂತು ನೋಡಿಯೆ ಇಲ್ಲ
ಮಣ್ಣಲಿ ಆಡಿ ಸಂತಸ ಪಡಲು ಮಣ್ಣೆ ಕಾಣುವುದಿಲ್ಲವಲ್ಲ
ಮರವೇರಿ ಆಟವಾಡಿ ಹುಬ್ಬಿ ಬೀಗಲು ಮರಗಳಿರಬೇಕಲ್ಲ
ಮಣಬಾರ ಪುಸ್ತಕ ಹೊತ್ತು ದಿನ ತಿರುಗುವರು
ಸಾಮಾನ್ಯ ಬದುಕಿನ ಜ್ಞಾನವ ಅರಿಯಲಾಗದವರು
ಅಕ್ಕ ಪಕ್ಕದ ಜನರನ್ನೆ ನೋಡಲಾಗದವರು
ಮನೆಯೊಳಗೆ ಸೇರಿ ಸೊರಗುತಿರುವರು
ಸಣ್ಣ ನೋವು ಸೋಲಿಗು ನಲುಗಿ ಹೋಗುವರು
ಸಣ್ಣ ಖುಷಿಯ ಸವಿಯನು ಸವಿಯದೆ ಮಂಕಾಗುವರು
ಬದುಕಿನ ಸ್ವಾರಸ್ಯವ ಅನುಭವಿಸಲಾರದೆ ಹೋಗಿರುವರು
ಬಾಲ್ಯದ ಚೆಲ್ಲಾಟ ತುಂತಾಟ ಖುಷಿಯ ಕಾಣದೆ ಬದುಕುತ್ತಿರುವರು
ಬಾಳಿದು ಇಂದಿನ ಮಕ್ಕಳ ಬಾಳಿದು