ಕತ್ತಲೆ ಎಂದರೆ
ಅದೆಂಥ ಕತ್ತಲೆ..?!
ಕಣ್ಬಿಟ್ಟರೂ
ಕಣ್ಮುಚ್ಚಿದರೂ
ಒಂದೇ ವರ್ಣ.
ಬಣ್ಣನೆಗೆ ನಿಲುಕದ
ಬಣ್ಣ.
ವರ್ಣನೆಯೇ ಬೇಡ
ಕತ್ತಲೆಯೆಂದರೆ
ಬರೀ ಕತ್ತಲೆ
ಅಷ್ಟೇ...
ಬೆತ್ತಲೆ ಎಂದರೆ?!
...?!
ಮೈಯ ಹೊರಗೂ
ಮೈಯ ಒಳಗೂ
ಬಟ್ಟೆ ಇಲ್ಲದ
ಉಟ್ಟೇ ಇಲ್ಲದ
ಆ ಆಕಾರ.
ವಿಕಾರವಿಲ್ಲದ
ನಿರ್ವಿಕಾರ.
ಲಜ್ಜೆ ಇಲ್ಲದ,
ಮುಚ್ಚಿಕೆಯ
ವಜ್ಜೆ ಇಲ್ಲದ
ದೇಹಭಾವ.
ದೇಹಭಾರವಿಲ್ಲದ
ನಿರಭಾವ.
ಬಯಲಿಗಿಂತ
ಬೆರಗು.
ಬೆತ್ತಲೆಯೆಂದರೆ,
ಬರೀ ಬೆತ್ತಲೆ
ಅಷ್ಟೇ...
ನೀ ಬರುವದಾರಿಯಲಿ ನಿನಗಾಗಿ ಕಾಯುತಲಿರುವೆವು ನಾವಿಲ್ಲಿ ಇ ಸುಂದರ ಸ್ಥಳದಲ್ಲಿ.
ನಿಮಗಾಗಿ ನಾವು. ಪುಷ್ಪ ಮಳೆಗಯ್ಯಲು ಕಾದು ಕುಳಿತಿರುವೆವು ಇ ಸುಂದರ ಪ್ರಕ್ರುತಿಯ ನಡುವಿನಲಿ .|ಸ|
ಹಕ್ಕಿಗಳ ಇಂಪಾದ ನಾದ ನಿನಗಾಗಿ ಗಾನ ಸುಧೆಯನ್ನು ಹರಿಸಲು ಸಾಲಾಗಿ ಕಾದು ಕುಳಿತಿವೆ ಇ ಸುಂದರ ಬನದಲ್ಲಿ.
ಇ ತಂಗಾಳಿಯ ನಡುವಿನಲಿ ಇಂಪಾದ ನಿನ್ನ ಕಾಲ್ಗೆಜ್ಜೆಯ ಶಬ್ದ ಶ್ರುತಿಸೇರಿ ಹಾಡಿದಂತೆ ಗೀಜುಗ ಗಿಜುಗುಡುವ ಶಬ್ದದ ನಡುವೆ ನನ್ನ ಮನದಿ ನಾಟುತ್ತಿದೆ ಮನವೆ.|ಸ|
ಆ ಅಂಬರದಿಂದ ಕೆಳಗಿಳಿದು ಬರುತಿರುವೆ ನೀ. ನಿನ್ನ ಪಾದದ ಸ್ಪರ್ಷಕ್ಕಾಗಿ ಗರಿಕೆ ಕೂಡ ಹರುಷದಿ ಕಾದಿದೆ ಓ ನನ್ನ ಹ್ರುದಯವೇ.
ನಿನಗಾಗಿ ಇಂಪಾದ ಗಾಳಿಯನ್ನು ತಂಪಾಗಿ ಸವಿಯುತ ಕೆಂಪಾದ ನನ್ನ ತುಟಿಯಲಿ ನಿನ್ನ ಸ್ಮರಣೆ ಮಾಡುತ್ತ ನಾ ಕುಳಿತಿರುವೆ ಈ ಸುಂದರ ಪ್ರಕ್ರುತಿಯ ನಡುವಿನಲಿ |ಸ|
ಜಿನುಗುಡುವ ಮಳೆ ಹನಿಯು ತಣ್ಣನೆ ಮೈ ಸೊಕಿರಲು ಝರಿಯಾಗಿ ಮಳೆ ಹನಿಯು ನದಿಯಾಗಿ ಹರಿದಿರಲು ಎಲ್ಲರೂ ಓಟ್ಟಾಗಿ ಕಾದಿವೆವು ನೀ ಬರುವ ದಾರಿಯಲಿ.
ಓ ನಲ್ಮೆಯ ಅಂಬರದ ಚೆಲುವೆ..|ಸ|
ಇಂದು
ನೀ ನನ್ನ
ಅಗಲಿ ಹೋದರೂ..
ನಿನ್ನ
ನೆನಪುಗಳಿಂದ
ಮಾಸಿ ಹೋದರೂ..
ಎಂದಾದರೂ
ನಾ ನಿನ್ನ
ನೆನಪುಗಳಲ್ಲಿ
ಮೂಡಿದರೆ
ಹುಡುಕದಿರು ನೀನನ್ನ..
ಮತ್ತೆಲ್ಲಿಯೂ..
ನಾನಿನ್ನ
ಕಣ್ಣಲ್ಲೇ ಇರುವೆ;
ಒಂದು ಹನಿ ಕಣ್ಣೀರಾಗಿ…!
ಲಾಲಿ ಹಾಡು ನಿನ್ನ ಕಣ್ಣ ರೆಪ್ಪೆಗಳಿಗೆ
ನಿದ್ದೆಯಲ್ಲಿ ಎದ್ದು ನೋಡದೆ ನನ್ನ ಕನಸಿನ ಮನಸಲ್ಲಿ.......................
ದಿನವೆಲ್ಲ ಓಡಾಡಿ ಸುಸ್ತಾಗಿರುವ ಕಾಲುಗಳಿಗೆ ವಿಶ್ರಾಂತಿಯ ಸಮಯಕೊಡು ಮತ್ತೆ ಮತ್ತೆ ಹೆಚ್ಚರಗೊಳ್ಳದೆ...............
ನಿದ್ದೆಯಲ್ಲಿನ ನಿನ್ನ ಅಪ್ಪಿಗೇ ನನ್ನ ಮನಕೆ ನೆಚ್ಚಿನ ಕನಸಾಗುವುದು ಏಕೆಂದರೆ ಅದರಲ್ಲಿ ನಿನ್ನ ನಗುವು ಬಿಟ್ಟರೆ ಮುನಿಸು ಕಾಣಲಾರೆದು ನನ್ನ ಕಣ್ಣಿಗೆ........
ಜೋಕಾಲಿ ತೂಗುವ ಕೈಯಿಗೆ ನಿನ್ನ ಪ್ರೀತಿಯಿಂದ
ನೋಡಿಕೊಳ್ಳುವ ಆಸೆ ಏಳು ಜಮ್ಮಕೂ ಕೈಬಿಡದೆ ನಿನ್ನ ಜೊತೆಯಾಗಿ.............
ನಿದ್ದೆಯಲ್ಲಿನ ನನಸು ಆಗುವುದೆಂದು ಭಾವಿಸುವೆ ನನ್ನ ಜೀವನದ ಸವಿಗನಸು ನೀನಿದ್ದರೆ ನನ್ನ ಜೊತೆಗೆ ಎಂದೆಂದೂ ನನ್ನ ಮನಸ್ಸು ಹರುಷದ ಹೊಂಬಣ್ಣ ಹೊತ್ತ ಕಾಮನಬಿಲ್ಲಿನ ಬೆಳಕಿನೆಡೆಗೆ............
ಮಕ್ಕಳ ಅರೆಹೊಟ್ಟೆಯ ತುಂಬಲು ಸಜ್ಜಾದ
ಕುದಿಗಂಜಿಯ ದಿಟ್ಟಿಸಿಹಳು ತಾಯಿ
ಹಣೆಯಲಿ ಮೂಡಿದ ಬೆವರ ಹನಿಗಳು
ಮುಂಗುರುಳ ತಾಕಿ ಜಿನುಗುತಿದೆ
ಕೆಂಪು ಕಿಡಿಯಾಗಿ
ಒಲೆಯ ಶಾಖದ ಗುರುತಾಗಿ
ಬಡ ಒಡಲ ತಾಪದ ಕುರುಹಾಗಿ
ಉಪವಾಸದ ಸರದಿ ಗಂಡನದೆಂದು ನೆನೆದು
ಕಂಗಳು ತುಂಬಿ ಕುಂಕುಮ ಕರಗಿ
ಹರಿದಿದೆ ರಕ್ತ ಕಣ್ಣೀರು...
ಒಂಟಿಯಾದ ನನ್ನ ಜೀವನದ ಪಥದಲಿ,
ಜಂಟಿಯಾಗಿ ಬಂದೆ ನೀ ಜೊತೆಯಲಿ,
ಬೆಳಕ ಚೆಲ್ಲಿದೆ ಜ್ಯೋತಿಯಾಗಿ ಬಾಳಿನಲಿ,
ನಾ ಬೇಡುವುದೊಂದಿದೆ ಆ ದೇವರಲಿ,
ನಮ್ಮೊಲವಿನಾ ಹಣತೆ ಎಂದೂ ಉರಿಯುತಿರಲಿ.
------- tippu --------
ತುಂತುರು ಮಳೆ ಹನಿ
ಕೆಡಿಸಿತು ನನ್ನ ತಲಿ
ಹೊಂಬಾಲಿಸಿನ ಮಳೆ ಹನಿಯಲಿ ಕಾಣಿಸಿತು ಕಾಮನಬಿಲ್ಲು
ಆ ಹೊಂಬಿಸಿಲು ಮಳೆಯ ಹನಿಯಲಿ ಕಾಮನಬಿಲ್ಲಿನ ನಡುವೆ ನರ್ತಿಸಿತು ನವಿಲು
ಆ ನವಿಲಿನ ನಾಟ್ಯಕ್ಕೆ ಸೋತು ಹೋಯಿತು ನನ್ನ ಮನಸ್ಸು
ತುಂತುರು ಮಳೆ ಕೆಡಸಿತು ನನ್ನ ತಲೆ