ಸಾಗುತ್ತಿರುವ ಸಮಯದ ಜೊತೆ
ದೂರ ಸಾಗಿದಂತೆ ಹೃದಯದ ಭಾರ
ಹೆಚ್ಚುತ್ತಿದೆ ಇನ್ನು ಅತಿಯಾಗುತ್ತಿದೆ.........
ನಿನ್ನಿಂದ ದೂರವಾಗುವ ಪ್ರಯತ್ನದಲ್ಲಿ
ಇನ್ನು ಸಮೀಪವಾಗುತ್ತಿರುವೆ ನಿನ್ನ ಇನ್ನು
ಹೆಚ್ಚಾಗಿ ಪ್ರೀತಿಸುತ್ತಿರುವೆ...........
ನನ್ನ ಹೆಜ್ಜೆಗಳು ನಿನ್ನಂದ ದೂರವಾದರು.........
ನಿನ್ನ ಪ್ರೀತಿ ನನ್ನ ಹೃದಯದಲ್ಲಿ ಮಧುವಾಗಿ
ಹೊರಹೊಮ್ಮುತ್ತಿದೆ ಉಸಿರಿಗೆ ಅಡ್ಡಿಯಾಕಿ
ನಿನ್ನ ಹೆಸರೇ ಮತ್ತೆ ಮತ್ತೆ ಕರಿಯೆನ್ನುತ್ತಿದ್ದೆ
ನನ್ನ ಕೂಗು ಎನ್ನುತ್ತಿದ್ದೆ................
ನೀನು ಹಿಂತಿರುಗಿ ನೋಡುವಷ್ಟರಲ್ಲಿ
ನಿನ್ನ ಸೇರು ಕಪ್ಪಾದ ನೆರಳಿಗೆ ಬಣ್ಣತುಂಬುವ
ಬೆಳಕಾಗಿ ಎನ್ನುತ್ತಿದೆ......
ಹಳ್ಳಿಯೊಂದರ ಬೇಲಿ ಗಿಡದ
ಪುಟ್ಟ ಗುಬ್ಬಿ ಮರಿ ನೀನಂದು
ದೆಲ್ಲಿ ಸದನದ ಗದ್ದಿಗೆ ಏರಿ
ಇಂದು ಜಗಕೆ ತೋರಿದೆ ನೀನಾರೆಂದು!
ತಾಯಿಯ ಉಸಿರಿಗೆ ಹೆಸರಾಗಿ
ತಾತನ ಹೆಸರನ್ನು ಹಸಿರಾಗಿಸಲು
ಪಣತೊಟ್ಟು,ಜವರಾಯನಿಗೆ
ಎದುರಾಗಿ,ಈಜಿ ದಡ ಸೇರಿದೆ!
ಕಲ್ಲು- ಮುಳ್ಳುಗಳನೆ ಮೆಟ್ಟಿ ನಡೆದೆ
ಸೋಲು- ಅಪಮಾನಗಳನೆ
ಮೆಟ್ಟಿಲು ಮಾಡಿಕೊಂಡು ಬೆಳೆದೆ
ನೀ- ಒಪ್ಪಿ ಅಪ್ಪಿಕೊಂಡವರೆ
ನಿನ್ನ ಕೊರಳಿಗೆ ಉರುಳಾದರು,
ಬದುಕೊಂದು ಬಿಸಿ ತುಪ್ಪವಾಯಿತು!
ಸಾಗರದಾಚೆಗು ಹರಡಿದೆ ಇಂದು
ನಿನ್ನ ವಿಜಯದ ಕಹಳೆಯು
ಊರೂರು ಅಲೆದೆ ನೀ- ಅಂದು
ಜೀವನ ನಡೆಸಲು, ಸಾಧನೆಯ ಬಿಸಿಲುಗುದುರೆ ಏರಿ!
ಜನಕನೆ ತಲೆಹಿಡುಕನಾಗಿ
ಇನಿಯನೆ ಅಸುರನಾಗಿ
ಮಡಿಲ ಸೇರಿದ ಹಸುಗೂಸಿಗಾಗಿ
ಅಲೆಯುವಾಗ,ನೀ ಕಾಣಲಿಲ್ಲ
ಈ ಜಗಕೆ!
ಉತ್ತಮೋತ್ತಮ ಪುರಸ್ಕಾರಗಳು
ನಿನ್ನ ನಾಮವನ್ನಲಂಕರಿಸುತ್ತ
ಬಾಗಿಲ ಬಳಿಗೆ ಬರಲು
ನಿನಗಾಗಿ ಬರುವರು ಹಿಡಿದು
ವಿಜಯ ಪತಾಕೆ!
ಜೀವನವೆಂಬ ಸಾಗರದಲ್ಲಿ
ಸಮಸ್ಯೆಗಳೆಂಬ ಅಲೆಗಳಲ್ಲಿ
ಬಂದಿಯಾಗದೆ,ಸೀಳಿ
ಮುನ್ನಡೆದೆ ವಿಮುಖಳಾಗದೆ
ಸಮಸ್ಯೆಗೆ ಹೆದರಿ,ಸಾವಿಗೆ
ಶರಣಾಗುವ ಮಹಿಳೆಯರಿಗೆ
ನೀನಾದೆ ಮಾದರಿ ಮಹಿಳಾಮಣಿ!
ಈ- ನಾಡೆಂದು ನಿನಗೆ ಚಿರ- ಋಣಿ!
ನನಗೇಕೆ ನಿನ್ನ ನೆನಪು ಕಾಡುತಿದೆ ಪರಿಪರಿಯಾಗಿ
ನನ್ನ ಮನಸ್ಸಿನಂಗಳದಲ್ಲಿ ? !!
ಬೆಳದಿಂಗಳು ಚಲ್ಲಿದ ಆ ನಿನ್ನ ಮುಖದ ಕಾಂತಿ ಕಂಡೆ ನನಗೆ ಹೊಲುವೇಕೆ ಗೆಳತಿ !!
ನಿನ್ನ ಕುಡಿನೇೂಟದಲ್ಲೇನೊ ಕಾಣುತಿದೆ
ಕನಸ್ಸಿನ ಚಿತ್ತಾರ ! ನನ್ನ ಮನಸ್ಸಲೆಲ್ಲ ಆಗಿದೆ ಅಲ್ಲೇೂಲ ಕಲ್ಲೇೂಲ !!
ನನಗೇಕೆ ನಿನ್ನ ನೆನಪು ಕಾಡುತಿದೆ ಪರಿಪರಿಯಾಗಿ
ನನ್ನ ಮನಸ್ಸಿನಂಗಳದಲ್ಲಿ ? !!
ಗೆಳತಿ ನೆನಪಿದೆಯ ನಾವುಕಂಡ ಕನಸ್ಸು ಅಂದು ??
ಎಲ್ಲಿರುವೆ ನೀ ನನ್ನನಗಲಿ ಇಂದು ??
ನೀನಿಲ್ಲದ ಒಂದೊಂದು ಕ್ಷಣ ಕ್ಷಣ ಯುಗದಂತಾಗಿದೆ ನನ್ನಗೆ !! ಬಂದು ಬಿಡು ನೀ ನನ್ನ ಜೀವನದಲ್ಲಿ ಕಾಯುತ್ತಿರುವೆ ನಾ ಎಂದೆಂದು !!
ನನಗೇಕೆ ನಿನ್ನ ನೆನಪು ಕಾಡುತಿದೆ ಪರಿಪರಿಯಾಗಿ
ನನ್ನ ಮನಸ್ಸಿನಂಗಳದಲ್ಲಿ ? .....
ಮಾತೆಲ್ಲ ಮುಗಿದಮೇಲು
ಹೇಳಲು ಉಳಿದಿವೆ ಬಹಳಷ್ಟು ಸಾಲು
ಕೆಲವೊಮ್ಮೆ ಹೇಳದೆ ಕೂಡಿಡುವುದೆ ಮೇಲು....
ಮಾತು ಮುಗಿದರು
ಮೌನವು ಬಂದು ಬಿಗಿದಪ್ಪಿದರು
ನಿಲ್ಲದು ಮನಸಲೆ ಉಳಿದ ಮಾತುಗಳ ತಕರಾರು....
ಆಡಿದ ಮಾತು ನೂರಾದರು
ಮಾತಲಿ ಬರಲಾಗದವು ಸಾವಿರವಾದವು
ಮೌನವೆ ನಿಜವೆಂದು ನಂಬಿದರು
ಮನಸೊಳಗೇ ಉಳಿದ ಮಾತುಗಳು ಮರೆಯಾಗುವವು...
ಉಳಿದವು ಒಮ್ಮೊಮ್ಮೆ ಮೌನದಿಂದ ಹೊರಗೋಡಿ ಬರುವವು
ಮಾತಿನ ಮನೆಯ ಕದತಟ್ಟಿ ಒಳನುಸುಳಲು ನೋಡುವವು
ಮತ್ತೇನೊ ನೆನೆನೆನೆದು ಮತ್ತೆ ಮೌನದಲಿ ಸೇರಿ ಬೀಗಜಡಿದು ಕೂರುವವು
ಆಗಾಗ ಮಾತಲಿ ಬಂದು ನುಸುಳಲು ನೋಡಿ ಕಾಣೆಯಾಗುವವು