Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಅವ್ವ......

ಬರೆಯಲೇನು ಒಂದು ಹಾಡು
ಹಾಡಲಿ‌ ಹೇಳಲಾಗುವುದೆ ಅವಳ ಪಾಡು
ಕಂದನ‌ ಹೊತ್ತ ನೋವಲ್ಲು ಖುಷಿಯ ಕಂಡು
ಕೂಸು‌ ಒದ್ದರು ನಗುವ ಚೆಲ್ಲಿದಳು‌ ಹರುಷವ ಉಂಡು

ಬರೆಯಲು ಹಾಡು, ಹುಡುಕುತ್ತಿರುವೆ ಪದವ
ಅವಳ ವರ್ಣಿಸಲು ಪದಗಳಲಿ‌ ಸಾಧ್ಯವ
ಆ ತ್ರಿಮೂರ್ತಿಗಳಿಗೂ ನಿಜ‌‌ ಅರ್ಥದಲಿ ಇವಳೆ ದೈವ
ಅವಳೆ ಬಾಳ ಬೆಳಗುವ ಈ ಅವ್ವ

ಹೊರಬಲ್ಲಳು ನೋವಿನ ಭಾರವ ನವಮಾಸ
ನೋವಲ್ಲಿಯು ನಕ್ಕು ಸಾಕಬಲ್ಲಳ ತನ್ನೊಡಲ ಕೂಸ
ಅದಕ್ಕಿಂತಲು ಅವಳು ಬಯಸಳು‌ ಇನ್ಯಾರ ಸಹವಾಸ
ನೋಡಲಾರಳು ಕಂದನ ನೋವ ತಾನಿದ್ದರು ಉಪವಾಸ

ಅವಳಲ್ಲದೆ ಇನ್ಯಾರಿಗೆ ಬರಬೇಕು ಕೂಸಿಗೆ‌ ತುಂಬಲು ಹರುಷ
ಸಾಕುವಳು‌ ಮಗುವ ಸೊಂಟದಲ್ಲಿಟ್ಟು‌ ಹತ್ತಾರು ವರುಷ
ನೋಯಿಸಿದರು ಬೇಡುವಳು ತನ್ನೊಡಲ ಕೂಸು ನಗುತಿರಲಿ ನೂರಾರು ವರುಷ
ಅವಳಿಲ್ಲದೆ ಜಗವಿರಲು ಸಾಧ್ಯವೆ ಯೋಚಿಸಿ ಒಂದು ನಿಮಿಷ

ಕೂಡಿ ಇಡುವ ಹರುಷ, ನೋಡುತ ಇರಲೆಂದು ಅವಳ ನಯನ
ನಗುತ ಬದುಕ ಕಳೆದರೆ ‌ಸಾಕಲ್ಲವೆ ಅವಳು‌ ಮಾಡುತ ಆ ಕ್ಷಣಗಳ ಮನನ
ಅವಳ ನಗುವ ಕಂಡಾಗಲೆ ಸಾರ್ಥಕ ನಮ್ಮೀ ಜನನ
ಅವಳೆ ಎಂದೂ ಊಹೆಗೂ ನಿಲುಕದ ಸುಂದರ ಕವನ
ಅವಳ ಚರಣಗಳಿಗೆ ನನ್ನ ಕೋಟಿ ನಮನ

- ಶ್ರೀಕಾವ್ಯ

14 May 2017, 04:07 pm

ಅಮ್ಮ

ಮನಸಿನ ಮಾತು ಹೇಳಲು ದೊರಕಿದ ತ್ಯಾಗಮಯಿ
ತಪ್ಪನೆಲ್ಲ ಮನ್ನಿಸುವ ಕರುಣಾಮಯಿ
ನಾ ಹೇಳಬೇಕಿದೆ ಪದಗಳು ನೂರಾರು
ನಿಲುಕುತ್ತಿಲ್ಲ ಬರೀ ಆರು

- shekharBV

14 May 2017, 01:33 pm

ಅಮ್ಮ

ಅಮ್ಮನಿಗೆ ಮಾತೃ ದಿನೋತ್ಸವದ
ಶುಭಾಶಯಗಳನ್ನು ತಿಳಿಸಲು
ದಿನಪೂರ್ತಿ ಸುಂದರ ಪದಗಳನ್ನು
ಹುಡುಕುತ್ತಾ ಕುಳಿತಿದ್ದೆ.........

ಎಷ್ಟು ಹುಡುಕಿದರೂ ಒಂದು
ಪದ ಸರಿದುಗಲಿಲ್ಲ ಅವಳು
ಕೊಡುವ ಪ್ರೀತಿಗೆ ಕೊನೆಗೂ
ನಾನು ಅರಿತೆ ಅಮ್ಮ ಎಂಬುದೇ
ಒಂದು ಅದ್ಭುತ ಮಾತೆಂದು.......

ವರ್ಷವೆಲ್ಲಾ ತಾಯಿಗೆ ನೋವುಕೊಟ್ಟು
ಒಂದು ದಿನ ಅವಳನ್ನು ಸಂತೋಷವಾಗಿಡಲು
ಪ್ರಯತ್ನಿಸಬೇಡಿ..........

ವರ್ಷಪೂರ್ತಿ ಅವಳನ್ನು ಪ್ರೀತಿಯಿಂದ
ನೋಡಿಕೊಳ್ಳಿ ಇಂದು ನೀವು ಮಾತೃದಿನೋತ್ಸವದ
ಸಲುವಾಗಿ ಶುಭಾಶಯಗಳು ತಿಳಿಸದಿದ್ದರು
ಅವಳ ಮುಖದಲ್ಲಿ ನಿಮಗಾಗಿ ನಗುವು ಕಾದಿರುತ್ತದೆ ..........

ಮಾತೃ ದಿನೋತ್ಸವದ ಶುಭಾಶಯಗಳು
ಸ್ನೇಹಿತರೇ...........

- ಚುಕ್ಕಿ

14 May 2017, 12:52 pm

ಮನವೆಂಬ ಮಾಯೆ...!

ಮನವೇ ತನುವನಾಳುವ ಧನಿಕ
ಮೀರಿದ್ದೇಯಾದರೆ ಬಾಳು ಕ್ಷಣಿಕ
ದೇವನೊಲುಮೆಯ ಕಲ್ಪನೆ ಚಿತ್ರ
ಮನದ ಚಿತ್ತದಿ ನಲ್ಮೆಯ ಗಾತ್ರ

ಉರಗದ ಹುತ್ತದಿ ಕಾಣುವೆಯಾದರೆ
ದರ್ಪದ ಅಹಂ ವಿಷದ ಆಸರೆ
ಕೋರಿಕೆ ವಿನಃ ಅತಿಯ ದಾಹ
ಬಿಟ್ಟರು ಬಿಡದೀ ಮತಿಯ ಮೋಹ

ಮನವೇ ಸ್ವತಃ ವಾನರನ ಸಮ
ಕೇಂದ್ರೀಕೃತ ಸ್ಥಿರವಿಲ್ಲದ ಮರ್ಮ
ನಾನಾ ವಿಧದ ಸ್ವಪ್ನ ಸಂಗತಿ
ಅವಸರ ವಿಘ್ನ ಅಸುರ ಸಂಗಾತಿ

ಕಾಣದ ಕಡಲಿಗೆ ಕರೆಯುವ ಮನವೇ
ಶಾಂತಿಯಿದ್ದರೂ ಕೆದಕುತಲಿರುವೆ
ಕಾಂತಿಯ ತರಹದಿ ಬೆಳಗುವ ಮನವೇ
ಮಣ್ಣಿನ ಮಡಿಲಿಗೆ ಬೆರೆಸಲು ತರವೆ...?
- ದೇವ ನಾಯಕ

- Dev

14 May 2017, 10:02 am

ಅಮ್ಮ(ಮದರ್ಸ್ ಡೇ ಗಾಗಿ)

ಹಸಿವಿದ್ದರು, ಹಸಿವ ನೀಗಿಸಿದವಳು ನೀ
ಜಗ ಜರಿದರು, ಒಲವ ತೋರಿದವಳು ನೀ
ಕಾಡಿಸಿದರು, ನೋಯಿಸಿದರು ಕರುಣೆಯೇ ನೀ

ಭರವಸೆಯ ಬಟ್ಟಲು,ಸಾದನೆಯ ಮೆಟ್ಟಿಲು
ಮಮತೆಯ ತೊಟ್ಟಿಲು,ನಿನ್ನ ನಾ ಮುಟ್ಟಲು
ಅನುರಾಗ,ಅಭಿಮಾನ,ಆನಂದವೇ ನೀ

ಕಾಣದ ದೇವರ ಕಾಣಲು ಬಯಸಿದೆ
ಕಣ್ಣಿಗೆ ಕಾಣುವ ದೇವರ ಮರೆತೆ
ಆಸರೆ,ಆಕಾಂಕ್ಷೆ,ಅನುಗ್ರಹವೇ ನೀ

- ವೆಂಕಟೇಶ್ ದೈಶಿ ವೇಮಗಲ್

14 May 2017, 10:01 am

ಹನಿ..

ತಂಗಾಳಿಯ ಮುತ್ತಿನ
ಮತ್ತಲಿ ತೇಲುವ
ಇಳೆಯ
ಬಾನಂಗಳದಿ ನಿಂತು
ನೋಡುತಾ ನಕ್ಕ
ಚಂದಿರ...

- Indushekar Chinivar

13 May 2017, 10:11 pm

ಹನಿ...

ಒಡಲ ಕಂದಮ್ಮಗಳ
ದಾಹಕೆ ಹನಿ ನೀರಿಲ್ಲದ
ನೋವಲಿ ನಿಟ್ಟುಸಿರಿಟ್ಟ
ಇಳೆಯ
ಮೌನದಿ ನೊಡಿ
ರವಿ
ಮರೆಯಾದ ಸಂಜೆ...

- Indushekar Chinivar

13 May 2017, 06:17 pm

ನೀ ನನ್ನ ಸೇರು.....

ಗಾಳಿಲಿ ಸುಗಂಧ ನಿನ್ನ ಕರಿಯುತ್ತಿದೆ
ಮತ್ತೆ ಮರೆಯದೇ ಬಾ ಎಂದು.......
ಈ ಸುಗಂಧದ ಪರಿಮಳ ನನ್ನ ದಾಟಿ
ಹೋಗುವ ಮುನ್ನ ನೀ ನನ್ನ ಸೇರೆ ಚಿನ್ನ.......

- ಚುಕ್ಕಿ

13 May 2017, 04:12 pm

ಸಂಸ್ಕೃತಿ

ಮನುಷ್ಯ ಮನುಷತ್ವ ಹುಟ್ಟಿದ್ಮೇಲೇ ಜಗತ್ತಿನಲ್ಲಿ ಬೇಕಿಲ್ಲದ ದೇವರು,ವೇದ,ಪುರಾಣ,ಧರ್ಮಾಧಾರಿತ ಸಂಸ್ಕೃತಿ ಹುಟ್ಟಿದ್ದು.ಮೊದಲು ಮನುಷ್ಯತ್ವಅನ್ನೊ ಶ್ರೇಷ್ಟಸಂಸ್ಕೃತಿ ಕಲಿಯೋಣ

- ಟಿಜಿಗಿರೀಶ್

13 May 2017, 03:42 pm

ಪ್ರೀತಿಯಿಂದ!!

ನಿನ್ನ ಪ್ರೀತಿಯೇ ನನ್ನ ಜೀವಕ್ಕೆ ಅಕ್ಷಯ ಪಾತ್ರೆ
ಸವಿಯಾದ ಪ್ರೀತಿಯ ಬಾಡೂಟ ಬಡಿಸಿದವನು!!
ಸಂತೋಷದ ಹೆಸರಲ್ಲಿ ನನ್ನ ಹೃದಯ
ಸೇರಿದ ಗೆಳಯ ನೀನು ಸುಗುಣದ
ಸೊಬಗಲ್ಲಿ ಸರಳವಾಗಿ ಬೆರೆತವನು!!

ನೋಡುತ್ತಾ ನೋಡುತ್ತಾ ನನ್ನ
ಹೃದಯ ಕದ್ದವನು!!
ಕಣ್ಣಂಚಿನಲ್ಲೇ ನನ್ನ ಕಟ್ಟಿಹಾಕಿದವನು!!

ಸೊಗಸಾದ ನಗುವಚೆಲ್ಲಿ
ಮುದ್ದಾದ ಮುಖದಲ್ಲಿ
ಮನೋಹರ ಚೆಲುವನ್ನು ಹೊಂದಿರುವವನು!!

ನಿನ್ನ ಪ್ರೀತಿಯೇoಬ ಕಡಲಲ್ಲಿ
ಅಮೂಲ್ಯವಾದ ಮುತ್ತುಗಳನ್ನು
ಬಚ್ಚಿಡು ಬಂಗಾರ ನಾ ಬರುವವರೆಗೆ
ಬೆಲೆಕಟ್ಟಿ ಕೊಂಡುಕೊಳ್ಳುವೆ ನನ್ನ ಪ್ರೀತಿ ಎಂಬ ಅಸ್ತಿಯಿಂದಾ!!

- ಚುಕ್ಕಿ

13 May 2017, 02:52 pm