ಪ್ರತಿ ಸಾರಿ ನಿನ್ನ ನೋಡಿದಾಗ ನನ್ನಲ್ಲೇನೋ ಹೊಸ ಅನುಭವ,
ಗೆಳತಿಯೇ ಮರೆತರೆ ಮಡಿವೆ ನಾ, ಆ ನಿನ್ನ ಸಿಹಿ ನುಡಿಗಳ;
ನಿನ್ನೊಂದಿಗಿರುವ ಪ್ರತಿ ಕ್ಷಣವೂ ಸ್ವರ್ಗಾನುಭವ ನನ್ನೆದೆಗೆ,
ನನ್ನಿಂದ ದೂರಹೋಗಿ ನೂಕಬೇಡ ಬೇಗುದಿಗೆ ;
ನಿನ್ನೊಲವನೇ ಅರಸಿ ಬರುವೆ ನಿನ್ನ ಬಳಿ ನಾ,
ಒಪ್ಪಿ ಅಲಂಕರಿಸು ನನ್ನ ಅರಸಿಯೇ ಮನದಲಿ ಕಟ್ಟಿದ ನಿನ್ನ ದೇಗುಲವನ್ನಾ..
ಈ ಹೋಳಿ ಹಬ್ಬದ ದಿನದಲಿ
ಬಣ್ಣಗಳ ನಡುವಿನ ಆಟದಲಿ
ಬದುಕಿನ ತುಂಬಾ ಬಣ್ಣಗಳು ತುಂಬಿರಲಿ....
ಬಣ್ಣಬಣ್ಣದ ಕನಸುಗಳು ನನಸಾಗಿ
ಹೂವಿನಂತಹ ಜೀವನ ನಿಮ್ಮದಾಗಲಿ...
ಪ್ರೀತಿ ವಿಶ್ವಾಸದಲಿ ಎಲ್ಲರೊಂದಿಗೆ ಬೆರೆಯುತ್ತ..
ಸಂಬಂಧಗಳು ಗಟ್ಟಿಯಾಗಿ
ಕಷ್ಟಗಳೆಲ್ಲವು ದೂರವಾಗಿ
ಉತ್ಸಾಹದ ದಿನಗಳು ದಿನವಿಡೀ ಇರಲಿ..
ಚೈತನ್ಯವನ್ನು ತುಂಬುವ ಹೋಳಿ ಹಬ್ಬ
ಮತ್ತೆ ಮತ್ತೆ ಮರುಕಳಿಸುತ್ತಿರಲಿ
ನಿಮ್ಮ ಜೀವನ ಸಿಹಿಯಾಗಿರಲಿ...
ನಗುನಗುತ ಇರಬೇಕು
ನೂರು ಆರಾಗಲಿ
ಆರು ನೂರಾಗಲಿ..
ನಕ್ಕು ನಗಿಸುತ ಬಾಳ್ಬೇಕು
ಯಾರೇನೇ ಅನ್ನಲಿ
ಯಾರೇನೇ ಮಾಡಲಿ..
ಆಗಿದ್ದು ಒಳ್ಳೆದೇ ಅನ್ಕೊಳಿ
ಆಗೋದು ಒಳ್ಳೆದೇ ಅನ್ಕೊಳಿ.. " ಪ "
ಇವತ್ತು ಇರೋರು ನಾಳೆ ಇರೋಲ್ಲ
ನಿನ್ನೆ ಅನ್ನೋದು ಮತ್ತೆ ಬರಲ್ಲ..
ನಾಳೆ ಏನಾಗುತ್ತೋ ಯಾರಿಗೂ ಗೊತ್ತಿಲ್ಲ
ಇವತ್ತು ಖುಷಿಖುಷಿಯಾಗಿರೋಣ ನಾವೆಲ್ಲ..
ಈ ಬಾಳು ಒಂದು ಹೂವಿನಂತೆ ಬ್ಯೂಟಿ
ಏನೇ ಮಾಡಿದ್ರೂ ಬಾಡೋದು ಗ್ಯಾರಂಟಿ..
ನಗುತ ಬಾಳಿದರೆ ಸ್ವರ್ಗವು ಆಗದು ನಿನಗೆ ಸಾಟಿ
ಅಂದದ ನಗುವ ನೋಡಿ ಆ ಚಂದ್ರನು ಮಾಡಬೇಕು ನಿನ್ನ ಭೇಟಿ..
ಜೀವನ ಒಂದು ಹಾವು ಏಣಿಯ ಆಟ
ಬಿಟ್ಟಾಕು ಫಸ್ಟ್ ಲಾಸ್ಟ್ ಅನ್ನೋ ಪಟ್ಟ..
ಏರಲೇಬೇಕು ಎಲ್ಲರೂ ಒಂದು ದಿನ ಚಟ್ಟ
ಅನುಕ್ಷಣ ಹಾರಿಸೋಣ ನಗುವಿನ ಪಟ..
ನೂರು ಕೋಟಿ ಕೊಟ್ಟರೂ ಸಿಗದು ನಗು ಎಂಬ ಬಂಗಾರ
ನೋವು ಸಾವಿರ ಇದ್ದರೂ ನಗುತಿದ್ದರೆ ನಿನಗೆ ನೀನೇ ಕುಬೇರ..
ಚಿಂತೆ ಎಂದಿಗೂ ತನುಮನ ಸುಟ್ಟು ಹಾಕುವ ಚಿತಾಗಾರ
ಅನುದಿನ ಅನುಕ್ಷಣ ಹೃದಯದಲ್ಲಿ ಹರಿಸಬೇಕು ಆನಂದ ಸಾಗರ..
ಬಾರೋ ಬಾರೋ ವೀರ ಕನ್ನಡಿಗ ಬಾರೋ
ಕನ್ನಡ ನೆಲಜಲ ರಕ್ಷಿಸಲು ಮುನ್ನುಗ್ಗಿ ಬಾರೋ..
ಬಾರೋ ಬಾರೋ ಧೀರ ಕನ್ನಡಿಗ ಬಾರೋ
ಕನ್ನಡ ನಾಡುನುಡಿ ಬೆಳೆಸಲು ಧುಮುಕಿ ಬಾರೋ..
ಸಿರಿಗನ್ನಡ ಗೆಲ್ಲಬೇಕು
ಸಿರಿಗನ್ನಡ ಬಾಳಬೇಕು.." ಪ "
ನೀ ಉಸಿರಾಡೋ ಗಾಳಿ ಕನ್ನಡ
ನೀ ತಿನ್ನೋ ಅನ್ನ ಕನ್ನಡ..
ನೀ ಕುಡಿಯೋ ನೀರು ಕನ್ನಡ
ನೀ ಬದುಕೋ ಊರು ಕನ್ನಡ..
ಮಾತೃಭೂಮಿಗಾಗಿ ಪ್ರಾಣ ನೀಡಲು ಸಿದ್ಧನಾಗೋ
ಪುಣ್ಯಭೂಮಿಯ ಋಣ ತೀರಿಸಲು ಬದ್ಧನಾಗೋ
ಓ ಕನ್ನಡಿಗ ..ಹೇ ಕನ್ನಡಿಗ..
ಕೃಷ್ಣ ಕಾವೇರಿ ನದಿ ಜಲಪಾತಗಳು
ಕನ್ನಡ ಡಿಂಡಿಮ ಬಾರಿಸುತ ಸಾಗುವ ಕನ್ನಡಾಂಬೆಯ ತೇರುಗಳು..
ಮಲೆನಾಡಿನ ಮನೋಹರ ಗಿರಿಶಿಖರಗಳು
ಕನ್ನಡ ಕಂಪನು ಚೆಲ್ಲುವ ಕೀರ್ತಿ ಪತಾಕೆಗಳು..
ಬೇಲೂರು ಹಂಪೆಯ ಗುಡಿ ಗೋಪುರಗಳು
ಕನ್ನಡಾಂಬೆಯ ವೈಭವ ಸಾರುವ ಕೀರ್ತಿ ಕಳಶಗಳು
ನಗುತ ನಿಂತ ನೂರಾರು ಶಿಲಾಶಾಸನಗಳು
ಸಾಹಸಗಾಥೆ ಸಾರುವ ಸಿರಿಗನ್ನಡದ ಸತ್ಯ ಪೀಠಗಳು
ಕನ್ನಡ ಮಣ್ಣಿನ ಕಣಕಣಗಳು
ಕರುಣೆ ಬಿತ್ತುವ ಕನ್ನಡಿಗರ ಹೊನ್ನಿನ ಮನಗಳು..
ಕನ್ನಡ ಕವಿಪುಂಗವರು,ಕನ್ನಡ ಗಾನಕೋಗಿಲೆಗಳು
ಕನ್ನಡಾಭಿಮಾನ ಹರಿಸುವ ಕನ್ನಡಾಂಬೆಯ ಜ್ಯೋತಿಗಳು..
ಕದನಕೆ ಅಳುಕದೆ ನಾಡನು ಕಟ್ಟಲು
ಹೋರಾಡಿದರು ಕನ್ನಡದ ರಾಜಮಹಾರಾಜರುಗಳು..
ಮರಣಕೆ ಅಂಜದೆ ನಾಡನು ರಕ್ಷಿಸಲು
ವೀರಮರಣವಾದರು ಕನ್ನಡದ ವೀರಾಧಿವೀರರುಗಳು.." "
ಓ ಕನ್ನಡಿಗ ಕನ್ನಡಕ್ಕಾಗಿ ನೀ ಎಚ್ಚರಗೊಳ್ಳು
ಓ ಕನ್ನಡಿಗ ಕನ್ನಡಕ್ಕಾಗಿ ನೀ ಸ್ಫೂರ್ತಿಗೊಳ್ಳು..
ನುಗ್ಗಿ ಬರಲಿ ನಾಡಿನೊಳಗೆ ಸಾವಿರ ಭಾಷೆಗಳು
ನರನಾಡಿಯಲ್ಲಿ ಭೋರ್ಗರೆಯಲಿ ಕನ್ನಡಾಭಿಮಾನದ ಸಾಗರಗಳು..
ಕನ್ನಡವೇ ನಿನ್ನ ಮಂತ್ರವಾಗಬೇಕು
ಕನ್ನಡವೇ ನಿನ್ನ ಅಸ್ತ್ರವಾಗಬೇಕು..
ಕನ್ನಡಾಭಿಮಾನಿಗಳಿಗೆ ನೀ ಮಾಡು ಕೋಟಿ ವಂದನೆ
ಕನ್ನಡ ದುರಾಭಿಮಾನಿಗಳಿಗೆ ನೀ ಕೊಡು ಚಾಟಿ ದಂಡನೆ..
ಕನ್ನಡ ಝೇಂಕಾರ ಮೊಳಗಲಿ ಯುಗಯುಗಗಳು
ಕನ್ನಡಿಗರ ಬಾಳು ಬಂಗಾರವಾಗಲಿ ಪ್ರತಿಕ್ಷಣಗಳು..