ಕಲ್ಪನೆಯೂ ಕಲ್ಲಿದಾಗ ಕನಸುಗಳು
ಚೂರು ಚೂರು ಆಗುತ್ತದೆ.......
ಕಲ್ಪಿಸುವ ಕಣ್ಣುಗಳು ನೀರಿನಲ್ಲಿ ತೇಲಿ
ಹೋಗುತ್ತದೆ......
ಕ್ಷಣಗಳನ್ನು ಕಳೆಯುವ ಮುನ್ನ ಜೀವನ
ಮುಗಿದು ಬಿಡುತ್ತದೆ ....
ಕನಸಾಗಿ ಬಂದು ನನಸಾಗದೆ ಹೋಗಬೇಡ
ಗೆಳೆಯ.......
ಬೆಳಗ್ಗೆ ಎದ್ದು ಅಂಗಳ ಗುಡಿಸಿ
ಗಂಡನ ಪ್ಯಾಂಟ್ ಜೇಬ್ ಎಲ್ಲ ಹುಡ್ಕಿ
ಮೆಂತೆ ಡಬ್ಬ ಎಲ್ಲಾ ತಡ್ಕಿ
ಹಾಲಿನ ಪಾಕೆಟ್, ಕೊತ್ತಂಬರಿ ಸೊಪ್ಪು
ಕೊಬ್ಬರಿ ಎಣ್ಣೆ, ಟಾಟಾ ಉಪ್ಪು,
ರೆಡ್ ರೋಸ್ ಟಿಪುಡಿ, ಕಾಲ್ ಕೆಜಿ ಸಕ್ರೆ,
ಅರ್ಧ ಗಂಟೆ ಅದು ಇದು ಮಾತು,
ಎದುರು ಮನೆಯೋಳು ಅಲ್ಲೇ ಸಿಕ್ರೆ.
ಕರಿಬೇವು ಇಲ್ಲ, ಪುಳಿವೋಗರೆ ಗೊಜ್ಜು
ಗಡಿಬಿಡಿಯಲ್ಲಿ ಕೆಲಸಕೆ ಸಜ್ಜು.
ಕೇಳೋರಿಲ್ಲ ಕರೆಂಟು ಬಿಲ್ಲು
ರೇಷನ್ ಅಂಗ್ಡಿಲಿ ಸಾಲಾಗಿ ನಿಲ್ಲು.
ಚೀಟಿ ದುಡ್ಡು ಹೊಂದಿಸಿ ಕಟ್ಟು
ಚಪ್ಪಲಿ ತಗೋಬೇಕು ಎರಡ್ ದಿನ ಬಿಟ್ಟು.
ಮಕ್ಕಳ ಸ್ಕೂಲ್ ಫೀಸ್ ಕಟ್ಲೇಬೇಕು
ಇದ್ದುದರಲ್ಲೇ ಜೀವನ ನೂಕು.
ಅನ್ನ ಸಾರು, ಒಣ ಮಿನ್ ದಿವಸ
ಹಬ್ಬ ಬಂದ್ರೆ ಮಾಡು ಪಾಯ್ಸ.
ಹೆಣ್ಣೆಂಬ 'ಪದಕೆ' ಅತೀ ಬೇಡಿಕೆ
ಅವಳ ಬಗೆಗೆ ಭಾಷಣಗಳಲಿ ಭಾರಿ ಹೊಗಳಿಕೆ
ಅವಳೇ ಆಗ ಜಗದಲಿರುವ ದೇವ ಕನ್ನಿಕೆ
ಮನದಲಿ ಹುಟ್ಟುವ ಕಾವ್ಯಕ್ಕೆಲ್ಲ ಅವಳೇ ಮಾಲಿಕೆ
ನಿಜದಲ್ಲಿ ಅನಿಷ್ಟಕ್ಕೆಲ್ಲ ಅವಳೆ ಕಾರಣ ಎಂಬ ಹೇರಿಕೆ
ಸಿಕ್ಕ ಸಿಕ್ಕಲೆಲ್ಲ ಅವಳ ಮೇಲೆ ಕಂತೆ ಕಂತೆ ತೆಗಳಿಕೆ
ಏತಕೆ ಮಾತಿನಲಿ ಅವಳ ಮೇಲೆ ಕಾಳಜಿಯ ತೋರಿಕೆ
ಇಟ್ಟಿದ್ದವೇನು ನಮ್ಮನ್ನು ಮಾತಲ್ಲಿ ಉದ್ದರಿಸಿರೆಂದು ಬೇಡಿಕೆ
ಬೇಡಿಬಂದಿಲ್ಲ ನಾವು ನೀವು ಕೊಡುವ ದೆವ್ವ ದೇವರ ಪಟ್ಟಕ್ಕೆ
ಮೀರಿ ಹೋಗಬಲ್ಲೆವು ಹೆಣ್ಣೆಂದು ಎಳೆದಿರುವ ಅಂಕೆ ಶಂಕೆ
ನಮ್ಮೊಳಗೂ ನೋವುಂಟು, ಇಡೀ ಜಗಕ್ಕೇನೆ ಹಂಚುವುದಕ್ಕೆ
ಕನಸು,ಕಣ್ಣೀರ ಕೂಡಿಟ್ಟು ಬದುಕುವೆವು ಇನ್ಯಾರ ನಗುವ ನೋಡುವುದಕ್ಕೆ
ಹೆಣ್ಣ ಮೇಲೆಯೇ ಎರಗುವರು ಯಾರುಯಾರದೊ ದ್ವೇಷಕ್ಕೆ
ಹೆಣ್ಣಿನ ಮಾನಹರಣವೆ ಸರಕಾಯಿತಲ್ಲ ಹಲವು ಯುದ್ಧ ಗೆಲುವುದಕ್ಕೆ
ಕೊಡುವರು ಸುಖದುಃಖ, ಕಷ್ಟನಷ್ಟ, ಏಳುಬೀಳು ಎಲ್ಲದಕ್ಕೆ ಮೂಲವೆಂಬಂತೆ ಹೋಲಿಕೆ
ಅವಳಾಗಿರುವಳು ಆಡಲು ಸಿಗುವ ಕಾಲ್ಚೆಂಡಿನಂತೆ ಏತಕೆ
ನಿಮ್ಮಲ್ಲಿ ನಮ್ಮೆಲ್ಲರದ್ದು ಒಂದು ಸಣ್ಣ ಕೋರಿಕೆ
ನಮಗಿಲ್ಲ ದೇವರು ದೇವತೆಯಂಬ ಪಟ್ಟದ ಬಯಕೆ
ಬೆಳಕಿಲ್ಲದ ಕತ್ತಲೊಳಗೆ ಪೂಜಿಸದರೆ ಹೊಗಳಿದರೆ ಸಾಕೆ
ಸಾಕೆಮಗೆ ನೀವು ಹೆಣ್ಣಿಗೂ ಮಾನವಳ ಸ್ಥಾನ ನೀಡಿ ತೋರಿದರೆ ಹೆಗ್ಗಾರಿಕೆ