Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಗಂಧದ ಗೊಂಬೆ

ಉದ್ದ ಜಡೆಯ ಮುದ್ದು ಚೆಲುವೆ
ಕಣ್ಣ ಸನ್ನೆ ಇಲ್ಲದೇನೆ ಕಟ್ಟಿ ಹಾಕಿದೆ ನಿನ್ನ
ಕೆಳಗಿಳಿಸಿದ ರೆಪ್ಪೆಯ ತುದಿ ಹಂಚಿನಲ್ಲೇ.

ನಾನೇನು ಬಲ್ಲೆ ನಿನ್ನ ಸಿಂಧೂರದ ರಂಗು
ನನ್ನ ಪ್ರೀತಿಯ ಹಂಗೆಂದು ಈಗಿಂದು ನನ್ನ
ಕಾಡುವುದೆಂದು ನಿನ್ನ ರೂಪದಲ್ಲಿ.

ಚಿನ್ನದ ಜುಮ್ಕಿ ಪ್ರತಿಕ್ಷಣ ನಿನ್ನ ಕೆನ್ನೆಯ
ಪಕ್ಕನಿಂತು ಕಿಸಕ್ಕನೆ ನಕ್ಕಿ ನನ್ನ ಗೇಲಿ
ಮಾಡುತುರುವುದು ನಿನ್ನ ಕೆನ್ನೆ ತನ್ನದೆಂದು
ನನಗೆ ಅಲ್ಲಿರುವ ಅದೃಷ್ಟವಿಲ್ಲವೆಂದು.

ಮುತ್ತಿನ ಹಾರ ಗಮ್ಮತ್ತಾಗಿ ನಿನ್ನ ಕತ್ತು ಸೇರಿ
ಅಲಂಕರಿಸಿ ಕೊಳ್ಳುತ್ತಿದೆ ನಿನ್ನ ಬಣ್ಣ
ತಾನೊಂದು ಚುರು ಕದ್ದು ಹಚ್ಚಿಕೊಂಡು.

ಘಮಘಮಿಸುವ ಜಾಜಿ ಮಲ್ಲಿಗೆ ನಿನ್ನ
ಮುಡಿಯನೇರಿ ಇಣುಕಿ ನೋಡಿತಿರುವುದು
ನಿನ್ನಿಂದಿನ ನನ್ನ ನೆರಳನು ನನ್ನ ಜಾಗ
ನಿನಗಿಲ್ಲವೆಂದು ಇಂದು.

ನಡುಕಟ್ಟು ಬಲವಾಗಿ ನಿನ್ನ ಬಳ್ಳಿಯಂತ
ಸೊಂಟವ ಬಿಗಿದಪ್ಪಿ ನನ್ನ ಹಿಯಾಳಿಸುತ್ತಿದೆ
ನಿನ್ನ ಕೈಗಳೆಂದಿಗೂ ನನ್ನ ಜಾಗ ಪಡೆಯವೆಂದು.

ಹಿಂತಿರುಗಿ ನೋಡೇ ನನ್ನೊಳವೆ ಕನ್ನಡಿಯಲ್ಲಿ
ಕುಂತ ನಿನ್ನಂದವ ಕಾಣುವ ಬಯಕೆಯಾಕಿದೆ
ಮನಸಿಗೆ ಬೆಡಗಿ ಬಲು ಚಂದದ ಹುಡುಗಿ.

ಬಂಗಾರದ ಮಿಂಚಿನ ರವಿಕೆ ಬದನೆ ಬಣ್ಣದ
ಸೀರೆ ಕೈಗಳಿಗೆ ಸೊಗಸೇರಿಸುವ ಕೈಬಲೇ ಕುಂಚ
ಕರಿಯದೇನೆ ಬಂದು ನಿಂತಂತಿದೆ ನನ್ನೆದುರು
ಮುದ್ದಾದ ಗಂಧದ ಗೊಂಬೆ ಇಂದು.

- ಚುಕ್ಕಿ

09 Dec 2017, 03:29 pm

ಸರಮಾಲೆ......

ಮಾತಿನ ಸರಮಾಲೆ
ಎಷ್ಟು ಎಣಿಸಿದರು
ಎಣಿಸಲಾಗುತ್ತಿಲ್ಲ ......
ಮಾತುಗಳೆ ನಿಮ್ಮನ್ನ
ಮೌನವೆಂದ ದಾರದೋಳಗೆ
ಮಣಿಗಳಂತೆ ಪೋಣಿಸಿ ಬಿಡಲೆ
ಎಷ್ಟು ಮೌನವಿದ್ದರು ಸಾಲುತ್ತಿಲ್ಲ
ಈ ಮಾತುಗಳ ಮಣಿಗಳು
ಮುಗಿಯುತ್ತಿಲ್ಲ ಪೋಣಿಸಿ ಪೋಣಿಸಿ
ಮೌನ ಕಳಚದಿದ್ದರೆ ಸಾಕು
ಕಳಚಿದರೆ ಮಾತುಗಳು ಉದುರಿ
ಹೋಡೆದು ಹೋದೀತು
ಮತ್ತೆ ನಾ ಹೇಗೆ ಪೋಣಿಸಲೆ
ನಿಮ್ಮನ್ನ ಮೌನದ ದಾರದೋಳಗೆ
ಹುಡುಕಿ ಹುಡುಕಿ ಅಲೆಯ
ಬೇಕಾದಿತು ಆಮೇಲೇ ನಿಮ್ಮನ್ನ
ಮಾತು ಮುತ್ತಿನಂತೆ ಹೋಡೆದರೆ
ಮತ್ತೆ ಸೆರಿಸಲಾಗದು.....

- ರಾಗಸಿರಿ....

09 Dec 2017, 01:35 pm

ನೀನಿರಲು ನನ್ನ ಸನಿಹ......

ನೀನಿರಲು ನನ್ನ ಸನಿಹ
ಇನ್ಯಾರು ಬೇಡ ನಿನ್ನ ವಿನಹ
ಒಮ್ಮೆ ನನ್ನ ಸಮೀಪಿಸಿ ನೋಡು
ನನ್ನದೆಯ ತುಂಬಾ ನಿನ್ನದೆ ಹಾಡು.....

ನಿನ್ನದು ಕೊನೆಯಿರದ ಮೌನದ ಪ್ರಲಾಪ
ಎಂದಿಗೆ ತೋರುವೆ ನಿನ್ನ ಮಾತಿನ ಸಲ್ಲಾಪ
ನಿನ್ನ ಮಾತೆ ಆಗಲಿ ನನಗೆ ಕೊನೆಯಿರದ‌ ಆಲಾಪ
ತಿರುಗಿ ನೋಡು ಒಮ್ಮೆ ನನ್ನ ಮನಸಿನ ವಿಲಾಪ
ನೀನೆನೆ ನನ್ನ ಎಂದಿಗೂ ಮುಗಿಯದ‌ ಪ್ರೀತಿಯ ರೂಪ....

ನೀನೆದುರು ಬಂದರೆ ಏನೊ ಪುಳಕ‌
ಕನಸಿನೂರಲು ನಿನ್ನ ನೋಡಲು ನಿಲ್ಲದು ತವಕ
ನೀ ನನಗೆ ಕಾಣದಿದ್ದರೆ ನಾನಗುವೆ ಭಾವುಕ
ನಿನ್ನ ಜೊತೆಯಲಿ ಕಳೆಯುವ ಘಳಿಗೆಗಳೆ ನನಗೆ ರೋಚಕ
ಏತಕೆ‌‌ ನಾನೆಂದರೆ‌ ನಿನಗೆ ಇಂತ ಕುಹಕ‌
ನಿನ್ನ ನಗುವೆ ನನ್ನ‌ ಉಸಿರಾಟಕೆ ವಾಹಕ

ನಿನ್ನ ಒಲವಿನ ಹಾಡಿಗೆ ಆಗಲೇನು ವಾದಕ
ಒಪ್ಪಿ ಬಿಡಿಸು ನೀನಿರದ ನೋವು ನೀಡುವ ಬಾದಕ
ಬಂದರೆ ನೀನು ನಾನೆ ಆ ಖುಷಿಗೆ ಧನಿಕ
ನಾನು ನಿನ್ನ ಪ್ರೀತಿ‌ ಪೂಜಿಸೊ‌ ಆರಾಧಕ
ಇನ್ನ‌ೂ ನೋಡಬೇಡ ಒಪ್ಪಿ ಬರಲು ಜಾತಕ

- ಶ್ರೀಕಾವ್ಯ

08 Dec 2017, 11:57 pm

ಕಾಲ್ಗೆಜ್ಜೆ

ಎರಡೂ ಕಾಲಿಲ್ಲದ ಅವಳ‌ ಅಂದವ
ಕಂಡು ಆ ಕಾಲ್ಗೆಜ್ಜೆಯು ನಿಟ್ಟುಸಿರುಬಿಟ್ಟಿತಂತೆ
ದೇವರ ಪಾದವ ಸೇರಲಾಗದ
ಬೇಲಿ ಹೂವಂತೆ ನಾನಾದೆನೆಂದು


ಹುಣ್ಣಿಮೆ ರಾತ್ರಿಯಲಿ ನನ್ನವಳ ಗೆಜ್ಜೆ ಸದ್ದು
ದೇವತೆ ಕೆಳಗಿಳಿದು ಭೂರಮೆಗೆ ಬಂದಂತೆ
ಆದರೆ ಅಮಾವಾಸ್ಯೆ ರಾತ್ರಿಯಲಿ ಅವಳು ನಡೆದರೆ
ಅದೇ ಘಲ್ ಘಲ್ ಮೋಹಿನಿಯು ಕಾಡಿದಂತೆ


ಗೆಜ್ಜೆ ಕಟ್ಟಿ ಅವಳು ಕುಣಿವಾಗ
ಗರಿ ಗೆದರಿ ಕುಣಿವ ನವಿಲು ಕೂಡ
ಕೊಂಚ ನಾಚಿ ದೂರ ನಿಂತು
ಮರೆಯಲಿ ನೋಡುತ ಅಸೂಯೆಯಲಿ
ಆ ಕುಣಿವ ಹೆಣ್ಣು ನಾನಾಗಬಾರದೆ ಎಂದಿತಂತೆ

- ಶ್ರೀಕಾವ್ಯ

08 Dec 2017, 11:56 pm

ತಿರುಗಿ ಬರಬಾರದೆ...

ಮನಸೊಳಗೆ ನೆನಪುಗಳ ಮಳಿಗೆ ತೆರೆದಿದೆ ಗೆಳತಿ
ಹೃದಯವು ಕತ್ತಲಲಿ ಅಳುವ ತಬ್ಬಿ ಕುಳಿತಿದೆ ಗೆಳತಿ

ನಮ್ಮಿಬ್ಬರ ಸಂಗಮ ಜಾಗ ಹುಡುಕಿ ಬಂದ ನನಗೆ
ನಿನ್ನ ಜಾರುವ ಮುಂಗುರುಳ ನೋಡುವ ಕಾತುರವಾಗಿದೆ ಗೆಳತಿ

ನಮ್ಮ ಕಣ್ಣ ಭಾಷೆಗೆ ಅಂದು ಮೌನವೇ ಮಾತಿನ ಪ್ರತಿರೂಪ
ನಿನ್ನ ಕಣ್ಣ‌ ಸೆಳೆತವಿರದೆ ಇಂದು ಮಾತು ಮೌನವಾಗಿದೆ ಗೆಳತಿ

ನಿನ್ನ ಅಧರದ ಚೆಲುವು, ಮಡಿಲಿನ‌ ಒಲವು ಇಲ್ಲವಾದ ಮೇಲೆ
ಕನಸುಗಳೆಲ್ಲ ಮಸಣದಲಿ‌ ಮಣ್ಣ ಸೇರಿದಂತಾಗಿದೆ ಗೆಳತಿ

ನೀನೆ ನನ್ನ ಬದುಕಿಗೆ ಒಡತಿ, ನೀನಿರದೆ ನನಗೆ ಉಳಿವಾದರು ಎಲ್ಲಿ
ನೀನು ಈ ಉಸಿರ ಉಳಿಸಲಾದರು ಒಮ್ಮೆ ತಿರುಗಿ ಬರಲಾಗದೆ ಗೆಳತಿ

- ಶ್ರೀಕಾವ್ಯ

08 Dec 2017, 11:55 pm

ಎನ್ನ ಮನೆಯ ಸುಮ

ಎನ್ನ ಮನೆಯಂಗಳದರಳಿದ ಸುಮವಿಂದು
ಸೇರುತಿದೆ ಇನ್ನೊಂದು ಮನೆಯ ಪೂಜೆಗೆಂದು
ಬಾಡದಿರಲಿ ಆ ಹೂವಿನ ನಗುವು ಎಂದೆಂದೂ
ಬೇಡುವೆ ಆ ದೇವರ ಅನುದಿನ ಕಾಪಾಡೆಂದು

ಹೆತ್ತವರಿರದ ಮುದ್ದು ಹೆಣ್ಣು ಕೂಸಿಗೆ
ನನ್ನ ಮಡಿಲೇ ಬೆಚ್ಚನೆಯ ಹಾಸಿಗೆ
ಸಾಕಿದೆನವಳ ತೆಕ್ಕೆಲಿಟ್ಟು ತಾಯಿಯ ಹಾಗೆ
ಅವಳೇ ಬೆಳಕು ಈ ಅಣ್ಣನ ಕತ್ತಲ ಬಾಳಿಗೆ

ನನ್ನ ಕೈ ಹಿಡಿದು ನಡೆಯುತ್ತಿದ್ದ ಕೂಸಿಂದು
ಹೊರಟಿದೆ ಇನ್ನೊಂದು ಮನೆಯ ಬೆಳಗಲೆಂದು
ಕಣ್ಣೀರ ಕಡಲೆ ಸ್ವಂತವಾಗಿದೆ ನನಗಿಂದು
ಅವಳ ನಗುವಿರದ ಮನೆಯ ನೆನೆನೆನೆದು

ಕೊಟ್ಟ ಹೆಣ್ಣು ಕುಲಕ್ಕೆ ಹೊರಗೆಂದು
ನೊಂದು ದೂರಾಗಬೇಡ ಕಂದ ನೀನೆಂದು
ನೀ ಕರೆದ ಮರ ಘಳಿಗೆ ನಾನಿರುವೆ ನಿನ್ನ ಮುಂದೆ
ನಿನ್ನ ಸುಖ ದುಃಖಗಳಿಗೆ ನಾನಾಗಿ ಬರುವೆ ತಂದೆ

- ಶ್ರೀಕಾವ್ಯ

08 Dec 2017, 11:53 pm

ಕಣ್ಣ ತುಂಬಾ

ಸದಾ ನನ್ನ ಕಣ್ಣ ತುಂಬಾ
ಕಂದ ಇರಲಿ ನಿನ್ನದೆ ಬಿಂಬ
ಕೊಡುವೆ ನನ್ನ‌ ಅಪ್ಪುಗೆ ಆಸರೆ
ಬಿಡಿಸಲು ನಿನ್ನೆಲ್ಲ ಬಾಳಿನ ಸೆರೆ

ನೀ ಬಯಸಿದ್ದೆಲ್ಲ ಕೊಡಿಸುವಾಸೆ ಚಿನ್ನ
ಅದಾಗದಿದ್ದರೆ ಮನ್ನಿಸಿ ಬಿಡು ಎನ್ನ
ನೋಡಬೇಡ ಸೋತೋದ ನನ್ನ ಕಣ್ಣೀರನ್ನ
ಕಸಿದು ಬಿಡಬಹುದು ಅದು ನಿನ್ನ ನಗುವನ್ನ

ಸಿಂಗರಿಸುವೆ ನಿನ್ನ ಇಟ್ಟು ಕಾಡಿಗೆ ದೃಷ್ಟಿಬೊಟ್ಟು
ಕಲಿಸುವೆ ನಿನಗೆ ಜೀವನದ ಎಲ್ಲ ಒಳಗುಟ್ಟು
ನೀ ಏರಬೇಕು ಬಾಳಿನ ಉತ್ತುಂಗದ ಶಿಖರ
ಯಾರ ಮುಂದೆಯೇ ಬಾಗಿಸದೆ ನಿನ್ನ ಶಿರ

ಪುಟ್ಟ ಪುಟ್ಟ ಕಾಲಿಗೆ ಹಾಕುವೆ ಗೆಜ್ಜೆ
ಇಡಲಿ ಎಂದು ದಿಟ್ಟ ಮಾದರಿ‌ ಹೆಜ್ಜೆ
ಸಂತಸದೊನಲ‌ ಹರಿಸಲಿ‌ ಅಳಿಸಿ ಒಡಕು
ನೀನಾಗದಿರಲೆಂದು ಲೋಕಕೆ ಕೆಡುಕು

- ಶ್ರೀಕಾವ್ಯ

08 Dec 2017, 11:53 pm

ಕಾಪಾಡಬೇಕಿರುವವರೆ

ಅಪ್ಪನ ಸಿಹಿ ಮುತ್ತು
ಗುರುವಿನ ಗೌರವದ ಗತ್ತು
ಮಣ್ಣ ಸೇರಿ ಹೋಗಿವೆ ಸತ್ತು
ಯಾರ ನಂಬುವುದೆಂದು ತಿಳಿಯದಾಗದ ಹೊತ್ತು

ಸಿಲುಕಿದರೆ ಕಾಯುವ ಕೈಯೆ ಕಾಮದ ಮಾಯೆಗೆ
ಯಾವ ಸ್ಪರ್ಶವೂ ಹಿತವಿರದು ಮೈಯಿಗೆ
ಏನು ಅರಿಯದ ಎಳೆ ಕಂದನ ಬಿಡರು
ಅರಳುವ ಮುನ್ನವೆ ಕತ್ತಲಿಗೆ ನೂಕುತಿರುವರು

ಕಾಪಾಡ ಬೇಕಿರುವಣ್ಣನೆ ಕಾಡುವ
ದೇಹದಾಸೆಗೆ ಗೆಳೆಯನೆ ಸೋತುಬಿಡುವ
ಗುರಿ ತೋರಿ ಬುದ್ಧಿ ಕಲಿಸ ಬೇಕಿರುವವ
ಕೂಸೆಂದು ನೋಡದೆ ಕಾಮಣ್ಣನಾಗುತಿರುವ

ಎತ್ತಪ್ಪನ ಕಂಡರೆ ಎದುರುವ ಸ್ಥಿತಿ
ಮುದ್ದು ಮಾಡುವಣ್ಣನೆಂದರೆ ಭೀತಿ
ಗೆಳೆಯನಿಗೂ ತೋರಲಾಗದೆ ಪ್ರೀತಿ
ಅವಳ ಮನದೊಳಗುಟ್ಟುವ ನೋವ ಹೇಳುವುದಾವ ರೀತಿ

ಎಳೆಯ ಕಂದನಲೂ ಕಾಣುವುದಾದರೆ ಕಾಮ
ಅವನಾಗಲಾರ ಕಾಡು ಪ್ರಾಣಿಗೂ ಸಮ
ಕರುಳ ಕುಡಿ, ಬಗಲಿಗೆ ಬಿದ್ದವಳೆಂದು ತಿಳಿಯಲಾಗದ ಮೇಲೆ
ಅವನಿಗಿರಬಾರದು ಈ ಭೂಮಿಯ ಮೇಲೆಯೆ ನೆಲೆ

ಅಂತವರ ಚಿತ್ರಹಿಂಸೆ ಕೊಟ್ಟು ಕೊಂದರು ಬರದು ಪಾಪ
ನರಕ ಯಾತನೆ ತೋರಿದರೆ ಎಚ್ಚರಿಸಿಕೊಳ್ಳುವರೇನೊ ಸ್ವಲ್ಪ
ಆ ಹೆಣ್ಣೆ ಈ‌ ಜಗದ ಜನನಕೆ‌ ನೋವನುಂಗಾದಳು ಆದಿ
ಈಗ ಅವಳ ಮಾಡಬೇಡಿ ಈ ಜಗದಂತ್ಯಕಾಡುವಂತೆ ನಾಂದಿ

- ಶ್ರೀಕಾವ್ಯ

08 Dec 2017, 11:25 pm

ಅಂದ ಚೆಂದ.....

ದುಂಬಿ ಜೇನ ಹೀರಿತೆಂದು
ಹುವಿನ ಮದ್ಯೆ ಕಟ್ಟಿ ಹಾಕಿದರೆ ಅದು ಉಳಿಯುವುದೆ ಅದು ಹಾರಿ ಹೋಗಿ ಜೇನು ಗೂಡ ಕಟ್ಟಿದರೆನೆ ಚೆಂದ.....

ಕುಣಿವ ನವಿಲು ಅಂದ ಎಂದು
ಅದರ ಕಾಲು ಮುರಿಯುವುದೆ
ಅದು ಕುಣಿಯುತ್ತಿದ್ದರೆನೆ ಚಂದ.....

ಅರಳೂ ಮಲ್ಲಿಗೆ ಅಂದ ಎಂದು
ಗಿಡದಲ್ಲೇ ಒಣಗಿಸುವುದೆ
ಅದು ಮುಡಿಗೇರಿದರೇನೆ ಅಂದ....

ಹರಿವ ನದಿ ನೋಡಲು ಸೋಬಗೆಂದು
ಅಡ್ಡಲಾಕಿದರೆ ಹೇಗೆ ಅದು
ನದಿಯಾಗಿ ಹರಿದರೇನೆ ಚೆಂದ....

ನೋಡಲು ಅಂದ ಎಂದು ಗಿಳಿಯ
ಬಾಂಗಾರದ ಪಂಚರದಲ್ಲಿ ಇಟ್ಟರೇನು
ಅದು ರೆಕ್ಕೆ ಬಿಚ್ಚಿ ಹಾರಾಡಿದರೇನೆ ಅಂದ....

ಹಾಡುವ ಕೋಗಿಲೆಯ ಧ್ವನಿ ಕಟ್ಟಿದರೆನು
ಅದು ಹಾಡಿದರೇನೆ ಅಂದ....

- ರಾಗಸಿರಿ....

08 Dec 2017, 09:48 pm

ನಾಕಂಡ ಕನಸು

ನಾಕಂಡ ಕನಸು ಅಂದು
ತುಸು ನನಸಾಗಿದೆ ಇಂದು.
ಪಿಸು ಮಾತಾಗಿ. ಮಾತು ಮಧುರವಾಗಿ.
ಮನಸು ಮಗುವಾಗಿರಲಿ ಎಂದೆಂದೂ

- Nagaraj

08 Dec 2017, 09:21 pm